Jacket Rate: ಈ ಜಾಕೆಟ್ ಕ್ಯಾಬೇಜ್ನಂತೆ ಇದೆ | ನಿಮ್ಮಲ್ಲಿ 60 ಸಾವಿರ ಇದ್ದರೆ ತಗ್ಗೊಳ್ಳಿ| ಇದರ ವೈಶಿಷ್ಟ್ಯತೆ ಏನು ?
ನೀವು ಜ್ಯಾಕೆಟ್ ಕೊಂಡುಕೊಳ್ಳುವ ಯೋಜನೆ ಹಾಕಿದ್ದರೆ, ಈ ಕುತೂಹಲಕಾರಿ ಮಾಹಿತಿ ನೀವು ತಿಳಿದುಕೊಳ್ಳುವುದು ಉತ್ತಮ. ಹೌದು!!! ಕ್ಯಾಬೇಜ್ನಂತೆ ಇರುವ ಜಾಕೆಟ್ ನಿಮಗೆ ಬೇಕಾದಲ್ಲಿ 60 ಸಾವಿರ ರೂಪಾಯಿ ರೆಡಿಮಾಡಿಕೊಳ್ಳಿ!ಚುಮು ಚುಮು ಚಳಿಯಲ್ಲಿ ಬೆಚ್ಚಗಿನ ಜ್ಯಾಕೇಟ್ ಇಲ್ಲವೇ ಕಾಫಿ, ಟೀ ಮೊರೆ ಹೋಗೋದು ಸಾಮಾನ್ಯ.
ದಿನದಿಂದ ದಿನಕ್ಕೆ ಚಳಿಗಾಲದಲ್ಲಿ (Winter Seson) ಚಳಿ ಹೆಚ್ಚಾಗುತ್ತಿದೆ. ಈ ವೇಳೆ, ಬೆಚ್ಚಗೆ ಇರಲು ಜೊತೆಗೆ ಚಳಿಯಿಂದ ರಕ್ಷಣೆ ಪಡೆಯಲು ಸ್ವೆಟರ್, ಸಾಕ್ಸ್ಗಳನ್ನು ಧರಿಸುವುದು ಸಹಜ. ಮೊದಲೆಲ್ಲಾ ಕಂಬಳಿ, ರಗ್ಗು, ಶಾಲುಗಳನ್ನು ಹೊದ್ದುಕೊಳ್ಳುತ್ತಾ ಇದ್ದರು. ಆದರೆ, ಈಗ ಜರ್ಕಿನ್, ಸಾಕ್ಸ್, ಗ್ಲೌಸ್ ಮತ್ತು ನಾನಾ ರೀತಿಯ ಉಣ್ಣೆ ಬಟ್ಟೆಗಳು ಮಾರುಕಟ್ಟೆಗಳಿಗೆ ಲಗ್ಗೆ ಇಟ್ಟಿದೆ. ಇನ್ನೂ ಕೆಲವೊಬ್ಬರಿಗೆ ಬ್ರ್ಯಾಂಡೆಡ್ಸ್ವೆಟರ್, ಜಾಕೆಟ್ಗಳನ್ನು ಹಾಕಬೇಕು ಅಂದುಕೊಳ್ಳುವವರು ಕೂಡ ನಮ್ಮ ನಡುವೆ ಇದ್ದಾರೆ.
ಅದರಲ್ಲೂ ಕೂಡ ಬ್ಯಾಂಡೆಡ್ ಜಾಕೆಟ್ ಎಂದರೆ ಒಂದು 2 ಸಾವಿರ, ಅದಕ್ಕೂ ಜಾಸ್ತಿ ಅಂದರೆ ಒಂದು 10,000 ದ ಒಳಗೆ ಇರಬಹುದು. ಆದರೆ ನಾವು ಹೇಳಿಕ್ಕೆ ಹೊರಟಿರೋ ಜ್ಯಾಕೆಟ್ ಬೆಲೆ ಕೇಳಿದರೆ ನೀವು ಮೂಗಿನ ಮೇಲೆ ಬೆರಳಿಟ್ಟು ಅಷ್ಟೊಂದು ದುಬಾರಿ ನಾ??? ಅಂತ ಶಾಕ್ ಆಗೋದು ಗ್ಯಾರಂಟಿ!!?? ಡೆಕಾತ್ಲಾನ್, ಪೂಮಾ, ಲಿವೀಸ್, ವುಡ್ಲ್ಯಾಂಡ್ ಈ ರೀತಿಯ ಹಲವಾರು ಬ್ರ್ಯಾಂಡ್ಗಳಿದ್ದು, ಅದರಲ್ಲಿ ಡೀಸಲ್ ಕಂಪನಿ ಕೂಡ ತನ್ನ ಸ್ಥಾನ ಪಡೆದುಕೊಂಡಿದೆ. ನಾನಾ ರೀತಿಯ ವಸ್ತ್ರವಿನ್ಯಾಸಗಳನ್ನು ಸಿದ್ಧಪಡಿಸಿ ಮಾರುಕಟ್ಟೆಗೆ ತಂದು ಕೊಡುವಲ್ಲಿ ಈ ಡೀಸಲ್ ಕಂಪನಿ ತನ್ನದೇ ಟ್ರೆಂಡ್ ರೂಪಿಸಿ ಫೇಮಸ್ ಆಗಿದೆ.
ಸದ್ಯ, ಈ ಕಂಪನಿ ಬಿಡುಗಡೆಮಾಡಿದ ಒಂದ ಜಾಕೆಟ್ ಜೋರಾಗಿ ಟ್ರೆಂಡ್ ಆಗುತ್ತಿದೆ. ಅಷ್ಟಕ್ಕೂ ಅಸಲಿ ಕಾರಣವೇನು?? ಅಂತಹ ವಿಶೇಷ ಈ ಜ್ಯಾಕೆಟ್ ನಲ್ಲಿ ಏನಿದೆ?? ಎಂಬ ಪ್ರಶ್ನೆ ನಿಮ್ಮನ್ನು ಕಾಡದಿರದು. ಹೌದು!!! ಈ ಜ್ಯಾಕೆಟ್ ಬೇರೆ ನಾರ್ಮಲ್ ಹಾಗೆ ಇರದೆ, ಹೂಕೋಸು/ ಕ್ಯಾಬೇಜಿನ ಹಾಗೆ ಇರುವ ಜಾಕೆಟ್ ಆಆಗಿದ್ದು ಇದು ನೋಡಲು ಥೇಟ್ ಕ್ಯಾಬೇಜಿನ ಹಾಗೆಯೇ ಇರುವ ವಿನ್ಯಾಸದ ಜಾಕೆಟ್ನನ್ನು ಡೀಸಲ್ ಕಂಪೆನಿ ಬಿಡುಗಡೆ ಮಾಡಿದೆ. ಇದನ್ನು ಧರಿಸಿದರೆ ನೋಡಿದವರ ಪಾಲಿಗೆ ಕ್ಯಾಬೇಜ್ ಬಂದಿದೆಯೇನೋ ಎಂಬ ಭಾವನೆ ಮೂಡಿಸಿದರು ಅಚ್ಚರಿಯಿಲ್ಲ.
ಆದರೆ, ಬರೀ ಡಿಸೈನ್ ಚೇಂಜ್ ಆಗಿದ್ದರೆ ಹೆಚ್ಚು ಸುದ್ದಿಯಾಗುತ್ತಿತ್ತೋ ಗೊತ್ತಿಲ್ಲ. ಆದರೆ, ಜ್ಯಾಕೆಟ್ ಬೆಲೆ ಕೇಳಿದರೆ ಈ ಜ್ಯಾಕೆಟ್ ಖರೀದಿ ಮಾಡುವ ಅವಶ್ಯಕತೆ ಇದೆಯಾ ಅಂತ ಅನ್ನಿಸೋದು ಪಕ್ಕಾ!!! ಆದ್ರೆ, ಬ್ರಾಂಡ್ ಹಾಗೂ ಡಿಸೈನ್ ಮೇಲೆ ಹೆಚ್ಚು ಒಲವು ಇದ್ದು ಏಷ್ಟು ದುಬಾರಿ ಇದ್ದರೂ ಪರವಾಗಿಲ್ಲ ಅನ್ನೋರು ಖಂಡಿತ ಇದನ್ನು ಕೊಂಡುಕೊಳ್ಳಬಹುದು. ಕ್ಯಾಬೆಜ್ ನ ರೀತಿ ಕಾಣುವ ಜಾಕೆಟ್ನ ಬೆಲೆ ಬರೋಬ್ಬರಿ 60, ಸಾವಿರ ರೂಪಾಯಿಯೆಂದರೆ ಈ ಸುದ್ಧಿ ಕೇಳಿ ಉಫ್! ಒಂದು ದೇಹವನ್ನು ಮುಚ್ಚಲು, ಚಳಿಯಿಂದ ಪಾರಾಗಲು 60 ಸಾವಿರ ರುಪಾಯಿಗಳನ್ನು ಕೊಡಬೇಕಾ ಎನ್ನುವ ಪ್ರಶ್ನೆ ಮನದಲ್ಲಿ ಸಹಜವಾಗಿ ಮೂಡುತ್ತದೆ.
ಜಾಕೆಟ್ ಕ್ಯಾಬೇಜ್ನಂತೆ ಕಾಣಲು ರೂ. 60,000 ಕಟ್ಟಬೇಕಾ ಎಂಬ ಶೀರ್ಷಿಕೆಯೊಂದಿಗೆ ಈ ಫೋಟೋ ಟ್ವೀಟ್ ಮಾಡಲಾಗಿದ್ದು, ಮೂರು ದಿನಗಳ ಹಿಂದೆ ಅಪ್ಲೋಡ್ ಮಾಡಲಾದ ಈ ಪೋಸ್ಟ್ ಗೆ ನೆಟ್ಟಿಗರು ಪ್ರತಿಕ್ರಿಯೆ ನೀಡುತ್ತಿದ್ದು, ರೂ. 2,000 ಬೆಲೆಯ ಜಾಕೆಟ್ ಆಗಿದ್ದು ಉಳಿದದ್ದು ರೂ. 58,000 ಬ್ರ್ಯಾಂಡಿಂಗ್ ಮಾಡಲು ಎಂದು ನೆಟ್ಟಿಗರೊಬ್ಬರು ಹೇಳಿದ್ದು, ನೋಡಿ ಬ್ರಾಂಡಿಂಗ್ ಹೇಗೆ ಕೆಲ್ಸ ಮಾಡುತ್ತೆ? ಎಂದು ಪ್ರಶ್ನಿಸಿದ್ದಾರೆ.
ಮತ್ತೊಬ್ಬರು ಈ ಬೆಲೆಯಲ್ಲಿ ಆ್ಯಕ್ಟಿವಾ ಗಾಡಿ ಖರೀದಿಸಬಹುದು ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಯಾರು ಇಷ್ಟು ದುಬಾರಿ ಜಾಕೆಟ್ ಖರೀದಿಸುತ್ತಾರೆ? ಎಂದು ನೆಟ್ಟಿಗರು ತಮ್ಮಲ್ಲೇ ಈ ಬಗ್ಗೆ ಚರ್ಚೆ ನಡೆಸುತ್ತಿದ್ದಾರೆ.
