55-inch smart TV for FREE: ಇತ್ತೀಚೆಗೆ ನಾವು ಬಳಕೆ ಮಾಡುವ ವಸ್ತುಗಳು ಸ್ಮಾರ್ಟ್ ರೂಪ ಪಡೆದುಕೊಳ್ಳುತ್ತಿವೆ. ಸ್ಮಾರ್ಟ್ ವಾಚ್, ಸ್ಮಾರ್ಟ್ ಗ್ಲಾಸ್ (Smart Glass), ಸ್ಮಾರ್ಟ್ ಫಿಟ್ನೆಸ್ ಬ್ಯಾಂಡ್, ಸ್ಮಾರ್ಟ್ ಪ್ಲಗ್, ಸ್ಮಾರ್ಟ್ ಹಿಡನ್ ಕ್ಯಾಮೆರಾಗಳು ಹೀಗೆ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ. ಇವುಗಳ ಲಿಸ್ಟ್ ನಲ್ಲಿ ಸ್ಮಾರ್ಟ್ ಟಿವಿ ಕೂಡ ಬಳಕೆಯ ವಸ್ತುಗಳಲ್ಲಿಯು ಒಂದಾಗಿದೆ. ಸದ್ಯ 55 ಇಂಚಿನ ಸ್ಮಾರ್ಟ್ ಟಿವಿಯನ್ನು ಖರೀದಿಸಲು ಯೋಚಿಸುತ್ತಿದ್ದರೆ ಒಂದು ರೂಪಾಯಿಯನ್ನೂ ಖರ್ಚು ಮಾಡದೆ ಉಚಿತವಾಗಿ ಪಡೆಯಬಹುದು.
ಹೌದು, 55 ಇಂಚಿನ ಸ್ಮಾರ್ಟ್ ಟಿವಿ ಯನ್ನು ಉಚಿತವಾಗಿ (55-inch smart TV for FREE) ನಿಮ್ಮದಾಗಿಸುವ ಸುವರ್ಣಾವಕಾಶವಿದೆ. ಹಾರ್ಡ್ವೇರ್ ಸ್ಟಾರ್ಟ್ಅಪ್ ಕಂಪನಿ ಟೆಲ್ಲಿ 55 ಇಂಚಿನ ಸ್ಮಾರ್ಟ್ ಟಿವಿಯನ್ನು ಒಂದು ರೂಪಾಯಿ ಖರ್ಚಿಲ್ಲದೆ ಉಚಿತವಾಗಿ ನೀಡುತ್ತಿದೆ.
ವಾಸ್ತವವಾಗಿ, ಟೆಲ್ಲಿ ಕಂಪನಿಯ ಸಹ ಸಂಸ್ಥಾಪಕ, llya Pozin ಅವರು 5 ಲಕ್ಷ ಜನರಿಗೆ ಉಚಿತ ಸ್ಮಾರ್ಟ್ ಟಿವಿ ನೀಡುವುದಾಗಿ ಘೋಷಿಸಿದ್ದಾರೆ. ತನ್ನ ಬ್ರ್ಯಾಂಡ್ ಅನ್ನು ಪ್ರಚಾರ ಮಾಡುವ ಸಲುವಾಗಿ ಕಂಪನಿ ಈ ಭರ್ಜರಿ ಕೊಡುಗೆಯನ್ನು ಘೋಷಿಸಿದೆ.
55 ಇಂಚಿನ ಟೆಲ್ಲಿ ಸ್ಮಾರ್ಟ್ ಟಿವಿ ವಿಶೇಷತೆಗಳು:
ಈ ಸ್ಮಾರ್ಟ್ ಟಿವಿಯಲ್ಲಿ ವೀಡಿಯೊ ಕರೆ ವೈಶಿಷ್ಟ್ಯವೂ ಲಭ್ಯವಿದೆ. ಇದು ಬಿಲ್ಡ್-ಇನ್ ಕ್ಯಾಮೆರಾಗಳು, ಸೆನ್ಸರ್ಗಳು ಮತ್ತು ಮೈಕ್ರೊಫೋನ್ಗಳನ್ನು ಸಹ ಒಳಗೊಂಡಿದೆ. ಇದರ ಹೊರತಾಗಿ, ನೀವು ಈ ಟಿವಿಯಲ್ಲಿ ವೀಡಿಯೊ ಗೇಮ್ಸ್ ಸಹ ಆಡಬಹುದು.
ಈ 55 ಇಂಚಿನ ಟೆಲ್ಲಿ ಸ್ಮಾರ್ಟ್ ಟಿವಿ ವಿಶಿಷ್ಟವಾದ ಡ್ಯುಯಲ್ ಸ್ಕ್ರೀನ್ ಸ್ಮಾರ್ಟ್ ಟಿವಿಯಾಗಿದೆ. ವಿಶಿಷ್ಟವಾದ ಡ್ಯುಯಲ್ ಸ್ಕ್ರೀನ್ ಸ್ಮಾರ್ಟ್ ಟಿವಿಯಾಗಿ ಗ್ರಾಹಕರು ಹೆಚ್ಚಿನ ರೆಸಲ್ಯೂಶನ್ ಅನುಭವವನ್ನು ಪಡೆಯಬಹುದಾಗಿದೆ. ಈ ಸ್ಮಾರ್ಟ್ ಟಿವಿ ಬಿಲ್ಡ್-ಇನ್ ಐದು ಡ್ರೈವರ್ ಸೌಂಡ್ಬಾರ್ ಅನ್ನು ಸಹ ಹೊಂದಿದೆ. ಇದು ಸ್ಪಷ್ಟವಾದ ಧ್ವನಿಯನ್ನು ಆನಂದಿಸಲು ಸಹಕಾರಿ ಆಗಿದೆ.
ಇದರ ಹೊರತಾಗಿ ಈ ಪರದೆಯಲ್ಲಿ 9 ಇಂಚಿನ ಎರಡನೇ ಪರದೆಯ ವೈಶಿಷ್ಟ್ಯವನ್ನು ಹೊಂದಿದೆ. ಈ ಎರಡನೇ ಪರದೆಯು ತಡೆರಹಿತ ಜಾಹೀರಾತು, ಸಂಗೀತ ಪ್ಲೇಬ್ಯಾಕ್, ಕ್ರೀಡಾ ಸ್ಕೋರ್ಗಳು ಮತ್ತು ಇತರ ವೈಶಿಷ್ಟ್ಯಗಳನ್ನು ಆನಂದಿಸಲು ನಿಮಗೆ ಅವಕಾಶವನ್ನು ನೀಡುತ್ತದೆ. ಈ ರೀತಿಯಾಗಿ, ನಿಮ್ಮ ಮುಖ್ಯ ಪರದೆಯಲ್ಲಿ ನಿಮ್ಮ ಮೆಚ್ಚಿನ ಪ್ರದರ್ಶನ ಅಥವಾ ಚಲನಚಿತ್ರವನ್ನು ನೀವು ಆನಂದಿಸಬಹುದು, ಆದರೆ ನಿಮ್ಮ ಎರಡನೇ ಪರದೆಯು ನಿಮಗೆ ಪಂದ್ಯದ ಸ್ಕೋರ್ ಅನ್ನು ತೋರಿಸುತ್ತದೆ.
ಟೆಲ್ಲಿ ಕಂಪನಿ 55 ಇಂಚಿನ ಸ್ಮಾರ್ಟ್ ಟಿವಿಯನ್ನು ಬಿಡುಗಡೆ ಮಾಡಿದೆ. ಇದರ ಬೆಲೆ ಸುಮಾರು $ 1000 (80 ಸಾವಿರ ರೂಪಾಯಿಗಳು). ಆದಾಗ್ಯೂ, ನೀವು ಒಂದೇ ಒಂದು ರೂಪಾಯಿಯನ್ನೂ ಖರ್ಚು ಮಾಡದೆ ಈ ಸ್ಮಾರ್ಟ್ ಟಿವಿಯನ್ನು ನಿಮ್ಮದಾಗಿಸಬಹುದು. ಇದಕ್ಕಾಗಿ ನೀವು www.freetelly.com ನಿಂದ ಉಚಿತ ಸ್ಮಾರ್ಟ್ ಟಿವಿಗಾಗಿ ಬುಕ್ ಮಾಡಬಹುದಾಗಿದೆ.
ಆದಾಗ್ಯೂ, ಇದೀಗ ಕಂಪನಿಯು ಈ ಕೊಡುಗೆಯನ್ನು ಯುಎಸ್ನಲ್ಲಿ ಮಾತ್ರ ತಂದಿದೆ. ಈ ಟಿವಿ ಭಾರತದಲ್ಲಿ ಯಾವಾಗ ಲಭ್ಯವಾಗಲಿದೆ ಎಂಬ ಬಗ್ಗೆ ನಿಖರವಾದ ಮಾಹಿತಿ ಲಭ್ಯವಿಲ್ಲ. ಆದರೆ ಶೀಘ್ರದಲ್ಲೇ ಕಂಪನಿಯು ಅಂತಹ ಉಚಿತ ಸ್ಮಾರ್ಟ್ ಟಿವಿಯನ್ನು ಇತರ ದೇಶಗಳಲ್ಲಿಯೂ ಲಭ್ಯಗೊಳಿಸಬಹುದು ಎಂದು ನಿರೀಕ್ಷಿಸಲಾಗಿದೆ.
ಇದನ್ನೂ ಓದಿ:Small Air Cooler: ಈ ಪುಟ್ಟ Air Cooler ನಿಮಗೆ ಬೇಸಿಗೆಯಲ್ಲಿ ತಂಪು ತಂಪು ಅನುಭವ ನೀಡುತ್ತೆ! ಬೆಲೆ ಜಸ್ಟ್ ರೂ.1500
