Churches: ಭಾರತದ ಅತಿದೊಡ್ಡ ಮತ್ತು ಹಳೆಯ ಚರ್ಚ್ ಗಳು ಇವು; ಕ್ರಿಸ್ಮಸ್ ದಿನದಂದು ಸೇರುತ್ತೆ ಭಾರೀ ಜನಸಂದಣಿ!!!
Churches: ನಾಳೆ ಕ್ರಿಸ್ಮಸ್. ಹಾಗಾಗಿ ಇಂದು ನಾವು ಇಲ್ಲಿ ನಿಮಗೆ ಭಾರತದ ಅತಿದೊಡ್ಡ ಮತ್ತು ಹಳೆಯ ಚರ್ಚ್‌ಗಳ ಕುರಿತು ಇಲ್ಲಿ ವಿವರ ನೀಡಲಾಗಿದೆ. ಕ್ರಿಸ್ಮಸ್ ಸಂದರ್ಭದಲ್ಲಿ ಭಾರೀ ಜನಸಂದಣಿ ಇರುತ್ತದೆ. ಭಾರತದಲ್ಲಿ ಕ್ರಿಶ್ಚಿಯನ್‌ ಧರ್ಮದ ಜನರು ಬಹಳ ಕಡಿಮೆ ಇದ್ದರೂ ಕೂಡಾ ಭಾರತದಲ್ಲಿ ವಿಶಿಷ್ಟವಾದ ಚರ್ಚ್‌ಗಳು (Churches) ಇದೆ.
ಕ್ರಿಸ್ಮಸ್ (Christmas) ದಿನದಂದು ಮೈಸೂರಿನ ಸೇಂಟ್ ಫಿಲೋಮಿನಾ ಚರ್ಚ್‌ನಲ್ಲಿ ಜನಸಾಗರವೇ ನೆರೆದಿರುತ್ತದೆ. ಮೈಸೂರಿನ ಈ ಚರ್ಚ್ ಅನ್ನು 1936 ರಲ್ಲಿ ನಿರ್ಮಿಸಲಾಯಿತು. ಸೇಂಟ್ ಫಿಲೋಮಿನಾ ಚರ್ಚ್ ಅನ್ನು ಏಷ್ಯಾದ ಅತ್ಯಂತ ಎತ್ತರದ ಚರ್ಚ್ ಎಂದು ಪರಿಗಣಿಸಲಾಗಿದೆ.
ಕ್ರಿಸ್ಮಸ್ ದಿನದಂದು ಅತಿ ಹೆಚ್ಚು ಜನಸಂದಣಿ ಇರುವ ಸ್ಥಳ ಮತ್ತು ಏಷ್ಯಾದ ಅತಿದೊಡ್ಡ ಚರ್ಚ್ ಎಂದು ಪರಿಗಣಿಸಲಾದ ಚರ್ಚ್. ಇದು ಭಾರತದ ನಾಗಾಲ್ಯಾಂಡ್ ರಾಜ್ಯದಲ್ಲಿದೆ. ಸುಮಿ ಬ್ಯಾಪ್ಟಿಸ್ಟ್ ಹೆಸರಿನ ಈ ಚರ್ಚ್ ನಾಗಾಲ್ಯಾಂಡ್‌ನ ಜುನೆಹೆಬೊಟೊ ಪ್ರದೇಶದಲ್ಲಿದೆ. ಈ ಚರ್ಚ್ ಪರ್ವತಗಳ ನಡುವೆ ಇದೆ. ಆದ್ದರಿಂದಲೇ ಕ್ರಿಸ್ಮಸ್ ಆಚರಿಸಲು ದೇಶ ಮಾತ್ರವಲ್ಲದೆ ವಿದೇಶಗಳಿಂದಲೂ ಅನೇಕ ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಾರೆ.
ದೆಹಲಿಯ ಕಾಶ್ಮೀರಿ ಗೇಟ್‌ನಲ್ಲಿರುವ ಸೇಂಟ್ ಜೇಮ್ಸ್ ಚರ್ಚ್ ಅನ್ನು ದೆಹಲಿಯ ಅತ್ಯಂತ ಹಳೆಯ ಚರ್ಚ್ ಎಂದು ಪರಿಗಣಿಸಲಾಗಿದೆ ಇದನ್ನು 1836 ರಲ್ಲಿ ನಿರ್ಮಿಸಲಾಗಿದೆ. ಸುಮಾರು 1200 ಜನರು ಈ ಚರ್ಚ್‌ನಲ್ಲಿ ಆರಾಮವಾಗಿ ಪ್ರಾರ್ಥನೆ ಮಾಡಬಹುದು. ಕ್ರಿಸ್ಮಸ್ ದಿನದಂದು ದೆಹಲಿಯ ಚರ್ಚ್‌ಗಳಲ್ಲಿ ಹೆಚ್ಚಿನ ಜನಸಂದಣಿ ಕಂಡುಬರುತ್ತದೆ.
ಕ್ರಿಸ್ಮಸ್ ದಿನದಂದು ಕೋಲ್ಕತ್ತಾದಲ್ಲಿ ನಿರ್ಮಿಸಲಾದ ಸೇಂಟ್ ಪಾಲ್ಸ್ ಕ್ಯಾಥೆಡ್ರಲ್ ಚರ್ಚ್‌ನಲ್ಲಿ ವಿಭಿನ್ನ ದೃಶ್ಯ ಕಂಡುಬರುತ್ತದೆ. ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಇಲ್ಲಿಗೆ ಬರುತ್ತಾರೆ. ಕ್ರಿಸ್ಮಸ್ ದಿನದಂದು, ಇಲ್ಲಿ ಅದ್ಭುತವಾದ ಅಲಂಕಾರಗಳಿವೆ ಮತ್ತು ಸಾಕಷ್ಟು ವ್ಯವಸ್ಥೆಗಳನ್ನು ಮಾಡಲಾಗುತ್ತದೆ. ಈ ಚರ್ಚ್ ಸುಮಾರು 171 ವರ್ಷಗಳಷ್ಟು ಹಳೆಯದು.
ನಾಗಾಲ್ಯಾಂಡ್‌ನ ಈ ಸುಮಿ ಬ್ಯಾಪ್ಟಿಸ್ಟ್ ಚರ್ಚ್‌ನ ದೊಡ್ಡ ವೈಶಿಷ್ಟ್ಯವೆಂದರೆ ಅದರ ವಿನ್ಯಾಸವು ಬಹಳಷ್ಟು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಮೊಟ್ಟೆಯಾಕಾರದ ಈ ಚರ್ಚ್‌ನಲ್ಲಿ ಸುಮಾರು 8,500 ಜನರು ಏಕಕಾಲದಲ್ಲಿ ಪ್ರಾರ್ಥನೆ ಸಲ್ಲಿಸಬಹುದು ಎಂದು ಹೇಳಲಾಗುತ್ತದೆ.
