ಭಾರತದಲ್ಲಿ ಹೊಸ ಮೊಬೈಲ್ ಫೋನ್ ಒಂದು ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದೆ. Motorola ಕಂಪೆನಿಯು Moto G82 5G ಫೋನ್ ಅನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ. ಫೋನ್ ಈಗಾಗಲೇ ಯುರೋಪ್ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದ್ದು, ಆದ್ದರಿಂದ ಈ ಫೋನ್ ನ ವೈಶಿಷ್ಟ್ಯಗಳ ಬಗ್ಗೆ ಈಗಾಗಲೇ ಎಲ್ಲವೂ ಬಹಿರಂಗವಾಗಿದೆ.
ಈ ಹೊಸ Moto G82 5G ಫೋನ್ 6.6-ಇಂಚಿನ ಡಿಸ್ಪ್ಲೇ, 50MP ಕ್ಯಾಮೆರಾ ಮತ್ತು 5,000mAh ಬ್ಯಾಟರಿಯನ್ನು ಹೊಂದಿರಲಿದೆ. ಭಾರತದಲ್ಲಿ ಮಾತ್ರ Motorola Moto G82 5G 6GB + 128GB ಮೆಮೊರಿ ಕಾನ್ಫಿಗರೇಶನ್‌ಗಾಗಿ ಬಾಕ್ಸ್ ಬೆಲೆ 23,999 ರೂ. ಆಗಿರಲಿದೆ. ಆದರೂ ರಿಯಾಯಿತಿ ನಂತರ ಈ ಫೋನ್ ಸುಮಾರು 19,000 ರೂಪಾಯಿಗೆ ಲಭ್ಯವಿರಲಿದೆ.
Motorola Moto G82 5G 6.6-ಇಂಚಿನ 10-ಬಿಟ್ FHD+ 120Hz ಪೋಲ್ಡ್ ಡಿಸ್ಪ್ಲೇ, ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 695 ಚಿಪ್‌ಸೆಟ್, 50MP (ವೈಡ್, OIS) + 8MP (ಅಲ್ಟ್ರಾವೈಡ್) + 2MP (ಮ್ಯಾಕ್ರೋ) ಟ್ರಿಪಲ್ ಕ್ಯಾಮೆರಾ ಸಿಸ್ಟಮ್ ಮತ್ತು 16MP ಸೆಲ್ಫಿ ಕ್ಯಾಮೆರಾದೊಂದಿಗೆ ಬರುತ್ತದೆ. ಇತರ ವಿಶೇಷಣಗಳೆಂದರೆ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್, ಡಾಲ್ಬಿ ಅಟ್ಮಾಸ್-ಬೆಂಬಲಿತ ಡ್ಯುಯಲ್ ಸ್ಟಿರಿಯೊ ಸ್ಪೀಕರ್‌ಗಳು, ಸ್ಪ್ಲಾಶ್ ರೆಸಿಸ್ಟೆನ್ಸ್ ಗಾಗಿ IP52 ರೇಟಿಂಗ್, Android 12 ಮತ್ತು 13 5G ಬ್ಯಾಂಡ್‌ಗಳು ಸೇರಿವೆ.
ಇದು 30W ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ ಬರಲಿದ್ದು, 5,000mAh ಬ್ಯಾಟರಿಯನ್ನು ಈ ಫೋನ್ ಹೊಂದಿದೆ. ಇದು ಗ್ರೇ ಅಥವಾ ವೈಟ್ ಲಿಲಿ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರಲಿದೆ. ಫೋನ್ ಕೊಳ್ಳುವ ಆಯ್ಕೆಯಲ್ಲಿ ನೀವೂ ಕೂಡ ಮುಳುಗಿದ್ದರೆ ಈ ಹೊಸ ಫೋನ್ ನ ಆಯ್ಕೆ ನಿಮಗೆ ಉತ್ತಮವೆಂದು ಹೇಳಬಹುದು.
