RBI New Rules : ಹಣ (money) ಎಲ್ಲರ ಜೊತೆಯೂ ಇದೆ. ಜೊತೆಗೆ ಹರಿದ ನೋಟು ಕೂಡ ಕೆಲವರ ಬಳಿ ಇರುತ್ತದೆ. ಈ ನೋಟು ಬಳಕೆಗೆ ಬಾರದೇ ಯಾವುದೋ ಒಂದು ಮೂಲೆಯಲ್ಲಿ ಇರುತ್ತದೆ. ಆದರೆ ನೀವೂ ಯಾವ ಹರಿದ ನೋಟು ಬಳಕೆಗೆ ಬಾರದು ಎಂದುಕೊಂಡಿದ್ದೀರೋ ಆ ನೋಟಿನಿಂದ ನೀವು ಬೇರೆ ನೋಟು ಪಡೆಯಬಹುದು. ಹೌದು, ನೀವು ಹಳೆಯ ನೋಟು ಗಳಿಂದ ಹೊಸ ನೋಟುಗಳನ್ನು ಪಡೆಯಬಹುದು.
“ನೀವು ಸಹ ಹಳೆಯ ಅಥವಾ ಮ್ಯುಟಿಲೇಟೆಡ್ ನೋಟುಗಳನ್ನು ಬದಲಾಯಿಸಲು ಬಯಸಿದರೆ, ಈಗ ನೀವು ಇದನ್ನು ಸುಲಭವಾಗಿ ಮಾಡಬಹುದು” ಎಂದು PNB ತನ್ನ ಅಧಿಕೃತ ಟ್ವೀಟ್‌ನಲ್ಲಿ ಬರೆದಿದೆ.
ಹಾಗೇ ನಿಮ್ಮ ಹತ್ತಿರದ ಶಾಖೆಯನ್ನು ನೀವು ಸಂಪರ್ಕಿಸಬಹುದು ಎಂದು RBI ತಿಳಿಸಿದೆ.
ರಿಸರ್ವ್ ಬ್ಯಾಂಕ್ ಹೊರಡಿಸಿದ ಹೊಸ ನಿಯಮಗಳ (RBI New Rules) ಪ್ರಕಾರ, ನಿಮ್ಮ ಬಳಿ ಹಳೆಯ ಅಥವಾ ವಿಕೃತ ನೋಟುಗಳಿದ್ದರೆ, ನೀವು ಬ್ಯಾಂಕ್‌ನ ಯಾವುದೇ ಶಾಖೆಗೆ ಹೋಗಿ ಅಂತಹ ನೋಟುಗಳನ್ನು ಬದಲಾಯಿಸಬಹುದು. ಆದರೆ, ಹರಿದ ನೋಟಿನ ಯಾವುದೇ ಭಾಗ ಕಾಣೆಯಾಗಿದ್ದರೆ ಅಥವಾ ಎರಡಕ್ಕಿಂತ ಹೆಚ್ಚು ತುಣುಕುಗಳನ್ನು ಹೊಂದಿದ್ದರೆ ಮಾತ್ರ ಅದನ್ನು ಸ್ವೀಕರಿಸಲಾಗುತ್ತದೆ ಎನ್ನಲಾಗಿದೆ. ಅಲ್ಲದೆ, ಬಳಕೆಗೆ ಯೋಗ್ಯವಲ್ಲದ ಮಣ್ಣಾದ ನೋಟುಗಳನ್ನು ಸಹ ಆರ್‌ಬಿಐ ಕಚೇರಿಯಿಂದ ಬದಲಾಯಿಸಬಹುದು. ಬ್ಯಾಂಕ್ ಉದ್ಯೋಗಿ ನಿಮ್ಮ ನೋಟು ಬದಲಾಯಿಸಿಕೊಳ್ಳಲು ನಿರಾಕರಿಸಿದರೆ ನೀವು ದೂರು ಕೂಡ ನೀಡಬಹುದು.
ತುಂಬಾ ಸುಟ್ಟ ನೋಟುಗಳು ಅಥವಾ ಒಟ್ಟಿಗೆ ಅಂಟಿಕೊಂಡಿರುವ ನೋಟುಗಳನ್ನು ಸಹ ಬದಲಾಯಿಸಬಹುದು. ಆದರೆ ಬ್ಯಾಂಕ್ ಅವುಗಳನ್ನು ತೆಗೆದುಕೊಳ್ಳುವುದಿಲ್ಲ, ಬದಲಾಗಿ ಆರ್‌ಬಿಐನ ಸಂಚಿಕೆ ಕಚೇರಿಗೆ ಕೊಡಬೇಕು. ಕರೆನ್ಸಿ ನೋಟಿನ ಕೆಲವು ಭಾಗಗಳಾದ ವಿತರಣಾ ಪ್ರಾಧಿಕಾರದ ಹೆಸರು, ಗ್ಯಾರಂಟಿ ಮತ್ತು ಭರವಸೆ ಷರತ್ತು, ಸಹಿ, ಅಶೋಕ ಸ್ತಂಭ, ಮಹಾತ್ಮ ಗಾಂಧಿಯವರ ಭಾವಚಿತ್ರ, ವಾಟರ್‌ಮಾರ್ಕ್ ಇತ್ಯಾದಿಗಳು ಕಾಣೆಯಾಗಿದ್ದರೆ, ನಿಮ್ಮ ನೋಟು ಬ್ಯಾಂಕಿನಲ್ಲಿ ಬದಲಾವಣೆ ಮಾಡಲಾಗುವುದಿಲ್ಲ ಎಂದು ಹೇಳಲಾಗಿದೆ.
ಇದನ್ನು ಓದಿ : Government scheme: ಈ ಯೋಜನೆಯಿಂದ ಮಹಿಳೆ ಮತ್ತು ಮಕ್ಕಳಿಗೆ ಸಿಗಲಿದೆ ತಿಂಗಳಿಗೆ ರೂ. 1500 ; ಹೆಚ್ಚಿನ ಮಾಹಿತಿ ಇಲ್ಲಿದೆ
