ರಮೇಶ್ ಜಾರಕಿಹೊಳಿ ಆಂಜಿಯೋಪ್ಲಾಸ್ಟಿ ಚಿಕಿತ್ಸೆಗೆ ಸೇರಿದ ಸಿದ್ದರಾಮಯ್ಯರನ್ನು ಆಸ್ಪತ್ರೆಯಲ್ಲಿ ಭೇಟಿ ಮಾಡಿದ ಸಂದರ್ಭದಲ್ಲಿ ತಮ್ಮ ಮಾತು ಮೀರಿ ಕಾಂಗ್ರೆಸ್ಸ್ ಬಿಟ್ಟು ಬಿಜೆಪಿ ಸೇರಿದ ರಮೇಶ್ ಜಾರಕಿಹೊಳಿಯವರನ್ನು ಸರಿಯಾಗಿಯೇ ಕಿಚಾಯಿಸಿದ್ದಾರೆ.
” ಏನಯ್ಯ ರಮೇಶಾ, ಆಗ ಬಾ ಅಂದಾಗ ಬಂದಿಲ್ಲ, ಈಗ ಬಂದ್ಯಾ? ”
ಅದಕ್ಕೆ ರಮೇಶ್ ಜಾರಕಿಹೊಳಿಯವರು ” ನಿಮ್ಮ ಆರೋಗ್ಯ ಮುಖ್ಯ ಸಾರ್. ನೀವು ನಮ್ಮ ಗುರುಗಳು.” ಅಂದಿದ್ದಾರೆ.
” ಏನು ಮಿನಿಸ್ಟರ್ ಆಗ್ತೀಯ ?” ಸಿದ್ದು ಕೇಳಿದ್ದಾರೆ.
” ನಿಮ್ಮ ಆಶೀರ್ವಾದ ಇರ್ಲಿ ಸಾರ್ ” ಅಂದಿದ್ದಾರೆ.
” ನಂದೇನಪ್ಪಾ, ನಿಮ್ಮ ಯಡಿಯೂರಪ್ಪನವರ ಆಶೀರ್ವಾದ ಇರ್ಬೇಕು ” ಇದು ಸಿದ್ದು ಮತ್ತು ರಮೇಶ್ ಜಾರಕಿ ಯವರ ನಡುವಿನ ಸಂಭಾಷಣೆಯ ತುಣುಕು.
ರಾಜಕೀಯ ವೈರತ್ವ ಬೇರೆ ಮಾನವೀಯ ಸಂಭಂದ ಬೇರೆ ಎಂದು ಮಾಜಿ ಗುರುಶಿಷ್ಯರು ತೋರಿಸಿಕೊಟ್ಟಿದ್ದಾರೆ.
