Duplicate PAN Card: ಇಂದು ಹೆಚ್ಚಿನ ಬ್ಯಾಂಕಿಂಗ್ ವ್ಯವಹಾರಗಳಿಗೆ ಪ್ಯಾನ್ (PAN Card)ಅತ್ಯಗತ್ಯ ದಾಖಲೆಯಾಗಿದ್ದು, ಹೀಗಾಗಿ, ಪ್ಯಾನ್ ಜೊತೆ ಆಧಾರ್ ಕಾರ್ಡ್ ಅನ್ನು ಲಿಂಕ್ ಮಾಡುವುದು ಕೂಡ ಮುಖ್ಯವಾಗುತ್ತದೆ.
ಪ್ಯಾನ್ ಕಾರ್ಡ್ ಆದಾಯ ತೆರಿಗೆ ಇಲಾಖೆಯಿಂದ ನೀಡಲಾದ 10 ಸಂಖ್ಯೆಗಳ ಆಲ್ಫಾನ್ಯೂಮರಿಕ್ (Alpha Numeric Number)ಸಂಖ್ಯೆಯಾಗಿದೆ. ಮತ್ತೊಂದೆಡೆ ಇ-ಪ್ಯಾನ್ ಎನ್ನುವುದು ವರ್ಚುವಲ್ ಪ್ಯಾನ್ ಕಾರ್ಡ್ (PAN Card) ಆಗಿದ್ದು ಅವಶ್ಯಕವಾಗಿದ್ದು, ಎಲ್ಲಿ ಬೇಕಾದರೂ ಇ-ಪರಿಶೀಲನೆಗೆ ಬಳಕೆ ಮಾಡಲಾಗುತ್ತದೆ. ಇ-ಪಾನ್ನ ಕಾರ್ಡ್ನಲ್ಲಿ ಕ್ಯುಆರ್ ಕೋಡ್(QR Code) ಇರಲಿದ್ದು ಇದು ವ್ಯಕ್ತಿಯ ಮೂಲ ಮಾಹಿತಿಗಳನ್ನು ಒಳಗೊಂಡಿರುತ್ತದೆ. ಭಾರತದಲ್ಲಿ 61 ಕೋಟಿಗೂ ಹೆಚ್ಚು ಮಂದಿ ಪಾನ್ ಕಾರ್ಡ್ (Pan Card) ಹೊಂದಿದ್ದು, ಅದರಲ್ಲಿ 2023ರ ಫೆಬ್ರವರಿ ಕೊನೆಯಲ್ಲಿ 48.5 ಕೋಟಿ ಜನರ ಆಧಾರ್ ಕಾರ್ಡ್ನೊಂದಿಗೆ ಜೋಡಣೆಯಾಗಿದೆ. ಇನ್ನುಳಿದವರು ಗಡುವಿನೊಳಗೆ ಲಿಂಕ್ ಮಾಡಲೇಬೇಕಾದ ಅನಿವಾರ್ಯತೆ ಎದುರಾಗಿದೆ.
ಭೌತಿಕ ಪ್ಯಾನ್ ಕಾರ್ಡ್ ಪಡೆಯಲು ಈ ವಿಧಾನ ಅನುಸರಿಸಿ
ನೀವು ಫಾರ್ವರ್ಡ್ ಅಪ್ಲಿಕೇಶನ್ ಡಾಕ್ಯುಮೆಂಟ್ಗಳನ್ನು ಭೌತಿಕವಾಗಿ ಆಯ್ಕೆಮಾಡಿದರೆ ನಂತರ ನೀವು ಡಾಕ್ಯುಮೆಂಟ್ಗಳನ್ನು ಭೌತಿಕವಾಗಿ NSDL ಗೆ ರವಾನೆ ಮಾಡಲಾಗುತ್ತಿದೆ. ನೀವು ಇ-ಕೆವೈಸಿ( E- KYC)ಮತ್ತು ಇ-ಸೈನ್ (E- Sign) ಮೂಲಕ ಡಿಜಿಟಲ್ ಆಗಿ ಸಲ್ಲಿಸುವ ಆಯ್ಕೆ ಮಾಡಿದರೆ ಆಧಾರ್ ಅವಶ್ಯಕವಾಗಿದೆ. ಇದರ ಬಳಿಕ ನಿಮ್ಮ ಆಧಾರ್ ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ. ಅದನ್ನು ನಮೂದಿಸಿದ ಬಳಿಕ ಡಿಜಿಟಲ್ ಸಹಿ ಬೇಕಾಗುತ್ತದೆ. ನೀವು ಇ-ಸೈನ್ ಮೂಲಕ ಸಲ್ಲಿಸಿ ಸ್ಕ್ಯಾನ್ ಮಾಡಿದ ಫೋಟೋ ಆಯ್ಕೆ ಮಾಡಿದರೆ ಆಧಾರ್ ಕಾರ್ಡ್ ವಿವರಗಳು ಅವಶ್ಯಕವಾಗಿದೆ. ನೀವು ಡಾಕ್ಯುಮೆಂಟ್ಗಳ ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ಅಪ್ಲೋಡ್ ಮಾಡಲಾಗುತ್ತದೆ. ಎಲ್ಲಾ ದಾಖಲೆಗಳನ್ನು ಅಪ್ಲೋಡ್ ಮಾಡಿದ ಬಳಿಕ ನೀವು OTP ಅನ್ನು ಪಡೆಯಬೇಕು. ಅದನ್ನು ನಮೂದಿಸಿ ಮತ್ತು ಅಪ್ಲಿಕೇಶನ್ ಅನ್ನು ದೃಢೀಕರಿಸಬೇಕು.
ಈ ಪ್ರಕ್ರಿಯೆ ಮೂಲಕ ನೀವು ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಲು ಅವಕಾಶವಿದೆ. ಐಟಿಆರ್ಗೆ (ITR) ಪ್ಯಾನ್ ಕಾರ್ಡ್ ಅತ್ಯಂತ ಅವಶ್ಯಕವಾಗಿದ್ದು, PAN ಕಾರ್ಡ್ ಅನ್ನು ನೀವು ಕಳೆದುಕೊಂಡರೆ ನೀವು ನಕಲಿ PAN ಗೆ ಆನ್ಲೈನ್ ಅಥವಾ ಆಫ್ಲೈನ್ನಲ್ಲಿ ಅರ್ಜಿ ಸಲ್ಲಿಸಲು ಅವಕಾಶವಿದೆ. ಈ ಸಂದರ್ಭದಲ್ಲಿ ನೀವು ಐಟಿ ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್ನಿಂದ ಎಲೆಕ್ಟ್ರಾನಿಕ್ ಪ್ಯಾನ್ ಕಾರ್ಡ್ ಅಥವಾ ಇ-ಪ್ಯಾನ್ ಕಾರ್ಡ್ ಅನ್ನು ಡೌನ್ಲೋಡ್ ಮಾಡಬಹುದು.
ಆನ್ಲೈನ್ನಲ್ಲಿ ಪ್ಯಾನ್ ಕಾರ್ಡ್ಗೆ (Duplicate PAN Card) ಅರ್ಜಿ ಸಲ್ಲಿಸುವ ವಿಧಾನ ಹೀಗಿದೆ:
# ಮೊದಲುನೀವು TIN-NSDL ನ ಅಧಿಕೃತ ವೆಬ್ಸೈಟ್ಗೆ ಹೋಗಬೇಕು.
# ಆ ಬಳಿಕ ನೀವು ಈ ಆಯ್ಕೆಯನ್ನು ಆರಿಸಬೇಕಾಗುತ್ತದೆ-“ಅಸ್ತಿತ್ವದಲ್ಲಿರುವ PAN ಡೇಟಾದಲ್ಲಿನ ಬದಲಾವಣೆಗಳು ಅಥವಾ ತಿದ್ದುಪಡಿ/ PAN ಕಾರ್ಡ್ನ ಮರುಮುದ್ರಣ (ಅಸ್ತಿತ್ವದಲ್ಲಿರುವ PAN ಡೇಟಾದಲ್ಲಿ ಯಾವುದೇ ಬದಲಾವಣೆಗಳಿಲ್ಲ.
# ಈ ಪ್ರಕ್ರಿಯೆಯ ಬಳಿಕ, ನೀವು ಹೆಸರು, ಹುಟ್ಟಿದ ದಿನಾಂಕ, ಮೊಬೈಲ್ ಸಂಖ್ಯೆಯನ್ನು ಒಳಗೊಂಡಿರುವ ಎಲ್ಲಾ ಅವಶ್ಯಕ ವಿವರಗಳನ್ನು ಭರ್ತಿ ಮಾಡಬೇಕಾಗುತ್ತದೆ. ಈ ಎಲ್ಲಾ ವಿವರಗಳನ್ನು ಭರ್ತಿ ಮಾಡಿ ಸಲ್ಲಿಸಬೇಕು.
# ನಿಮಗೆ ಟೋಕನ್ ಸಂಖ್ಯೆಯನ್ನು ನೀಡಲಾಗುತ್ತದೆ. ನಿಮ್ಮ ನೋಂದಾಯಿತ ಇಮೇಲ್ ವಿಳಾಸಕ್ಕೆ ಸ್ವೀಕೃತಿಯನ್ನು ರವಾನೆ ಮಾಡಲಾಗುತ್ತದೆ. ಇದರ ಬಳಿಕ, ನೀವು ಅರ್ಜಿಯನ್ನು ಭರ್ತಿ ಮಾಡುವುದನ್ನು ಮುಂದುವರಿಸಬೇಕು.
# ಇದರ ನಂತರ ನೀವು ವೈಯಕ್ತಿಕ ವಿವರಗಳ ಪುಟದಲ್ಲಿ ಕೇಳಲಾದ ಎಲ್ಲಾ ಮಾಹಿತಿಯನ್ನು ಭರ್ತಿ ಮಾಡಬೇಕಾಗುತ್ತದೆ. ನೀವು PAN ಅಪ್ಲಿಕೇಶನ್ ಸಲ್ಲಿಕೆ ಮೋಡ್ ಅನ್ನು ಆಯ್ಕೆ ಮಾಡಬೇಕು.
# ಇವುಗಳು ಭೌತಿಕವಾಗಿ ಫಾರ್ವರ್ಡ್ ಅಪ್ಲಿಕೇಶನ್ ದಾಖಲೆಗಳನ್ನು ಹೊಂದಿರುತ್ತದೆ. ಇ-ಕೆವೈಸಿ ಮತ್ತು ಇ-ಸೈನ್ ಮೂಲಕ ಡಿಜಿಟಲ್ ಆಗಿ ಸಲ್ಲಿಕೆ ಮಾಡಬೇಕು.
# ನೀವು ಭೌತಿಕ ಪ್ಯಾನ್ ಕಾರ್ಡ್ ಮತ್ತು ಇ-ಪ್ಯಾನ್ ಕಾರ್ಡ್ ನಡುವೆ ಆಯ್ಕೆ ಮಾಡಬೇಕಾಗುತ್ತದೆ. ಇದಕ್ಕೆ ಮಾನ್ಯವಾದ ಇಮೇಲ್ ವಿಳಾಸದ ಅವಶ್ಯಕವಾಗಿರುತ್ತದೆ.
# ನೀವು ಸಂಪರ್ಕ ಮಾಹಿತಿಯನ್ನು ಭರ್ತಿ ಮಾಡಬೇಕು. ದಾಖಲೆಗಳ ವಿವರಗಳನ್ನು ಭರ್ತಿ ಮಾಡಿ ನಂತರ ಅರ್ಜಿಯನ್ನು ಸಲ್ಲಿಸಬೇಕು. ಆ ಬಳಿಕ ನಿಮ್ಮನ್ನು ಪಾವತಿ ಪುಟಕ್ಕೆ ಒಯ್ಯಲಾಗುತ್ತದೆ. ಪಾವತಿಯ ನಂತರ ಸ್ವೀಕೃತಿ ಚೀಟಿ ಬರುತ್ತದೆ.
# ಸ್ವೀಕೃತಿ ಚೀಟಿ ಮತ್ತು ಪಾವತಿಯ ಬಳಿಕ 15 ರಿಂದ 20 ಕೆಲಸದ ದಿನಗಳಲ್ಲಿ ನಕಲಿ PAN ಕಾರ್ಡ್ (Duplicate PAN Card) ಒದಗಿಸಲಾಗುತ್ತದೆ.
ಇದನ್ನೂ ಓದಿ: Men’s Brain are Larger than women: ಪುರುಷರ ಮೆದುಳು ಮಹಿಳೆಯರ ಮೆದುಳಿಗಿಂತ ದೊಡ್ಡದು : ಯಾಕೆ ತಿಳಿದಿದೆಯೇ?
