ಸುಂದರವಾಗಿ ಕಾಣಬೇಕೆಂಬ ಆಸೆ ಪ್ರತಿಯೊಬ್ಬರಲ್ಲು ಇರುತ್ತದೆ. ಇದಕ್ಕಾಗಿ ಜನರು, ಅನೇಕ ಕಸರತ್ತುಗಳನ್ನು ಮಾಡುತ್ತಾರೆ. ಇದಕ್ಕಾಗಿ ಅಂಗಡಿಗಳಲ್ಲಿ ಸಿಗುವ ಬೇರೆ ಬೇರೆ ತರಹದ ಕ್ರೀಮ್’ಗಳನ್ನು ಕೆಲವರು ಬಳಸಿದರೆ, ಮತ್ತೆ ಕೆಲವರು ಮನೆಯಲ್ಲೇ ತಯಾರಿಸಿದ ಹೋಂ ರೆಮಿಡಿ ಬಳಸಿ ಮುಖದ ಅಂದವನ್ನು ಹೆಚ್ಚಿಸಲು ಪ್ರಯತ್ನಿಸುತ್ತಾರೆ. ಹಾಗಿದ್ರೆ ನೀವೂ ಕೂಡ ಅಂದ ಹೆಚ್ಚಿಸಿಕೊಳ್ಳಲು ಹೀಗೆಯೇ ಮಾಡುತ್ತೀರಾ? ಇಂತವರಲ್ಲಿ ನೀವೂ ಒಬ್ಬರಾಗಿದ್ದೀರಾ? ಹಾಗೇನಾದರೂ ಇದ್ದರೆ ತಪ್ಪದೇ ಈ ಮಾಹಿತಿಯನ್ನು ನೋಡಲೇ ಬೇಕು. ಅದೆನಪ್ಪಾ ಅಂದ್ರೆ ಅಡುಗೆ ಮನೆಯಲ್ಲಿರುವ ಈ ಒಂದು ಕಪ್ಪು ವಸ್ತುನ ನೀವು ಮುಖಕ್ಕೆ ಹಚ್ಚಿದರೆ ಸಾಕು, ಕಣ್ಣು ಮಿಟುಕಿಸುವಷ್ಟರಲ್ಲಿ ಬೆಳ್ಳಗಿನ ತ್ವಚೆಯನ್ನು ನೀವು ಪಡಿಯುತ್ತೀರಾ. ಹಾಗಾದ್ರೆ ಬೆಳ್ಳಗೆ ಮಾಡೋ ಆ ಕಪ್ಪು ವಸ್ತು ಯಾವುದು ಅಂತ ತಿಳ್ಕೊಬೇಕಾ? ಹಾಗಾದ್ರೆ ಈ ಸ್ಟೋರಿ ನೋಡಿ ಇಲ್ಲಿದೆ ಮಾಹಿತಿ.
ಆಕ್ಟಿವೇಟೆಡ್ ಚಾರ್ಕೋಲ್ ಅಥವಾ ಇದ್ದಿಲಿನ ಸಹಾಯದಿಂದ ನಿಮ್ಮ ಎಲ್ಲಾ ಚರ್ಮದ ಸಮಸ್ಯೆಗಳು ದೂರವಾಗುತ್ತವೆ!! ಹೌದು, ಅಡುಗೆ ಮನೆಯಲ್ಲಿರುವ ಇದ್ದಲುಗಳು ಚರ್ಮವನ್ನು ಶುದ್ಧೀಕರಿಸುವ ಮತ್ತು ನಿರ್ವಿಷಗೊಳಿಸುವ ಅತ್ಯಂತ ಸಕ್ರಿಯ ಮತ್ತು ಶಕ್ತಿಯುತ ಪದಾರ್ಥಗಳಲ್ಲಿ ಒಂದಾಗಿದೆ. ಇದ್ದಿಲಿನ ಹೆಸರನ್ನು ಕೇಳಿದಾಗ, ಈ ಕಪ್ಪು ಮತ್ತು ಹೊಲಸು ನಿಮಗೆ ಹೇಗೆ ಸೌಂದರ್ಯವನ್ನು ನೀಡುತ್ತದೆ ಎಂಬುದನ್ನು ನಿಮ್ಮ ಮನಸ್ಸಿಗೆ ಬಂದಿರಬೇಕು. ಆದರೆ ಇದ್ದಿಲು ನಿಮ್ಮ ಚರ್ಮಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಸಾಬೀತುಪಡಿಸುತ್ತದೆ ಎಂಬುದೂ ನಿಜ. ಇದಕ್ಕಾಗಿ, ನೀವು ಸಕ್ರಿಯವಾಗಿ ಇದ್ದಿಲು ಬಳಸಬೇಕಾಗುತ್ತದೆ. ನೀವು ಅದನ್ನು ಸುಲಭವಾಗಿ ಮಾರುಕಟ್ಟೆಯಿಂದಲು ಖರೀದಿ ಮಾಡಬಹುದು.
ಇದ್ದಿಲಿನಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತದ ಗುಣಲಕ್ಷಣಗಳು ಮುಖಕ್ಕೆ ಹೊಳಪನ್ನು ನೀಡುತ್ತದೆ. ನಿಮ್ಮ ಮುಖದಿಂದ ಮಾಲಿನ್ಯಕಾರಕಗಳನ್ನು ಸಂಪೂರ್ಣವಾಗಿ ತೆಗೆದುಹಾಕಲು, ನಿಮ್ಮ ತ್ವಚೆಯನ್ನು ನಯವಾಗಿ ಮತ್ತು ಪ್ರಕಾಶಮಾನವಾಗಿ ಕಾಣುವಂತೆ ಮಾಡಲು ಆಕ್ಟಿವೇಟೆಡ್ ಚಾರ್ಕೋಲ್ ಹೊಂದಿರುವ ಫೇಸ್ ಮಾಸ್ಕ್ ಸಹಕಾರಿಯಾಗಿದೆ.
ಈಗಂತೂ ಧೂಳು,ಮಾಲಿನ್ಯಗಳಿಂದ ಪರಿಸರವು ಕೂಡಿದ್ದು, ಇದರ ಪರಿಣಾಮವಾಗಿ ಮುಖದಲ್ಲಿ ವಿವಿಧ ರೀತಿಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಮುಖದಲ್ಲಿರುವ ಸಣ್ಣ ಸಣ್ಣ ರಂಧ್ರಗಳು ಕಲ್ಮಶಗಳಿಂದ ಮುಚ್ಚಿಹೋಗಿರುತ್ತವೆ ಹೀಗಾಗಿ ತ್ವಚೆಯ ಬಣ್ಣವು ಮಾಸುತ್ತದೆ. ಆದರೆ ಚಾರ್ಕೋಲ್ ಮಾಸ್ಕ್‌ಗಳನ್ನು ಬಳಸುವುದರಿಂದ, ಚರ್ಮವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಲು ಮತ್ತು ರಂಧ್ರಗಳಿಂದ ಕೊಳೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
ಅಲ್ಲದೇ, ಈ ಚಾರ್ಕೋಲ್ ಮಾಸ್ಕ್‌ಗಳು ಚರ್ಮದಿಂದ ವಿಷ ಮತ್ತು ಕಲ್ಮಶಗಳನ್ನು ಅಯಸ್ಕಾಂತದಂತೆ ಆಕರ್ಷಿಸಿ ಮುಖದಿಂದ ತೆಗೆದುಹಾಕಲು ಸಹಾಯ ಮಾಡುತ್ತದೆ. ಇದರಿಂದಾಗಿ ಮೇದೋಗ್ರಂಥಿಗಳ ಸ್ರಾವ ಉತ್ಪಾದನೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಸಕ್ರಿಯ ಮೊಡವೆಗಳನ್ನು ಕಡಿಮೆ ಮಾಡಲು ಮತ್ತು ಒಣಗಿಸಲು ಸಹ ಸಹಾಯ ಮಾಡಬಹುದು. ಇದರ ಜೊತೆಗೆ ಡೆಡ್ ಸ್ಕಿನ್ ಗಳನ್ನು ತೆಗೆಯುತ್ತದೆ. ಚಾರ್ಕೋಲ್ ಮಾಸ್ಕ್‌ಗಳು ಕಲ್ಮಶಗಳನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ.
ಹಗಲಿನಲ್ಲಿ ಆಚೆ ಈಚೆ ಓಡಾಡಿ ಇದರ ಪರಿಣಾಮವಾಗಿ ನಮ್ಮ ಚರ್ಮದ ಪದರಗಳ ಕೆಳಗೆ ವಿಷಗಳು ಸಂಗ್ರಹಗೊಳ್ಳುತ್ತವೆ. ಮಾಲಿನ್ಯ, ದೀರ್ಘಕಾಲದ ಸೂರ್ಯನ ಬೆಳಕು, ಪರಿಸರ ಮತ್ತು ಒತ್ತಡ, ಆಹಾರ ಮತ್ತು ನಿದ್ರೆಯ ಅಭ್ಯಾಸಗಳು ಸೇರಿದಂತೆ ಕೆಲ ಮಾಲಿನ್ಯಕಾರಕಗಳಿಂದ ನಿಮ್ಮ ಚರ್ಮವನ್ನು ಸ್ವಚ್ಛಗೊಳಿಸಿದ ನಂತರವೂ ಎಪಿಡರ್ಮಿಸ್ ಅಡಿಯಲ್ಲಿ ಸಂಗ್ರಹಗೊಳ್ಳುತ್ತವೆ. ಇದು ವಿವಿಧ ಚರ್ಮದ ಆರೈಕೆ ಸಮಸ್ಯೆಗಳಿಗೆ ಮುಖ್ಯ ಕಾರಣವಾಗುತ್ತದೆ.
ಚಾರ್ಕೋಲ್ ಮಾಸ್ಕ್‌ಗಳಲ್ಲಿರುವ ಪ್ರಬಲವಾದ ಹೀರಿಕೊಳ್ಳುವ ಸಾಮರ್ಥ್ಯಗಳಿಂದ ಚರ್ಮದ ಒಳಭಾಗಕ್ಕೆ ಪ್ರವೇಶಿಸಿ, ಅಲ್ಲಿ ಸಂಗ್ರಹವಾಗಿರುವ ಹಾನಿಕಾರಕ ಕಲ್ಮಶ, ವಿಷಗಳನ್ನು ತೆಗೆದುಹಾಕುತ್ತವೆ. ಅಲ್ಲದೆ ಸೂಕ್ಷ್ಮಜೀವಿಗಳು ಮತ್ತು ಚರ್ಮದ ಸೋಂಕುಗಳನ್ನು ತೆಗೆದುಹಾಕುವ ಮೂಲಕ ನಮ್ಮ ಚರ್ಮಕ್ಕೆ ಪ್ರಯೋಜನವನ್ನು ನೀಡುತ್ತದೆ.
ಕೀಟಗಳ ಕಡಿತ ಮತ್ತು ಕುಟುಕುವಿಕೆಯಿಂದ ಚರ್ಮವನ್ನು ತುರಿಕೆ ಮತ್ತು ಊತಕ್ಕೆ ಕಾರಣವಾಗಬಹುದು. ಈ ಕಡಿತ, ತುರಿಕೆಯ ಜಾಗದಲ್ಲಿ ಇದ್ದಿಲಿನ ಪೇಸ್ಟ್ ಹಚ್ಚುವುದರಿಂದ ಕೀಟಗಳ ವಿಷದಲ್ಲಿನ ವಿಷವನ್ನು ತಟಸ್ಥಗೊಳಿಸುತ್ತದೆ. ಜೊತೆಗೆ ಕಡಿತದಿಂದ ಕುಟುಕನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
ಇದ್ದಿಲಿನ ಮಾಸ್ಕ್ ಹೀಗೆ ಹಚ್ಚಿ
- ಇದ್ದಿಲಿನ ಮಾಸ್ಕ್ ಅನ್ನು ಹಚ್ಚುವ ಮೊದಲು ಚರ್ಮ ಅಥವಾ ಮುಖವನ್ನು ಚೆನ್ನಾಗಿ ತೊಳೆಯಿರಿ. ಏಕೆಂದರೆ ಮಾಸ್ಕ್ ಹಚ್ಚಿದಾಗ ರಂಧ್ರಗಳನ್ನು ಭೇದಿಸಲು ಸಹಾಯ ಮಾಡುತ್ತದೆ.
- ಹಣೆ, ಕೆನ್ನೆ, ಮೂಗು ಮತ್ತು ಗಲ್ಲವನ್ನು ಒಳಗೊಂಡಂತೆ ಮುಖದ ಮೇಲೆ ಮಾಸ್ಕ್ ಅನ್ನು ಸಮವಾಗಿ ಅನ್ವಯಿಸಿ. ಬೆರಳ ತುದಿಯಿಂದ ಚರ್ಮಕ್ಕೆ ನಿಧಾನವಾಗಿ ಮಸಾಜ್ ಮಾಡಿ. ಹಾಗೂ ಕಣ್ಣಿಗೆ ಬೀಳದಂತೆ ಎಚ್ಚರ ವಹಿಸಿ.
- ಮಾಸ್ಕ್ ಹಚ್ಚಿದ ನಂತರ ಚರ್ಮದ ಮೇಲೆ 15 ನಿಮಿಷಗಳ ಕಾಲ ಒಣಗಲು ಬಿಡಿ, ನಂತರ ಬೆಚ್ಚಗಿನ ನೀರಿನಿಂದ ತೊಳೆಯಿರಿ.
- ಮುಖವನ್ನು ನಿಧಾನವಾಗಿ ಒಣಗಿಸಿ, ನಂತರ ಮುಖಕ್ಕೆ ಮಾಯಿಶ್ಚರೈಸರ್ ಅನ್ನು ಹಚ್ಚಿರಿ.
