ATM: ಇಂದಿನ ಕಾಲದಲ್ಲಿ ಎಟಿಎಂ ಜನರಿಗೆ ಬಹಳ ಮುಖ್ಯವಾದ ಯಂತ್ರವಾಗಿದೆ. ಆದರೆ ವಿಶ್ವದ ಮೊದಲ ಎಟಿಎಂ ಅನ್ನು ಈ ದಿನದಂದು ಸ್ಥಾಪಿಸಲಾಗಿದೆ ಎಂದು ನಿಮಗೆ ತಿಳಿದಿದೆಯೇ. ಅದನ್ನು ಹೇಗೆ ಕಂಡು ಹಿಡಿಯಲಾಯಿತು?
ನವೆಂಬರ್ 8, 2016 ರಂದು, ಪ್ರಧಾನಿ ಮೋದಿ ನೋಟು ರದ್ದತಿಯನ್ನು ಘೋಷಿಸಿದಾಗ, ಬೀದಿಗಳು ಮತ್ತು ನೆರೆಹೊರೆಗಳಲ್ಲಿನ ಎಲ್ಲಾ ಎಟಿಎಂಗಳ ಹೊರಗೆ ಉದ್ದನೆಯ ಸಾಲುಗಳು ಕಂಡುಬಂದವು. ಜನರು ಹಣವನ್ನು ಹಿಂಪಡೆಯಲು ಉದ್ದನೆಯ ಸರತಿ ಸಾಲಿನಲ್ಲಿ ನಿಂತ್ತಿದ್ದರು. ಆ ದಿನ ನೋಟುಗಳಿಗಾಗಿ ಉದ್ದನೆಯ ಸರತಿ ಸಾಲಿನಲ್ಲಿ ನಿಂತಿದ್ದವರು, ಎಟಿಎಂಗಳ ಮಹತ್ವವನ್ನು ಅರ್ಥಮಾಡಿಕೊಂಡಿರಬೇಕು.
ಇಂದು, ಡಿಜಿಟಲ್ ಪಾವತಿಯ ಯುಗದಲ್ಲಿ, ಎಟಿಎಂಗಳ ಅಗತ್ಯ ಕಡಿಮೆಯಾಗಿರಬಹುದು, ಆದರೆ ಡಿಜಿಟಲ್ ಯುಗವಿಲ್ಲದಿದ್ದಾಗ, ಎಟಿಎಂಗಳು ಬಹಳ ಉಪಯುಕ್ತವಾದ ಸಾಧನವಾಗಿತ್ತು. ಇಂದು ನಾವು ಅದನ್ನು ಏಕೆ ಉಲ್ಲೇಖಿಸುತ್ತಿದ್ದೇವೆ ಎಂದು ನೀವು ಆಶ್ಚರ್ಯ ಪಡುತ್ತಿರಬೇಕು. ವಾಸ್ತವವಾಗಿ, ಜಗತ್ತು ತನ್ನ ಮೊದಲ ಎಟಿಎಂ ಅನ್ನು ಪಡೆದ ದಿನ ಜೂನ್ 27. ಅದರ ಆವಿಷ್ಕಾರದ ಕಥೆಯನ್ನು ತಿಳಿಯೋಣ.
ವಿಶ್ವದ ಮೊದಲ ಎಟಿಎಂ (ಆಟೋಮ್ಯಾಟಿಕ್ ಟೆಲ್ಲರ್ ಮಷೀನ್) ಅನ್ನು ಲಂಡನ್ನ ಎನ್ಫೀಲ್ಡ್ನಲ್ಲಿ ಜೂನ್ 27, 1967ರಂದು ಪ್ರಾರಂಭಿಸಲಾಯಿತು. ಎಟಿಎಂ ಸಂಶೋಧಕ ಜಾನ್ ಶೆಫರ್ಡ್-ಬ್ಯಾರನ್ ಅವರು ಬ್ಯಾಂಕಿನಿಂದ ಹಣವನ್ನು ಹಿಂಪಡೆಯಲು ದೀರ್ಘ ಸರತಿ ಸಾಲಿನಲ್ಲಿ ನಿಲ್ಲಬೇಕಾದ ಪರಿಸ್ಥಿತಿ ಬಂದಿತ್ತು ಮತ್ತು ಬ್ಯಾಂಕ್ ಮುಚ್ಚಿದಾಗ, ರಜಾ ದಿನಗಳಲ್ಲಿ ಹಣವನ್ನು ಬ್ಯಾಂಕ್ನಿಂದ ಪಡೆಯಲು ಸಾಧ್ಯವಾಗುತ್ತಿರಲಿಲ್ಲ. ಆದ್ದರಿಂದ ಅವರು ಎಟಿಎಂನ್ನು ಮಾಡಲು ನಿರ್ಧರಿಸಿದರು.
ಜಾನ್ ಶೆಫರ್ಡ್ ಈ ಮೊದಲು ಈ ಎಟಿಎಂ ಯಂತ್ರದ ಪಿನ್ ಅನ್ನು ಆರು ಅಂಕೆಗಳಾಗಿ ಇಟ್ಟುಕೊಂಡಿದ್ದರು, ಆದರೆ ಅವರ ಪತ್ನಿಗೆ ಅದನ್ನು ನೆನಪಿಟ್ಟುಕೊಳ್ಳಲು ಕಷ್ಟವಾಗುತ್ತಿತ್ತು ಎಂದು ಹೇಳಲಾಗುತ್ತದೆ, ಆದ್ದರಿಂದ ಅವರು ಅದನ್ನು 4 ಅಂಕೆಗಳಿಗೆ ಬದಲಾಯಿಸಿದರು.
ಆ ಸಂಜೆ, ಅವರು ಮನೆಗೆ ಹಿಂದಿರುಗಿದಾಗ, ಸ್ನಾನ ಮಾಡುವಾಗ, ಚಾಕೊಲೇಟ್ ವೆಂಡಿಂಗ್ ಮೆಷಿನ್ನಿಂದ ಚಾಕೊಲೇಟ್ಗಳು ಹೊರಬರಲು ಸಾಧ್ಯವಾದರೆ, ಹಣವನ್ನು ನೀಡುವ ಯಂತ್ರವನ್ನು ಏಕೆ ತಯಾರಿಸಬಾರದು ಎಂಬ ಆಲೋಚನೆ ಅವರಿಗೆ ಬಂದಿತು.ಅಂದು ಲಂಡನ್ನಲ್ಲಿ ಸ್ಥಾಪಿಸಲಾದ ಈ ವಿಶ್ವದ ಮೊದಲ ಎಟಿಎಂ ಬಹಳಷ್ಟು ಬದಲಾಗಿದೆ. ಬಾರ್ಕ್ಲೇಸ್ ಬ್ಯಾಂಕಿನ ಶಾಖೆಯಲ್ಲಿ ಸ್ಥಾಪಿಸಲಾದ ಈ ಎಟಿಎಂ ಅನ್ನು 2017ರಲ್ಲಿ 50 ವರ್ಷಗಳು ಪೂರ್ಣಗೊಂಡ ಸಂದರ್ಭದಲ್ಲಿ ಚಿನ್ನದಿಂದ ಮಾಡಲಾಗಿತ್ತು.
ಭಾರತಕ್ಕೆ ಎಟಿಎಂ ಯಾವಾಗ ಬಂತು?
ಕಳೆದ ಐದು ದಶಕಗಳಿಂದ ಇದರಲ್ಲಿ ತಾಂತ್ರಿಕ ಬದಲಾವಣೆಗಳನ್ನು ಮಾಡಲಾಗಿದ್ದು, ಅದು ಇನ್ನೂ ಮುಂದುವರೆದಿದೆ. ಭಾರತದ ಮೊದಲ ಎಟಿಎಂ ಬಗ್ಗೆ ಹೇಳುವುದಾದರೆ, ಮೊದಲ ಎಟಿಎಂ ಅನ್ನು 1987 ರಲ್ಲಿ ಇಲ್ಲಿ ಪ್ರಾರಂಭಿಸಲಾಯಿತು. ಮುಂಬೈನಲ್ಲಿ, ಎಚ್ಎಸ್ಬಿಸಿ ಅಂದರೆ ಹಾಂಗ್ ಕಾಂಗ್ ಮತ್ತು ಶಾಂಘೈ ಬ್ಯಾಂಕ್ ಕಾರ್ಪೊರೇಷನ್ ಮುಂಬೈನ ಶಾಖೆಯಲ್ಲಿ ಎಟಿಎಂ ಯಂತ್ರವನ್ನು ಸ್ಥಾಪಿಸಿದ್ದವು. ಆರ್ಬಿಐ ಪ್ರಕಾರ, ಸೆಪ್ಟೆಂಬರ್ 2020 ರವರೆಗೆ ದೇಶದಲ್ಲಿ 2,34,244 ಯಂತ್ರಗಳನ್ನು ಸ್ಥಾಪಿಸಲಾಗಿದೆ.
ಇದನ್ನೂ ಓದಿ: Karnataka Police: ರಾಜ್ಯದ ಪೇದೆಗಳಿಗೆ ಹೊಸ ಟೋಪಿ: ತೆಲಂಗಾಣ ಶೈಲಿಯ ತೆಳು ಟೋಪಿಗೆ ಸಿಎಂ ಅಸ್ತು
