Oscars 2023 winners: ದೇಶಕ್ಕೆ ಮೊದಲ ಆಸ್ಕರ್ ಪ್ರಶಸ್ತಿ ನೀಡಿದ ಇಬ್ಬರು ಮಹಿಳೆಯರು ಯಾರು ಗೊತ್ತೇ? ದಿ ಎಲಿಫೆಂಟ್ ವಿಸ್ಪರ್ಸ್ ಸಿನಿಮಾದ ಹಿಂದಿದೆ ಈ ಮಹಿಳೆಯರ ಕೈಚಳಕ!

Oscars 2023 winners : Oscars 2023 ಭಾರತಕ್ಕೆ ಐತಿಹಾಸಿಕ ಎಂದು ಸಾಬೀತು ಆಗಿದೆ. ಆರ್‌ಆರ್‌ಆರ್‌ (RRR) ಸಿನಿಮಾದ ನಾಟು ನಾಟು ಸಾಂಗ್‌ಗೆ (Naatu Naatu Song) ಆಸ್ಕರ್‌ ದೊರಕಿದೆ. ಇದಲ್ಲದೇ, “ದಿ ಎಲಿಫೆಂಟ್ ವಿಸ್ಪರ್ಸ್”(The Elephant Whisperers) ಚಿತ್ರಕ್ಕೆ ಆಸ್ಕರ್ ಪ್ರಶಸ್ತಿ ಲಭಿಸಿದೆ. ದಿ ಎಲಿಫೆಂಟ್ ವಿಸ್ಪರ್ಸ್ ಎಂಬ ಕಿರುಚಿತ್ರವು(Short Movie) ದೇಶಕ್ಕೆ ಆಸ್ಕರ್ ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ಇದು ಆಸ್ಕರ್‌ನಲ್ಲಿ ಅತ್ಯುತ್ತಮ ಸಾಕ್ಷ್ಯಚಿತ್ರ ಕಿರುಚಿತ್ರ ವಿಭಾಗದಲ್ಲಿ ಸೇರ್ಪಡೆಗೊಂಡ ಕಿರುಚಿತ್ರವಾಗಿದೆ. ಈ ಸಿನಿಮಾವನ್ನು ಹೆಮ್ಮೆ ಪಡುವಂತೆ ಮಾಡಿದ ಮತ್ತು ದೇಶವೇ ಹೆಮ್ಮೆ ಪಡುವಂತೆ ಮಾಡಿದ (Oscars 2023 winners) ಇಬ್ಬರು ಮಹಿಳೆಯರ ಬಗ್ಗೆ ತಿಳಿಯೋಣ ಬನ್ನಿ.

Oscar 2023 ಭಾರತಕ್ಕೆ ಬಹಳ ವಿಶೇಷ ಎಂದು ಸಾಬೀತಾಗಿದೆ. ಭಾರತವು ಈ ವರ್ಷ ಮೂರು ಚಿತ್ರಗಳಿಂದ ನಿರೀಕ್ಷೆಯನ್ನು ಹೊಂದಿತ್ತು. ಒಂದೆಡೆ, ಆಲ್ ದಟ್ ಬ್ರೀಥ್ಸ್ ಅತ್ಯುತ್ತಮ ಸಾಕ್ಷ್ಯಚಿತ್ರ ಫೀಚರ್ ಫಿಲ್ಮ್ ವಿಭಾಗದಲ್ಲಿ ಆಸ್ಕರ್ ಗೆಲ್ಲಲು ಸಾಧ್ಯವಾಗಲಿಲ್ಲ, ಆದರೆ ಇನ್ನೊಂದೆಡೆ, ದಿ ಎಲಿಫೆಂಟ್ ವಿಸ್ಪರ್ಸ್ ಅತ್ಯುತ್ತಮ ಕಿರು ಸಾಕ್ಷ್ಯಚಿತ್ರ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದಿದೆ. ಈ ಚಿತ್ರವನ್ನು ಕಾರ್ತಿಕಿ ಗೊನ್ಸಾಲ್ವಿಸ್ ನಿರ್ದೇಶಿಸಿದ್ದರೆ, ಇದನ್ನು ಗುನೀತ್ ಮೊಂಗಾ ನಿರ್ಮಿಸಿದ್ದಾರೆ. ಬನ್ನಿ, ಈ ವಿಶೇಷ ಸಂದರ್ಭದಲ್ಲಿ ದೇಶ ಮತ್ತು ವಿಶ್ವಕ್ಕೆ ಕೀರ್ತಿ ತಂದ ಈ ಇಬ್ಬರು ಮಹಿಳಾ ಕಲಾವಿದೆಯರ ಬಗ್ಗೆ ತಿಳಿದುಕೊಳ್ಳೋಣ.

ಗುನೀತ್ ಮೋಂಗಾ ಯಾರು? ಗುನೀತ್ ಮೊಂಗಾ ಇವರು, ಭಾರತೀಯ ಚಲನಚಿತ್ರ ನಿರ್ಮಾಪಕರು ಮತ್ತು ಅನೇಕ ದೊಡ್ಡ ಚಲನಚಿತ್ರಗಳನ್ನು ನಿರ್ಮಿಸಿದ್ದಾರೆ. ಅವರ ಚಿತ್ರಗಳು ಈ ಹಿಂದೆಯೂ ವಿಶ್ವಾದ್ಯಂತ ಗೌರವವನ್ನು ಪಡೆದಿವೆ, ಆದರೆ ದಿ ಎಲಿಫೆಂಟ್ ವಿಸ್ಪರ್ಸ್ ಚಿತ್ರವು ಸಾಧಿಸಿದ ಯಶಸ್ಸನ್ನು ಪುನರಾವರ್ತಿಸಲು ಸಾಧ್ಯವಿಲ್ಲ. ಈ ಚಿತ್ರವು ದೇಶಕ್ಕೆ ಮೊದಲ ಆಸ್ಕರ್ ಪ್ರಶಸ್ತಿಯನ್ನು ನೀಡಿದೆ.

ಗುನೀತ್ ಬಗ್ಗೆ ಹೇಳುವುದಾದರೆ, ಅವರು ದಾಸವೇದನಿಯನ್, ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ, ಗ್ಯಾಂಗ್ಸ್ ಆಫ್ ವಾಸೇಪುರ್, ಶಾಹಿದ್, ದಿ ಲಂಚ್ ಬಾಕ್ಸ್, ಮಿಕ್ಕಿ ವೈರಸ್, ಮಾನ್ಸೂನ್ ಶೂಟೌಟ್ ಮತ್ತು ಹರಂಖೋರ್ ಮುಂತಾದ ಚಲನಚಿತ್ರಗಳನ್ನು ನಿರ್ಮಿಸಿದ್ದಾರೆ. ಇವುಗಳಲ್ಲಿ ಹಲವು ಚಿತ್ರಗಳು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಂಡಿವೆ.

ಕಾರ್ತಿಕಿ ಗೊನ್ಸಾಲ್ವಿಸ್ ಯಾರು? ಅದೇ ಸಮಯದಲ್ಲಿ, ಈ ಚಿತ್ರವನ್ನು ಕಾರ್ತಿಕಿ ಗೊನ್ಸಾಲ್ವಿಸ್ ನಿರ್ದೇಶಿಸಿದ್ದಾರೆ. ಕಲಾಲೋಕದಲ್ಲಿ ಹೊಸ ಹೆಸರು. ಆದರೆ ಈಗ ಜಗತ್ತಿನಾದ್ಯಂತ ದೇಶದ ಹೆಸರನ್ನು ಹೆಮ್ಮೆಯಿಂದ ಎತ್ತಿ ಹಿಡಿದಿದ್ದಾರೆ. ಪ್ರಾಣಿಗಳ ಬಗೆಗಿನ ಪ್ರೀತಿ ಮತ್ತು ಸಂವೇದನಾಶೀಲತೆಯನ್ನು ಅವರು ಚಲನಚಿತ್ರದ ಮೂಲಕ ಪ್ರಸ್ತುತಪಡಿಸಿದಾಗ, ಜಗತ್ತು ಅವರ ಪ್ರತಿಭೆಯನ್ನು ಗುರುತಿಸಿ, ದಿ ಎಲಿಫೆಂಟ್ ವಿಸ್ಪರ್ಸ್ ಎಂಬ ಕಿರು ಸಾಕ್ಷ್ಯಚಿತ್ರವನ್ನು ನಿರ್ದೇಶಿಸಿ, ದೇಶಕ್ಕೆ ಮೊದಲ ಆಸ್ಕರ್ ಪ್ರಶಸ್ತಿಯನ್ನು ತಂದುಕೊಟ್ಟ ಹಿರಿಮೆ ಇವರಿಗೆ ಸಲ್ಲುತ್ತದೆ.

ಚಿತ್ರದ ಕಥೆ ಏನು? ಇನ್ನು ಚಿತ್ರದ ಕಥೆಯ ಬಗ್ಗೆ ಹೇಳುವುದಾದರೆ ಇದೊಂದು ಪ್ರಾಣಿ ಸೂಕ್ಷ್ಮಸಂವೇದನಾಶೀಲ ಇರುವ ಕಿರುಚಿತ್ರವಾಗಿದ್ದು, ಆನೆಯ ಮರಿ ಕಥೆಯನ್ನು ಇದರಲ್ಲಿ ತೋರಿಸಲಾಗಿದೆ.

Oscar award 2023 : ಆಸ್ಕರ್ ಪಡೆದ ಭಾರತೀಯರ ಕಂಪ್ಲೀಟ್ ಲಿಸ್ಟ್ ಇಲ್ಲಿದೆ!