ಈ ಊರಲ್ಲಿ ಅರ್ಧದಷ್ಟು ಜನರಿಗೆ ಕಿವಿ ಕೇಳಲ್ಲ, ಮಾತೂ ಬರಲ್ಲ|ಭಾರತದಲ್ಲಿರುವ ಈ ‘ ಮೂಕರ ಗ್ರಾಮ’ ಎಲ್ಲಿದೆ ಗೊತ್ತೇ ?
ಸಮಸ್ಯೆ ಎನ್ನುವುದು ಎಲ್ಲರಿಗೂ ಇದ್ದೇ ಇದೆ. ಈ ಸಮಸ್ಯೆಗಳು ಹುಟ್ಟಿನಿಂದ ಬಂದರೆ ಮತ್ತೆ ಕೆಲವೊಂದು ಸಮಸ್ಯೆಗಳು ಪ್ರಾದೇಶಿಕವಾಗಿ ಬರುತ್ತದೆ.
ಇಂಥದ್ದೇ ಒಂದು ಸಮಸ್ಯೆ ಭಾರತದ ಈ ಪುಟ್ಟ ಹಳ್ಳಿಯೊಂದರಲ್ಲಿ ಇದೆ.
ಅದೇನು ಗೊತ್ತಾ? ಈ ಹಳ್ಳಿಯ ಅರ್ಧದಷ್ಟು ಜನರಿಗೆ ಮಾತು
ಬರುವುದಿಲ್ಲ ಹಾಗೂ ಮತ್ತಷ್ಟು ಜನರಿಗೆ ಕಿವಿ ಕೇಳುವುದಿಲ್ಲ!.
ಈ ಗ್ರಾಮವು ಜಮ್ಮುವಿನಲ್ಲಿದೆ. ಇಲ್ಲಿ ಅರ್ಧದಷ್ಟು ಜನರಿಗೆ ಕಿವಿ ಕೇಳುತ್ತಿಲ್ಲ ಮತ್ತು ಅರ್ಧದಷ್ಟು ಜನರಿಗೆ ಬಾಯಿ ಬರುವುದಿಲ್ಲ. ವಾಸ್ತವವಾಗಿ ಈ ಗ್ರಾಮದ ಪ್ರತಿಯೊಂದು ಕುಟುಂಬವು ಈ ಸಮಸ್ಯೆಯನ್ನು ಎದುರಿಸುತ್ತಿದೆ ಮತ್ತು ಪ್ರತಿ ಕುಟುಂಬದ ಅರ್ಧದಷ್ಟು ಜನರು ಈ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ.
ಜೀನ್ ಸಿಂಡ್ರೋಮ್ನಿಂದ ಇದು ಸಂಭವಿಸುತ್ತದೆ ಎಂದು ತಜ್ಞರ ಅಭಿಪ್ರಾಯ. ಆದರೆ ಹಳ್ಳಿಯ ಜನರು ಇದನ್ನು ಶಾಪವೆಂದು ನಂಬುತ್ತಾರೆ.
ಈ ಗ್ರಾಮ ಜಮ್ಮುವಿನಲ್ಲಿದೆ. ಈ ಗ್ರಾಮದ ಹೆಸರು ದಾಡ್ಕೈ. ಇದು ದೋಡಾದ ಗಂಡೋ ತಹಸಿಲ್ನ ಭಾಲೇಸಾ ಬ್ಲಾಕ್ನಲ್ಲಿರುವ ಗ್ರಾಮವಾಗಿದೆ. ಗುಜ್ಜಾರ್ಗಳ ಈ ಗ್ರಾಮವು ಪರ್ವತದ ತುದಿಯಲ್ಲಿದೆ. ಮಿನಿ ಕಾಶ್ಮೀರ ಎಂದು ಕರೆಯಲ್ಪಡುವ ಭದೆರ್ವಾದಿಂದ ಸುಮಾರು 105 ಕಿ.ಮೀ ದೂರದಲ್ಲಿದೆ ಈ ಊರು.
ಈ ಗ್ರಾಮದಲ್ಲಿ ಒಟ್ಟು 78 ಜನರಿದ್ದಾರೆ, ಆದರೆ ಯಾರಿಗೂ ಮಾತನಾಡಲು ಮತ್ತು ಕೇಳಲು ಸಾಧ್ಯವಿಲ್ಲ. ಇಲ್ಲಿ ಸುಮಾರು 105 ಕುಟುಂಬಗಳು ವಾಸವಾಗಿವೆ. ಇದರಲ್ಲಿ ಅರ್ಧದಷ್ಟು ಜನರು ಕಿವುಡರು ಮತ್ತು ಮಾತನಾಡಲು ಆಗದವರು ಇದ್ದಾರೆ. ಹಾಗಾಗಿಯೇ ಈ ಗ್ರಾಮವನ್ನು ಮೂಕ ಗ್ರಾಮ ಎಂದು ಕರೆಯಲಾಗುತ್ತದೆ.
1901ರಲ್ಲಿ ದಡಕೈ ಗ್ರಾಮದಲ್ಲಿ ಕಿವುಡ ಮಗುವಿನ ಜನನದ ಮೊದಲ ಪ್ರಕರಣ ವರದಿಯಾಗಿದ್ದು, 1990ರಲ್ಲಿ ಇಲ್ಲಿ 46 ಕಿವುಡರಿದ್ದು, ಈ ಕಾಯಿಲೆಯಿಂದ ಕೆಲ ಕುಟುಂಬಗಳು ಪಂಜಾಬ್ ಮತ್ತಿತರ ಕಡೆ ವಲಸೆ ಹೋಗಿವೆ.
ಜೀನ್ ಸಿಂಡ್ರೋಮ್ನಿಂದ ಆಗುವ ಸಮಸ್ಯೆ ಏನೆಂದರೆ ಇಲ್ಲಿ ಹುಟ್ಟುವ ಮಕ್ಕಳು ಕಿವುಡ ಮತ್ತು ಮೂಕರಾಗಿ ಹುಟ್ಟುತ್ತಿದ್ದಾರೆ. ಗ್ರಾಮದಲ್ಲಿ ಈ ಕಾಯಿಲೆ ಹೆಚ್ಚಿರುವ ಕಾರಣ ಜನರು ಮದುವೆಗೆ ಹಿಂದೆ ಸರಿಯುತ್ತಾರೆ. ಕಿವುಡರಿರುವ ಕುಟುಂಬಗಳನ್ನು ಮದುವೆಯಾಗಲು ಸಹ ಯಾರು ಒಪ್ಪುತ್ತಿಲ್ಲ. ಏಕೆಂದರೆ ಈ ಗ್ರಾಮದಲ್ಲಿ ಅನುವಂಶಿಕ ಕಾಯಿಲೆಯಿಂದ ಜನರು ಮದುವೆಯಿಂದ ದೂರ ಸರಿಯುತ್ತಾರೆ. ಇಲ್ಲಿನ ಜನರು ಹೆಚ್ಚು ಅಂತರ್ಜಾತಿ ವಿವಾಹವಾಗುತ್ತಾರೆ. ವಿಜ್ಞಾನಿಗಳು ಇದನ್ನು ಆನುವಂಶಿಕ ದೋಷಕ್ಕೆ ಕಾರಣವೆಂದು ಹೇಳುತ್ತಾರೆ. ವಿವಿಧ ಸಮುದಾಯಗಳ ನಡುವಿನ ವಿವಾಹಗಳಿಂದಾಗಿ ಈ ಸಮಸ್ಯೆ ಹೆಚ್ಚು ಹರಡಲು ಕಾರಣ ಎಂದು ಅವರು ಹೇಳುತ್ತಾರೆ.
