Ayodhya: ಶ್ರೀರಾಮ ಜನ್ಮಭೂಮಿ ಅಯೋಧ್ಯೆಯ ಅತಿಥಿ ಗೃಹದಲ್ಲಿ ಮಹಿಳೆಯೊಬ್ಬರು ಸ್ನಾನ ಮಾಡುತ್ತಿದ್ದಾಗ ಯುವಕನೋರ್ವ ವಿಡಿಯೋ ಮಾಡಿದ್ದು ಆತನನ್ನು ಉತ್ತರ ಪ್ರದೇಶದ ಪೊಲೀಸ್ ಬಂಧಿಸಿದ್ದಾರೆ.
ಆರೋಪಿಯನ್ನು ಸೌರಭ್ ಎಂದು ಗುರುತಿಸಲಾಗಿದೆ. ಈತ ಯುಪಿಯ ಬಹ್ರೈಚ್ ಜಿಲ್ಲೆಯವನಾಗಿದ್ದು, ಘಟನೆ ನಡೆದ ಅತಿಥಿ ಗೃಹದಲ್ಲಿ ಕೆಲಸ ಮಾಡುತ್ತಿದ್ದು, ಅಲ್ಲಿಗೆ ಹೀನ ಕೃತ್ಯವನ್ನು ಮಾಡಿದ್ದಾನೆ. ದೂರಿನ ಪ್ರಕಾರ, ಶುಕ್ರವಾರ ಬೆಳಿಗ್ಗೆ 6:00 ಗಂಟೆ ಸುಮಾರಿಗೆ ಈ ಘಟನೆ ಸಂಭವಿಸಿದೆ.
ಅತಿಥಿ ಗೃಹದಲ್ಲಿ ತಂಗಿದ್ದ ಮಹಿಳಾ ಯಾತ್ರಿಯೊಬ್ಬರು ಸ್ನಾನ ಮಾಡುತ್ತಿದ್ದಾಗ ನೆರಳನ್ನು ಗಮನಿಸಿದ್ದಾರೆ. ಮೇಲಕ್ಕೆ ನೋಡಿದಾಗ, ಆರೋಪಿಯು ಸ್ನಾನಗೃಹದ ಟಿನ್ ಶೆಡ್ ಛಾವಣಿಯ ಮೇಲಿನಿಂದ ಮೊಬೈಲ್ ಫೋನ್ನಲ್ಲಿ ತನ್ನನ್ನು ರೆಕಾರ್ಡ್ ಮಾಡುವು ಕಂಡುಬಂದಿದೆ.. ಗಾಬರಿಗೊಂಡ ಮತ್ತು ಭಯಭೀತಳಾದ ಮಹಿಳೆ ಕಿರುಚುತ್ತಾ ಹೊರಗೆ ಧಾವಿಸಿ ತನ್ನೊಂದಿಗಿದ್ದ ಇತರರನ್ನು ಸಂಪರ್ಕಿಸಿ ಆರೋಪಿಯನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಪೊಲೀಸರು ಆರೋಪಿಯ ಮೊಬೈಲ್ ಫೋನ್ ಅನ್ನು ಪರಿಶೀಲಿಸಿದರು ಮತ್ತು ಮಹಿಳೆಯರು ಸ್ನಾನ ಮಾಡುತ್ತಿರುವ ಹತ್ತು ವೀಡಿಯೊಗಳು ಮತ್ತು ಹಲವಾರು ಅಶ್ಲೀಲ ಫೋಟೋಗಳು ಮತ್ತು ವೀಡಿಯೊಗಳನ್ನು ವಶಪಡಿಸಿಕೊಂಡರು. ಈ ವಿಷಯ ತನಿಖೆಯಲ್ಲಿದೆ ಮತ್ತು ಪೊಲೀಸರು ಪ್ರಸ್ತುತ ಆರೋಪಿಯನ್ನು ವಿಚಾರಣೆ ನಡೆಸುತ್ತಿದ್ದಾರೆ.
