ಭಾರತದ ಎರಡನೇ ಅತಿ ದೊಡ್ಡ ಟೆಲಿಕಾಂ ಕಂಪೆನಿ ‘ಏರ್ಟೆಲ್’ ಇದೀಗ ಅತ್ಯಂತ ಕಡಿಮೆ ಬೆಲೆಯಲ್ಲಿ ಬ್ರಾಡ್‌ಬ್ಯಾಂಡ್, ಟಿವಿ ಹಾಗೂ ಒಟಿಟಿ (ಓವರ್-ದಿ-ಟಾಪ್) ಸೇವೆಗಳನ್ನು ನೀಡಲು ಅಣಿಯಾಗಿದೆ.
ಹೌದು!!.ಮನೆಯಲ್ಲಿಯೆ ವೇಗದ ಇಂಟರ್‌ನೆಟ್ ಬಯಸುವ ಜನರು ಇಂಟರ್‌ನೆಟ್ ಸಂಪರ್ಕದ ಜೊತೆಗೆ ಟಿವಿ ಹಾಗೂ ಒಟಿಟಿ (ಓವರ್-ದಿ-ಟಾಪ್) ಚಾನಲ್‌ಗಳನ್ನು ವೀಕ್ಷಿಸಲು ಬಯಸುವವರಿಗಾಗಿ ಏರ್ಟೆಲ್ ಕೇವಲ 699 ರೂ. ಬೆಲೆಯಲ್ಲಿ ಏರ್ಟೆಲ್ ಬ್ಲ್ಯಾಕ್ ಫೈಬರ್ ಯೋಜನೆಯನ್ನು ನೀಡುತ್ತಿದೆ .
ಈ ಯೋಜನೆಯ ಮೂಲಕ 40 Mbps ವೇಗದ ಎಕ್ಸ್‌ಸ್ಟ್ರೀಮ್ ಫೈಬರ್ ಬ್ರಾಡ್‌ಬ್ಯಾಂಡ್ ಸಂಪರ್ಕ ಅಷ್ಟೆ ಅಲ್ಲದೆ, ಒಟಿಟಿ ಚಾನಲ್‌ಗಳು ಹಾಗೂ 300 ರೂ. ಮೌಲ್ಯದ ಟಿವಿ ಚಾನೆಲ್‌ಗಳ ವೀಕ್ಷಣೆಗೆ ಅನುಮತಿ ದೊರೆಯಲಿದೆ.
ಈ 699 ರೂ. ಬೆಲೆಯ ಏರ್ಟೆಲ್ ಬ್ಲ್ಯಾಕ್ ಯೋಜನೆಯ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ:
ಏರ್ಟೆಲ್ ಗ್ರಾಹಕರು ಮನೆಯಲ್ಲೇ ಕುಳಿತು ಭರ್ಜರಿ ಮನರಂಜನೆ ಪಡೆಯಬಹುದಾಗಿದೆ. ಏರ್ಟೆಲ್ ಬ್ಲ್ಯಾಕ್‌ನ 699 ಪ್ಲಾನ್‌ನೊಂದಿಗೆ ಗ್ರಾಹಕರು 40 Mbps ವೇಗದ ಎಕ್ಸ್‌ಸ್ಟ್ರೀಮ್ ಫೈಬರ್ ಸಂಪರ್ಕವನ್ನು ಪಡೆಯಬಹುದಾಗಿದ್ದು, ಈ ಯೋಜನೆಯ ಮೂಲಕ ತಿಂಗಳಿಗೆ 3.33TB (3330 GB) ಡೇಟಾ, ಅನಿಯಮಿತ ಲ್ಯಾಂಡ್‌ಲೈನ್ ಕರೆಗಳು ಹಾಗೂ 300 ಮೌಲ್ಯದ ಟಿವಿ ಚಾನೆಲ್‌ಗಳಿರುವ ಡಿಟಿಎಚ್ (ಡೈರೆಕ್ಟ್-ಟು-ಹೋಮ್) ಕನೆಕ್ಷನ್ ಕೂಡ ದೊರೆಯಲಿದೆ. ಇಷ್ಟೇ ಅಲ್ಲದೇ, ಡಿಸ್ನಿ+ ಹಾಟ್‌ಸ್ಟಾರ್ ಮತ್ತು ಏರ್ಟೆಲ್ ಎಕ್ಸ್‌ಸ್ಟ್ರೀಮ್ ಪ್ರೀಮಿಯಂ ಸೇರಿದಂತೆ ಹಲವು ಒಟಿಟಿ (ಓವರ್-ದಿ-ಟಾಪ್) ಚಾನಲ್‌ಗಳಿಗೆ ಉಚಿತ ಚಂದಾದಾರಿಕೆಯನ್ನು ನೀಡಲಿದೆ.
ಏರ್ಟೆಲ್ ಬ್ಲ್ಯಾಕ್ ಯೋಜನೆಗಳ ಮೂಲಕ ಬಳಕೆದಾರರು ಮೊಬೈಲ್ ಸಂಪರ್ಕದ ಜೊತೆಗೆ ಸಹ ಬ್ರಾಡ್‌ಬ್ಯಾಂಡ್ ಯೋಜನೆಗಳನ್ನು ಕಸ್ಟಮೈಸ್ ಮಾಡಲು ಆಯ್ಕೆ ಇದ್ದು, 998 ರೂ.ಗಳಿಂದ 2099 ರೂ. ವರೆಗೆ ಲಭ್ಯವಿರುವ ಈ ಯೋಜನೆಗಳು ವಿವಿಧ ಸಂಯೋಜನೆಯಲ್ಲಿ ಡಿಟಿಎಚ್+ ಮೊಬೈಲ್, ಫೈಬರ್+ ಮೊಬೈಲ್ ಮತ್ತು ಆಲ್ ಇನ್ ಒನ್ ಪ್ರಯೋಜನಗಳನ್ನು ಪಡೆಯಲು ಅವಕಾಶ ಕಲ್ಪಿಸಲಾಗಿದೆ.
ಮೊಬೈಲ್ ಸಂಪರ್ಕದ ಜೊತೆಗೆ ಲಭ್ಯವಿರುವ ಏರ್ಟೆಲ್ ಬ್ಲ್ಯಾಕ್ ಯೋಜನೆಗಳ ಮಾಹಿತಿ ಹೀಗಿದೆ:
ಆಲ್ ಇನ್ ಒನ್ 2099 ರೂ. ಪ್ಲಾನ್:
ಈ ಪ್ಲಾನ್ 3 ಮೊಬೈಲ್ ಸಂಪರ್ಕಗಳು, 1 ಫೈಬರ್ ಸಂಪರ್ಕ ಮತ್ತು 1 ಡಿಟಿಎಚ್ ಸಂಪರ್ಕವನ್ನು ಪಡೆಯಲು ಅವಕಾಶ ಕಲ್ಪಿಸಲಾಗಿದೆ.
ಡಿಟಿಎಚ್+ಮೊಬೈಲ್ 998 ರೂ. ಯೋಜನೆ:
ಈ ಯೋಜನೆಯು ಎರಡು ಮೊಬೈಲ್ ಸಂಪರ್ಕಗಳನ್ನು ಮತ್ತು 1 ಡಿಟಿಎಚ್ ಸಂಪರ್ಕವನ್ನು ಪಡೆಯಲು ಅವಕಾಶ ಕಲ್ಪಿಸುತ್ತದೆ.
ಡಿಟಿಎಚ್+ಮೊಬೈಲ್ 1349 ರೂ. ಯೋಜನೆ:
ಈ ಯೋಜನೆಯು ಮೂರು ಮೊಬೈಲ್ ಸಂಪರ್ಕಗಳನ್ನು ಮತ್ತು 1 ಡಿಟಿಎಚ್ ಸಂಪರ್ಕವನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ.
ಫೈಬರ್+ಮೊಬೈಲ್ 1598 ರೂ. ಯೋಜನೆ:
ಈ ಯೋಜನೆಯು ಎರಡು ಮೊಬೈಲ್ ಸಂಪರ್ಕಗಳನ್ನು ಮತ್ತು 1 ಫೈಬರ್ ಸಂಪರ್ಕವನ್ನು ಪಡೆಯುವ ಅವಕಾಶವಿದೆ.
699 ರೂ. ಬೆಲೆಯ ಏರ್ಟೆಲ್ ಬ್ಲ್ಯಾಕ್ ಯೋಜನೆ ಪಡೆಯುವ ಗ್ರಾಹಕರು 2199 ಮೌಲ್ಯದ ಪ್ರಯೋಜನಗಳನ್ನು ಪಡೆಯಬಹುದಾಗಿದೆ. ಈ ಯೋಜನೆಯಲ್ಲಿ ಏರ್ಟೆಲ್ ಎಕ್ಸ್‌ಸ್ಟ್ರೀಮ್ ಬಾಕ್ಸ್ ಉಚಿತವಾಗಿ ಸಿಗಲಿದ್ದು, ಅಷ್ಟೆ ಅಲ್ಲ ಬಂಪರ್ ಆಫರ್ ಕೊಡುಗೆಯಂತೆ ಮನೆಗೆ ತೆರಳಿ ಉಚಿತವಾಗಿ ಸ್ಥಾಪಿಸಿ ಕೂಡ ಕೊಡಲಾಗುತ್ತದೆ ಎಂದು ಏರ್ಟೆಲ್ ಮಾಹಿತಿ ನೀಡಿದೆ. ಆದರೆ, ಈ ಬ್ರಾಡ್‌ಬ್ಯಾಂಡ್ ಸಂಪರ್ಕ ಕಲ್ಪಿಸಲು ಗ್ರಾಹಕರು 4000 ರೂ. ಮುಂಗಡ ಹಣವನ್ನು ಪಾವತಿಸಬೇಕಾಗಿದ್ದು, ಗ್ರಾಹಕರು ಪಾವತಿಸಿದ ಮುಂಗಡ ಹಣವು ಭವಿಷ್ಯದ ಬಿಲ್‌ಗಳಲ್ಲಿ ಸರಿದೂಗಿಸಲಾಗುತ್ತದೆ ಎಂದು ಕಂಪೆನಿ ಮಾಹಿತಿ ನೀಡಿದ್ದು, ಇದರ ಜೊತೆಗೆ ಈ ಯೋಜನೆಗೆ ಚಂದಾದಾರಾಗುವ ಗ್ರಾಹಕರಿಗೆ ಮೊದಲ 30 ದಿನಗಳವರೆಗೆ ಉಚಿತವಾಗಿ ಸೇವೆ ಕೂಡ ಒದಗಿಸಲಾಗುತ್ತದೆ.
