RBI Rules for writing on currency : ಕಳೆದ ಹಲವು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ನೋಟಿನ ಮೇಲೆ ಏನನ್ನೋ ಬರೆದು(RBI Rules for writing on currency ) ಮೌಲ್ಯ ಕಳೆದುಕೊಳ್ಳುವ ಸಂದೇಶವೊಂದು ಹರಿದಾಡುತ್ತಿದ್ದು, ಜನರಲ್ಲಿ ಇದರ ಬಗ್ಗೆ ಈಗಲೂ ಗೊಂದಲಗಳಿವೆ. ಇಂತಹ ಗೊಂದಲಗಳಿಗೆ ಆರ್ಬಿಐ ಕೆಲವೊಂದು ನಿಯಮಗಳನ್ನು ಮಾಡಿದೆ. ಅವು ಯಾವುವು ಎಂದು ತಿಳಿಯೋಣ ಬನ್ನಿ.
ಜನರು ನೋಟಿನ ಮೇಲೆ ಏನನ್ನಾದರೂ ಬರೆದರೆ, ಅಂಗಡಿಯವರು ಅಥವಾ ಬ್ಯಾಂಕ್ಗಳು ಆ ನೋಟನ್ನು ಸ್ವೀಕರಿಸಲು ನಿರಾಕರಿಸುವುದನ್ನು ನಾವು ಆಗಾಗ್ಗೆ ನೋಡಿದ್ದೇವೆ. ನೋಟಿನ ಮೇಲೆ ಏನನ್ನಾದರೂ ಬರೆಯುವುದರಿಂದ ನೋಟು ಅಮಾನ್ಯವಾಗುತ್ತದೆ ಅಥವಾ ನಿಷ್ಪ್ರಯೋಜಕವಾಗುತ್ತದೆ ಎಂದು ಹೇಳಲಾಗುತ್ತದೆ. ಆದರೆ, ಇದು ನಿಜವಾಗಿಯೂ ನಡೆಯುತ್ತದೆಯೇ? ನೀವು ನೋಟಿನ ಮೇಲೆ ಏನನ್ನಾದರೂ ಬರೆದರೆ, ಅಥವಾ ಅದನ್ನು ಕತ್ತರಿಸಿದರೆ, ಅಂತಹ ಪರಿಸ್ಥಿತಿಯಲ್ಲಿ RBI ನಿಯಮ ಏನು ಹೇಳುತ್ತದೆ?
ಆರ್ಬಿಐ ನಿಯಮ;
ಆರ್ಬಿಐನ ನೋಟು ನಿಯಮದ ಪ್ರಕಾರ, ನೋಟ್ನಲ್ಲಿ ಏನನ್ನೂ ಬರೆಯಬಾರದು ಎಂದು ರಿಸರ್ವ್ ಬ್ಯಾಂಕ್ ಜನರಲ್ಲಿ ಮೊದಲೇ ಮನವಿ ಮಾಡಿದೆ. ಇದು ನೋಟಿನ ಮಾನ್ಯತೆಯನ್ನು ಕೊನೆಗೊಳಿಸುವುದಿಲ್ಲ, ಆದರೆ ಅದರ ಜೀವಿತಾವಧಿಯು ಕಡಿಮೆಯಾಗುತ್ತದೆ. ಕರೆನ್ಸಿಯಲ್ಲಿ ಪೆನ್ನಿನಲ್ಲಿ ಏನಾದರೂ ಬರೆದರೆ ಅದರ ಜೀವಿತಾವಧಿ ಕಡಿಮೆಯಾಗುತ್ತದೆ ಎಂದು ಬ್ಯಾಂಕ್ ಹೇಳಿದೆ. ‘ಕ್ಲೀನ್ ನೋಟ್ ಪಾಲಿಸಿ’ ಮೂಲಕ ಜನರು ನೋಟುಗಳ ಮೇಲೆ ಏನನ್ನೂ ಬರೆಯದಂತೆ ವಿನಂತಿಸಲಾಗಿದೆ. ಈ ಮೂಲಕ ನೀವು ನಿಮ್ಮ ದೇಶದ ಕರೆನ್ಸಿಯ ಜೀವಿತಾವಧಿಯನ್ನು ಕಡಿಮೆ ಆಗಲಿದೆ ಎಂದು ಹೇಳಲಾಗುತ್ತದೆ.
ಮತ್ತೊಂದೆಡೆ, ನೀವು ಹರಿದ ನೋಟು ಹೊಂದಿದ್ದರೆ, ನೀವು ಚಿಂತಿಸಬೇಕಾಗಿಲ್ಲ. ಇದಕ್ಕಾಗಿ, ನೀವು ನಿಮ್ಮ ನಗರದ ಯಾವುದೇ ಬ್ಯಾಂಕ್ ಅಥವಾ ಶಾಖೆಗೆ ಹೋಗಿ ನಿಮ್ಮ ಹಳೆಯ ಮ್ಯುಟಿಲೇಟೆಡ್ ನೋಟುಗಳನ್ನು ಬದಲಾಯಿಸಬಹುದು. ಅದೇ ಸಮಯದಲ್ಲಿ, ಬ್ಯಾಂಕ್ ಉದ್ಯೋಗಿ ನಿಮ್ಮ ನೋಟು ಬದಲಾಯಿಸಲು ನಿರಾಕರಿಸಿದರೆ, ನೀವು ಅದರ ಬಗ್ಗೆ ದೂರು ನೀಡಬಹುದು.
ಭಾರತದ ಜವಾಬ್ದಾರಿಯುತ ನಾಗರಿಕರಾಗಿ, ನೀವು ನೋಟಿನ ಮೇಲೆ ಏನನ್ನೂ ಬರೆಯದಂತೆ ಎಚ್ಚರಿಕೆ ವಹಿಸಬೇಕು. ನೀವು ಹೀಗೆ ಮಾಡಿದರೆ ನಿಮ್ಮ ಕರೆನ್ಸಿ ಬೇಗನೆ ಹಾಳಾಗುತ್ತದೆ ಮತ್ತು RBI ಅದನ್ನು ಬದಲಾಯಿಸಬೇಕಾಗುತ್ತದೆ.
