ಈ ಎಲೆಕ್ಟ್ರಿಕ್ ಕಾರನ್ನು ಒಮ್ಮೆ ಚಾರ್ಜ್ ಮಾಡಿದರೆ ಸಾಕು, 1000 ಕಿಲೋಮೀಟರ್ ಚಲಿಸುತ್ತದೆಯಂತೆ !! | ಈ ಕಾರಿನ ಮತ್ತಷ್ಟು ಸ್ಪೆಷಾಲಿಟಿಯ ಕುರಿತು ಇಲ್ಲಿದೆ ಮಾಹಿತಿ

ಮಾರುಕಟ್ಟೆಗೆ ದಿನದಿಂದ ದಿನಕ್ಕೆ ಹೊಸ ಹೊಸ ಮಾದರಿಯ ವಾಹನಗಳು ದಾಪು ಕಾಲಿಡುತ್ತಲೇ ಇದೆ. ಅದರಲ್ಲೂ ಎಲೆಕ್ಟ್ರಿಕ್ ವಾಹನಗಳ ಮಾಡೆಲ್ ಅಧಿಕವಾಗುತ್ತಿದೆ.ಹೊಸ ಕಂಪನಿಗಳು ತಮ್ಮಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ಬಿಡುಗಡೆಗೊಳಿಸುತ್ತಿದೆ.ಇದೀಗ ಜಿಎಸ್‌ಎ ಗ್ರೂಪ್ ಈ ವರ್ಷ ತನ್ನ ಎಲ್ಲಾ ಹೊಸ ಎಲೆಕ್ಟ್ರಿಕ್ ಕಾರನ್ನು ಅಯಾನ್ ಬ್ರಾಂಡ್‌ನಡಿಯಲ್ಲಿ ಪರಿಚಯಿಸಿದ್ದು,ಇದರ ದೊಡ್ಡ ವೈಶಿಷ್ಟ್ಯವೆಂದರೆ ಒಂದೇ ಚಾರ್ಜ್‌ನಲ್ಲಿ 1,000 ಕಿಮೀ ವರೆಗೆ ಕ್ರಮಿಸುವ ಸಾಮರ್ಥ್ಯ ಹೊಂದಿದೆಯಂತೆ ಈ ಕಾರು.

ಈ ಹೊಸ ಎಲೆಕ್ಟ್ರಿಕ್ ಕಾರಿನ ಹೆಸರು Aion LX ಪ್ಲಸ್.GSA ಗ್ರೂಪ್​ ನವೆಂಬರ್‌ನಲ್ಲಿ ನಡೆದ ಗುವಾಂಗ್‌ಝೌ ಆಟೋ ಶೋದಲ್ಲಿ ಈ ಕಾರನ್ನು ಪ್ರದರ್ಶಿಸಿತು. ಕಂಪನಿಯು ಶೀಘ್ರದಲ್ಲೇ ಈ ಕಾರನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದ್ದು,Aion LX ಎಲೆಕ್ಟ್ರಿಕ್ SUV ಅನ್ನು 6 ಜನವರಿ 2022 ರಂದು ಬಿಡುಗಡೆ ಮಾಡುವುದಾಗಿ ಹೇಳಿಕೊಂಡಿದೆ.

ಎಲೆಕ್ಟ್ರಿಕ್ SUV ಯ ಇತರ ಪ್ರಮುಖ ವೈಶಿಷ್ಟ್ಯಗಳೆಂದರೆ, ಡ್ಯುಯಲ್ ಎಲೆಕ್ಟ್ರಿಕ್ ಮೋಟಾರ್ ಅನ್ನು ಒಳಗೊಂಡಿದ್ದು 225 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ ಮತ್ತು SUV ಯ ಎಲ್ಲಾ ನಾಲ್ಕು ಚಕ್ರಗಳಿಗೆ ಶಕ್ತಿಯನ್ನು ನೀಡುತ್ತದೆ. ಕಂಪನಿಯು ಈ ಎಲೆಕ್ಟ್ರಿಕ್ ಎಸ್‌ಯುವಿಯನ್ನು 2-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಸಜ್ಜುಗೊಳಿಸಿದೆ. ಒಂದೇ ಚಾರ್ಜ್‌ನಲ್ಲಿ ದೂರದವರೆಗೆ ಕ್ರಮಿಸುವುದರ ಹೊರತಾಗಿ, Aion LX Plus ಅತ್ಯಂತ ವೇಗದ SUV ಆಗಿದ್ದು ಕೇವಲ 2.9 ಸೆಕೆಂಡುಗಳಲ್ಲಿ 0-100 km/h ವೇಗವನ್ನು ಪಡೆದುಕೊಳ್ಳುತ್ತದೆ.

ಚೀನಾದ ಲೈಟ್ ಡ್ಯೂಟಿ ವೆಹಿಕಲ್ ಟೆಸ್ಟ್ ಸೈಕಲ್ ಪ್ರಕಾರ, Aion LX Plus ಕಾರು 1 ಚಾರ್ಜ್‌ನಲ್ಲಿ 1,000 ಕಿಮೀ ವರೆಗೆ ಕ್ರಮಿಸುತ್ತದೆ. ಈ ಶ್ರೇಣಿಯು ಎಲೆಕ್ಟ್ರಿಕ್ SUV ಗೆ ಪೈಪೋಟಿ ನೀಡಲಿದೆ ಏಕೆಂದರೆ ಗಾತ್ರದಲ್ಲಿ ಕೊಂಚ ದೊಡ್ಡದಾಗಿದೆ. ಉನ್ನತ ಮಾದರಿಯಲ್ಲಿ 144.4 kW-R ಶಕ್ತಿಯನ್ನು ಉತ್ಪಾದಿಸುವ ಬ್ಯಾಟರಿ ಪ್ಯಾಕ್ ಅನ್ನು ಈ ವಾಹನದಲ್ಲಿ ನೀಡಿದೆ. ಎಲಾಸ್ಟಿಕ್ ಆಸನಗಳನ್ನು ಬಳಸಿಕೊಂಡು GAC ತಂತ್ರಜ್ಞಾನದಲ್ಲಿ ಬ್ಯಾಟರಿಯನ್ನು ನಿರ್ಮಿಸಲಾಗಿದೆ, ಸಾಮಾನ್ಯ ಬ್ಯಾಟರಿಗಳಂತೆಯೇ ಕಾಣುತ್ತದೆ ಮತ್ತು ಅವುಗಳಿಗಿಂತ 14 ಪ್ರತಿಶತದಷ್ಟು ಹಗುರವಾಗಿದ್ದು,ಈ ಬ್ಯಾಟರಿಯ ಶಕ್ತಿಯ ಸಾಂದ್ರತೆಯು 205 Watt-r/kg ಎಂದು ಹೇಳಲಾಗುತ್ತಿದೆ.