Viral Video: ಮಂಗಳವಾರ ಮಧ್ಯಾಹ್ನ, ಬಾಲಿಯ ಪ್ರಸಿದ್ಧ ಮಂಕಿ ಫಾರೆಸ್ಟ್ನಲ್ಲಿ ಪ್ರವಾಸಿಗರ ಗುಂಪಿನ ಮೇಲೆ ದೊಡ್ಡ ಮರವೊಂದು ಬಿದ್ದು ಇಬ್ಬರು ಸಾವನ್ನಪ್ಪಿದ್ದಾರೆ. ಘಟನೆಯ ಆಘಾತಕಾರಿ ವಿಡಿಯೋ ಅಂತರ್ಜಾಲದಲ್ಲಿ ವೈರಲ್ ಆಗಿದೆ. ಜೋರಾದ ಗಾಳಿ ಹಾಗೂ ಭಾರೀ ಮಳೆಗೆ ಮರ ಬಿದ್ದಿದೆ. ಬಲಿಯಾದವರನ್ನು ಫ್ರಾನ್ಸ್ ಮತ್ತು ದಕ್ಷಿಣ ಕೊರಿಯಾದ ಪ್ರವಾಸಿಗರು ಎಂದು ಗುರುತಿಸಲಾಗಿದೆ. ವರದಿಗಳ ಪ್ರಕಾರ, ದಕ್ಷಿಣ ಕೊರಿಯಾದ ಮಹಿಳೆ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಪ್ರಸ್ತುತ ಅವರನ್ನು ವೈದ್ಯಕೀಯ ಸಹಾಯಕ್ಕಾಗಿ ಉಬುದ್ನ ಕೆನಾಕ್ ಮೆಡಿಕಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.
View this post on Instagram
ಉಬುದ್ನ ಸೇಕ್ರೆಡ್ ಮಂಕಿ ಫಾರೆಸ್ಟ್ ಅಭಯಾರಣ್ಯವು ಶಾಂತಿಯುತ ಪರಿಸರ ಮತ್ತು ಮಂಗಗಳಿಗೆ ಹೆಸರುವಾಸಿಯಾಗಿದೆ, ಇದು ಒಂದು ಜನಪ್ರಿಯ ಪ್ರವಾಸಿ ತಾಣ ಎನ್ನಲಾಗಿದೆ. @balilivin ಹ್ಯಾಂಡಲ್ನೊಂದಿಗೆ ಸಾಮಾಜಿಕ ಮಾಧ್ಯಮ ವೇದಿಕೆ Instagram ನಲ್ಲಿ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ. ಸಾವನ್ನಪ್ಪಿದ ಪ್ರವಾಸಿಗರು ಮತ್ತು ಗಾಯಗೊಂಡ ಇತರರ ವಿವರಗಳೊಂದಿಗೆ ಪೋಸ್ಟ್ಗೆ ಶೀರ್ಷಿಕೆ ನೀಡಲಾಗಿದೆ.
