RD Interest Rates : ಆರ್ಡಿ(RD) ಅಥವಾ ರೆಕರಿಂಗ್ ಡೆಪಾಸಿಟ್ (RD- Recurring Deposit) ಜನರಿಗೆ ಬಹಳ ಉಪಯುಕ್ತವಾಗಿದ್ದು, ಇದರಲ್ಲಿ ಹೆಚ್ಚಿನ ಜನರು ಹೂಡಿಕೆ(investment) ಮಾಡುತ್ತಾರೆ. ಬ್ಯಾಂಕ್ ಖಾತೆಯಲ್ಲಿ ಇಚ್ಛಿಸಿದಷ್ಟು ನಿರ್ದಿಷ್ಟ ಹಣವನ್ನು ಪ್ರತೀ ತಿಂಗಳೂ ಹೂಡಿಕೆ ಮಾಡಬಹುದು. ಹಾಗಿದ್ದರೆ, ಎಸ್ಬಿಐ(SBI), ಎಚ್ಡಿಎಫ್ಸಿ(HDFC) ಯಲ್ಲಿ ಆರ್ಡಿಗೆ ಬಡ್ಡಿ(RD Interest Rates) ಎಷ್ಟು ಸಿಗುತ್ತದೆ? ಇದರ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಎಲ್ಲಾ ಬ್ಯಾಂಕುಗಳೂ ಉತ್ತಮ ಬಡ್ಡಿ ದರಗಳನ್ನು ನೀಡುತ್ತವೆ. ಆದರೆ, ಎಚ್ಡಿಎಫ್ಸಿ ಬ್ಯಾಂಕ್, ಎಸ್ಬಿಐ, ಪೋಸ್ಟ್ ಆಫೀಸ್(post office), ಪಂಜಾಬ್ ನ್ಯಾಷನಲ್ ಬ್ಯಾಂಕ್(Punjab National Bank) ನಲ್ಲಿ ಹಿರಿಯ ನಾಗರಿಕರ ಆರ್ಡಿಗೆ ಅತಿಹೆಚ್ಚು ಬಡ್ಡಿ ಕೊಡಲಾಗುತ್ತದೆ. ಹೆಚ್ಡಿಎಫ್ಸಿ ಬ್ಯಾಂಕಿನಲ್ಲಿ ಹಿರಿಯ ನಾಗರಿಕರು ಇರಿಸುವ ರೆಕರಿಂಗ್ ಡೆಪಾಸಿಟ್ಗಳಿಗೆ ಅತಿ ಹೆಚ್ಚು ಬಡ್ಡಿ ದರ ಸಿಗುತ್ತದೆ. ಎಷ್ಟು ಸಿಗುತ್ತದೆ? ನೋಡೋಣ.
HDFC: ಹೆಚ್ಡಿಎಫ್ಸಿ ಬ್ಯಾಂಕ್(HDFC Bank) ನಲ್ಲಿ ಹಿರಿಯ ನಾಗರಿಕರ ಆರ್ಡಿಗೆ ಶೇ. 7.75ರವರೆಗೂ ಬಡ್ಡಿ ಸಿಗುತ್ತದೆ. ಇನ್ನು 6ರಿಂದ 10 ವರ್ಷ ಅವಧಿಯ ಆರ್ಡಿ ಠೇವಣಿಗಳಿಗೆ ಗರಿಷ್ಠ ಬಡ್ಡಿ ಇದ್ದು, 24ರಿಂದ 60 ತಿಂಗಳ ಅವಧಿಯ ಆರ್ಡಿಗಳಿಗೆ ಶೇ. 7.5ರಷ್ಟು ಬಡ್ಡಿ ಸಿಗುತ್ತದೆ.
SBI: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ(SBI) ದಲ್ಲಿ ನಿಶ್ಚಿತ ಠೇವಣಿಗೆ ಎಷ್ಟು ಬಡ್ಡಿ ನೀಡಲಾಗುತ್ತದೋ ಅಷ್ಟೇ ಬಡ್ಡಿಯನ್ನು ಆರ್ಡಿಗೂ ನೀಡಲಾಗುತ್ತದೆ. ಹಿರಿಯ ನಾಗರಿಕರು 1-2 ವರ್ಷ ಕಾಲ ಇರಿಸುವ ಆರ್ಡಿಗೆ ಶೇ. 7.3ರಷ್ಟು ಬಡ್ಡಿ ಸಿಗುತ್ತದೆ. ಹಾಗೆಯೇ 5-10 ವರ್ಷ ಕಾಲದ ಠೇವಣಿಗೆ ಶೇ. 7.5ರಷ್ಟು ಬಡ್ಡಿ ನೀಡಲಾಗುತ್ತದೆ.
PNB: ಪಂಜಾಬ್ ನ್ಯಾಷನಲ್ ಬ್ಯಾಂಕ್(PNB) ನಲ್ಲಿ 2-3 ವರ್ಷಗಳ ಅವಧಿಯ ಠೇವಣಿಗೆ ಶೇ. 7.55ರಷ್ಟು ಬಡ್ಡಿ ಲಭ್ಯವಾಗುತ್ತದೆ. ಆಗೆಯೇ 5ರಿಂದ 10 ವರ್ಷಗಳ ಆರ್ಡಿಗೆ ಶೇ. 7.35ರಷ್ಟು ಬಡ್ಡಿ ದೊರೆಯುತ್ತದೆ.
ಅಂಚೆ ಕಚೇರಿಯ ಆರ್ಡಿ: ಅಂಚೆ ಕಚೇರಿಯ ನ್ಯಾಷನಲ್ ಸೇವಿಂಗ್ಸ್(Post Office National Savings) ಆರ್ಡಿ ಖಾತೆ ತೆರೆದರೆ ಶೇ. 5.8ರಷ್ಟು ಬಡ್ಡಿ ಸಿಗುತ್ತದೆ. ಆದರೆ, 5 ವರ್ಷಕ್ಕೆ ಆರ್ಡಿ ಮೆಚ್ಯೂರ್(mature) ಆಗುತ್ತದೆ.
