Developed Country: ಭಾರತವು ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗಲು (Developed Country) ಹಲವಾರು ಹಂತದಲ್ಲಿ ಪ್ರಯತ್ನ ಅತ್ಯಗತ್ಯ. ಹೌದು, ಭಾರತವು ಅಭಿವೃದ್ಧಿ ಹೊಂದಿದ ಆರ್ಥಿಕತೆಯ ತಲಾ ಆದಾಯದ (Income) ಮಟ್ಟವನ್ನು ಸಾಧಿಸಲು ಶತಪ್ರಯತ್ನ ಅಗತ್ಯವಾಗಿದೆ. ಮುಖ್ಯವಾಗಿ ಭಾರತವು ತನ್ನ ದೀರ್ಘಾವಧಿಯ ಆರ್ಥಿಕ ಉದ್ದೇಶಗಳನ್ನು ಸಾಧಿಸಲು, ಜಿಡಿಪಿಗೆ ಕೈಗಾರಿಕಾ ವಲಯದ ಕೊಡುಗೆಯನ್ನು ಹೆಚ್ಚಿಸುವ ಮೂಲಕ ತನ್ನ ಆರ್ಥಿಕತೆಯ ರಚನೆಯನ್ನು ಪರಿಹರಿಸಬೇಕಾಗಿದೆ.
ಮಾಹಿತಿ ಪ್ರಕಾರ ಮುಂದಿನ 25 ವರ್ಷಗಳಲ್ಲಿ ದೇಶದ ಜಿಡಿಪಿಯು ವಾರ್ಷಿಕವಾಗಿ 7.6 ರಷ್ಟು ಬೆಳವಣಿಗೆ ದರವನ್ನು ಉಳಿಸಿಕೊಳ್ಳಬೇಕು ಎಂದು ವರದಿಯು ಬಹಿರಂಗಪಡಿಸುತ್ತದೆ. ಪ್ರಮುಖವಾಗಿ ಭಾರತವು ಸ್ವತಂತ್ರಗೊಂಡು 100ನೇ ವರ್ಷಕ್ಕೆ ಕಾಲಿಡಲಿರುವ 2047ರ ವೇಳೆಗೆ ಭಾರತದ ಆರ್ಥಿಕತೆಯು $25 ಟ್ರಿಲಿಯನ್ಗೆ ಬೆಳೆಯಬಹುದು ಎಂದು ಕಾರ್ಪೊರೇಟ್ (Corporate) ಮುಖ್ಯಸ್ಥರು ಸಾರ್ವಜನಿಕವಾಗಿ ಘೋಷಿಸಿದ್ದಾರೆ.
ಇನ್ನು ವಿಶ್ವ ಬ್ಯಾಂಕ್ ಮಾನದಂಡಗಳ ಪ್ರಕಾರ, ಒಂದು ದೇಶವನ್ನು ಉನ್ನತ-ಆದಾಯದ ರಾಷ್ಟ್ರವಾಗಿ ವರ್ಗೀಕರಿಸುವ ಪ್ರಮುಖ ಮಾನದಂಡವೆಂದರೆ ಅದರ ತಲಾ ಆದಾಯ. ಪ್ರಸ್ತುತ, ಭಾರತದ ತಲಾ ಆದಾಯವು $2,500 ರಷ್ಟಿದೆ, 2047 ರ ವೇಳೆಗೆ $21,664 ಅನ್ನು ಮೀರಿಸಲು ಗಮನಾರ್ಹ ಹೆಚ್ಚಳದ ಅಗತ್ಯವಿದೆ.
ಜೊತೆಗೆ ಭಾರತೀಯ ರಿಸರ್ವ್ ಬ್ಯಾಂಕ್ನ ಆರ್ಥಿಕ ಸಂಶೋಧನಾ ವಿಭಾಗವು ನಡೆಸಿದ ಅಧ್ಯಯನದ ಪ್ರಕಾರ, ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗಲು ಅಗತ್ಯತೆಗಳನ್ನು ಪೂರೈಸಲು ಭಾರತೀಯ ಆರ್ಥಿಕತೆಯು 2023–24 ರಿಂದ 2047–48 ರವರೆಗೆ ನೈಜ GDP ಯಲ್ಲಿ 7.6 ರಷ್ಟು ಸಂಯುಕ್ತ ವಾರ್ಷಿಕ ಬೆಳವಣಿಗೆ ದರವನ್ನು (CAGR) ಸಾಧಿಸುವ ಅಗತ್ಯವಿದೆ. ಇದರ ಹೊರತಾಗಿ, ಈ ವಿಶ್ಲೇಷಣೆಯು ಆರ್ಬಿಐನ ಅಧಿಕೃತ ದೃಷ್ಟಿಕೋನವನ್ನು ಪ್ರತಿನಿಧಿಸುವುದಿಲ್ಲ ಎಂದು ಅಧ್ಯಯನವು ಸ್ಪಷ್ಟಪಡಿಸುತ್ತದೆ.
2022 ಮತ್ತು 2023 ರ ನಡುವಿನ ಅವಧಿಗೆ, ಭಾರತವು ತನ್ನ ಜಿಡಿಪಿಯನ್ನು ಶೇಕಡಾ 7.2 ರಷ್ಟು ವಿಸ್ತರಿಸುವ ನಿರೀಕ್ಷೆಯಿದೆ. ಇದಕ್ಕೆ ಹೆಚ್ಚುವರಿಯಾಗಿ, ಆರ್ ಬಿ ಐ ಯು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇಕಡಾ 6.5 ರಷ್ಟು ಜಿಡಿಪಿ ಬೆಳವಣಿಗೆಯ ದರವನ್ನು ಮುನ್ಸೂಚಿಸುತ್ತದೆ. ಈ ವಿವರಗಳು ದೇಶದಲ್ಲಿ ಆರ್ಥಿಕ ಬೆಳವಣಿಗೆಯನ್ನು ಹೆಚ್ಚಿಸಲು ನಡೆಯುತ್ತಿರುವ ಪ್ರಯತ್ನಗಳನ್ನು ಸೂಚಿಸುತ್ತವೆ.
2047–48ರ ಆರ್ಥಿಕ ವರ್ಷದ ವೇಳೆಗೆ ಕೈಗಾರಿಕಾ ವಲಯದ ಪ್ರಮಾಣವನ್ನು ಪ್ರಸ್ತುತ ಶೇ. 25.6ರಿಂದ ಶೇ. 35ಕ್ಕೆ ಹೆಚ್ಚಿಸುವುದು ಪ್ರಮುಖವಾಗಿದೆ. ಇದಲ್ಲದೇ ಈ ವರದಿಯು ಕೃಷಿ ಮತ್ತು ಸೇವಾ ಚಟುವಟಿಕೆಗಳೆರಡೂ ವರ್ಷಕ್ಕೆ ಶೇಕಡಾ 4.9 ರಷ್ಟು ದರದಲ್ಲಿ ಬೆಳೆಯಬೇಕು ಎಂದು ತಿಳಿಸುತ್ತದೆ.
ಈ ವಿಸ್ತೃತ ಅವಧಿಯಲ್ಲಿ ಹೆಚ್ಚಿನ ಬೆಳವಣಿಗೆ ದರಗಳನ್ನು ಸಾಧಿಸುವುದು ಆರ್ಥಿಕ ಇತಿಹಾಸದಲ್ಲಿ ಅಸಾಮಾನ್ಯವೇನಲ್ಲ. ಸದ್ಯ ಭಾರತವು ತನ್ನ ಹಿಂದಿನ ದಾಖಲೆಗಳನ್ನು ಮೀರಬೇಕಾಗಿದೆ. ರಚನಾತ್ಮಕ ಸುಧಾರಣೆಗಳು, ಹೂಡಿಕೆಗಳು, ಆರ್ಥಿಕತೆಯ ಡಿಜಿಟಲೀಕರಣ, ಲಾಜಿಸ್ಟಿಕ್ಸ್ ಸುಧಾರಣೆಗಳು, ಕಾರ್ಮಿಕ ಕೌಶಲ್ಯ ಮತ್ತು ಉತ್ಪಾದನೆ, ರಫ್ತು, ಪ್ರವಾಸೋದ್ಯಮ, ಶಿಕ್ಷಣ ಮತ್ತು ಆರೋಗ್ಯದ ಮೇಲೆ ಕೇಂದ್ರೀಕರಿಸುವ ವಲಯ-ನಿರ್ದಿಷ್ಟ ನೀತಿಗಳು ಸೇರಿವೆ.
ಈ ಬೆಳವಣಿಗೆ-ವರ್ಧಿಸುವ ಕ್ರಮಗಳು ಭಾರತವನ್ನು ಅಭಿವೃದ್ಧಿ ಹೊಂದಿದ ದೇಶವಾಗಿ ಪರಿವರ್ತಿಸುತ್ತದೆ.
ಇದನ್ನು ಓದಿ: ಉಡುಪಿ: ಕಾಲೇಜು ವಿದ್ಯಾರ್ಥಿನಿಯರಿಂದ ಇದೆಂಥ ಕೃತ್ಯ!! ಶೌಚಾಲಯದ ವಿಡಿಯೋ ವೈರಲ್ ಆಗ್ತಿದ್ದಂತೆ ಯುವತಿಯರ ಮೇಲೆ ಕ್ರಮ
 ಮಟ್ಟವನ್ನು ಸಾಧಿಸಲು ಶತಪ್ರಯತ್ನ ಅಗತ್ಯವಾಗಿದೆ.){kind=link}