ಮದುವೆ ಮಂಟಪದಲ್ಲೂ ಮೊಳಗಿದ ಪೌರತ್ವಕಾಯ್ದೆಯ ಸದ್ದು । ನವವಿವಾಹಿತ ಜೋಡಿಯಿಂದ ಪೌರತ್ವಕಾಯ್ದೆ ಪರ ಪ್ರಚಾರ

ಪುತ್ತೂರು : ನವವಿವಾಹಿತ ಜೋಡಿಯೊಂದು ಪೌರತ್ವ ಕಾಯ್ದೆಗೆ ಬೆಂಬಲ ಸೂಚಿಸಿ ಮದುವೆ ಮಂಟಪದಲ್ಲೇ ನೆಂಟರಿಷ್ಟರ ಜತೆಯಲ್ಲಿ CAA-NRC ಪರ ಫಲಕ ಹಿಡಿದು ಗಮನ ಸೆಳೆದಿದೆ.

ಬೆಳ್ತಂಗಡಿಯ ಹಲೇಜಿ ನಿವಾಸಿ ಸುಧೀರ್ ಕೆ. ಎನ್ ಅವರ ವಿವಾಹವು ಮುಳಿಯದಲ್ಲಿ ಉದ್ಯೋಗಿಯಾಗಿರುವ ಮಮಿತಾರೊಂದಿಗೆ ಇತ್ತೀಚಿಗೆ ಪುತ್ತೂರಿನಲ್ಲಿ ನಡೆದಿತ್ತು. ಈ ಜೋಡಿ, ತಾವು CAA-NRC ಪರ ಎಂದು ಮಾತ್ರವಲ್ಲ, ಮದುವೆಗೆ ಬಂದ ಅಥಿತಿಗಳೆಲ್ಲರಿಗೂ CAA-NRC ಬಗ್ಗೆ ಅರಿವು ಮೂಡಿಸುವ ಕೆಲಸ ಮಾಡಿದ್ದರು.

ಈಗ ಅವರ ಈ ಕಾರ್ಯ ಅವರಿಗೆ ಭರ್ಜರಿ ಪ್ರಚಾರವನ್ನು ತಂದಿಟ್ಟಿದೆ. ಎಲ್ಲೆಲ್ಲೂ ಅವರ ಈ ಕಾರ್ಯಕ್ಕೆ ಮೆಚ್ಚುಗೆ!

ಮಧುಮಗ ಸುಧೀರ್ ಅವರು ಬೆಳ್ತಂಗಡಿಯ ವಾಣಿ ಶಿಕ್ಷಣ ಸಂಸ್ಥೆಯಲ್ಲಿ ಕಂಪ್ಯೂಟರ್ ಶಿಕ್ಷಕರಾಗಿದ್ದು, ಅವರು ಇತರ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿದ್ದಾರೆ. ಈ ರೀತಿಯಾಗಿ ಮದುವೆಯ ಸಂದರ್ಭದಲ್ಲಿ ಪೌರತ್ವ ಕಾಯ್ದೆಯ ಪರ ಅರಿವು ಮೂಡಿಸುವ ಕಾರ್ಯ ಮಾಡೋಣ ಅಂದಾಗ ಈಗ ಕೈಹಿಡಿದ ಮಮಿತಾರು ತುಂಬಾ ಉತ್ಸಾಹದಿಂದ ಪ್ರೋತ್ಸಾಹಿಸಿದರು. ಜತೆಗೆ ವರನ-ವಧುವಿನ ಒಟ್ಟು ಕುಟುಂಬ ಅದಕ್ಕೆ ಸ್ಪಂದಿಸಿತ್ತು.

ಮದುವೆ ಎಂಬ ಮೆಮೊರೇಬಲ್ ದಿನವನ್ನು ಮತ್ತಷ್ಟು ಅರ್ಥಪೂರ್ಣವಾಗಿಸಿಕೊಂಡಿದ್ದಾರೆ ಈ ಜೋಡಿ.