Viral News: 1872 ರ ಪುರಾತನ ಮನೆಯೊಳಗೆ ಗಾಜಿನ ಬಾಟಲಿಯಲ್ಲಿ ಸಿಕ್ತು ಪುಟಾಣಿ ಬಾಲಕಿ ಬರೆದ ಪತ್ರ ! 1975 ರಲ್ಲಿ ಬರೆದ ಆ ಪತ್ರದಲ್ಲೇನಿತ್ತು ?
latest news Viral News letter written by a little girl found in a glass bottle inside an ancient house
Viral News: 1872 ರ ಪುರಾತನ ಮನೆಯ ಗೋಡೆಯ ಹಿಂದೆ
ಗಾಜಿನ ಬಾಟಲಿಯಲ್ಲಿ ಅಡಗಿಸಿಟ್ಟ ಪತ್ರವೊಂದು ಪತ್ತೆಯಾಗಿದೆ. ಇದೀಗ ಮನೆ ದುರಸ್ತಿ ಕಾರ್ಯ ನಡೆಸುತ್ತಿದ್ದಾಗ ಪತ್ರ ಸಿಕ್ಕಿದೆ. ಸದ್ಯ ಪತ್ರದಲ್ಲಿ ಬರೆದಿದ್ದ ವಿಚಾರಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ (Viral News) ಆಗುತ್ತಿದೆ. ಅಷ್ಟಕ್ಕೂ ಆ ಪತ್ರದಲ್ಲಿ ಏನಿತ್ತು ಗೊತ್ತಾ?
ಅಮೆರಿಕದ ಇಲಿನಾಯ್ಸ್‌ನ ಟೇಜ್‌ವೆಲ್ ಪ್ರದೇಶದ ಪುರಾತನ ಮನೆಯೊಂದರಲ್ಲಿ ಈ ಪತ್ರ ಸಿಕ್ಕಿದೆ. ಮನೆಯ ದುರಸ್ತಿ ಕಾರ್ಯ ನಡೆಸುತ್ತಿದ್ದಾಗ ಪತ್ರ ಸಿಕ್ಕಿದ್ದು, ಲಿವಿಂಗ್ ರೂಮ್ನ ಮರದ ಗೋಡೆಯ ಮೇಲೆ ರಹಸ್ಯ ಮಾರ್ಗವನ್ನು ಸೂಚಿಸುವಂತೆ ಬಾಣದ ಗುರುತು ಹಾಕಿ Note 9/29/1975 ಎಂದು ಬರೆದಿದ್ದು, ಇದನ್ನು ಡಕೋಟ ಮೋನ್ ಎಂಬ ಕಾರ್ಪೆಂಟರ್ ನೋಡಿದ್ದಾರೆ. ಅಲ್ಲಿ ನೋಡುವಾಗ ಗೋಡೆಯ ಹಿಂದಿನ ಬಾಟಲಿಯೊಳಗೆ ಎರಡು ಪುಟಗಳ ಪತ್ರಗಳು ಸಿಕ್ಕಿದೆ. ಅದನ್ನು 14 ವರ್ಷದ ಸ್ಟೆಫನಿ ಹೆರಾನ್ ಎಂಬ ಬಾಲಕಿ ಬರೆದಿದ್ದಳು.
ಪತ್ರದಲ್ಲಿ ‘ ನನ್ನ ಹೆಸರು ಸ್ಟೆಫನಿ ಹೆರಾನ್. ಈ ಮನೆ 1872 ರಲ್ಲಿ ನಿರ್ಮಾಣವಾಗಿದೆ. ನಾನು ನನ್ನ ತಾಯಿ-ತಂದೆಯೊಂದಿಗೆ ವಾಸಿಸುತ್ತಿದ್ದೇನೆ. ನನ್ನ ತಾಯಿ ಗರ್ಭಿಣಿ’ ಎಂದು ಬರೆಯಲಾಗಿದೆ. ಸದ್ಯ ಈ ಪತ್ರದ ಬಗ್ಗೆ ಮೋನ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. “ನಾನು ಬಡಗಿಯಾಗಿ ನನ್ನ ವೃತ್ತಿಜೀವನದಲ್ಲಿ ಬಹಳಷ್ಟು ವಿಷಯಗಳನ್ನು ಕಂಡುಕೊಂಡಿದ್ದೇನೆ ಆದರೆ ಇದು ಎಲ್ಲದಕ್ಕಿಂತ ಮಿಗಿಲಾದುದು” ಎಂದು ಬರೆದುಕೊಂಡಿದ್ದಾರೆ.
ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ಸ್ಟೆಫನಿ ಹೆರಾನ್ ಪೋಸ್ಟ್ ನೋಡಿ, ಪ್ರತಿಕ್ರಿಯೆ ನೀಡಿದ್ದಾರೆ. ‘ಇದನ್ನು ನಾನು ಬರೆದದ್ದು, ನೋಟಿನ ಬಗ್ಗೆ ಕೇಳಿ ನಾನು ಶಾಕ್ ಆದೆ’ ಎಂದು ಕಾಮೆಂಟ್ ಮಾಡಿದ್ದಾರೆ. ಹೆರಾನ್ 14 ವರ್ಷದ ಬಾಲಕಿಯಾಗಿದ್ದಾಗ ಬರೆದು ಪತ್ರ ಇದಾಗಿದೆ. ಈಗ ಹೆರಾನ್ ಗೆ 61 ವರ್ಷ.
