2
BMRCL : ಮಹಾನಗರ ಬೆಂಗಳೂರಿನಲ್ಲಿ ಟ್ರಾಫಿಕ್ ನಿಂದ ತಪ್ಪಿಸಿಕೊಳ್ಳಲು ಮೆಟ್ರೋ ಬೆಸ್ಟ್ ಆಪ್ಷನ್ ಎಂಬ ಕಾರಣಕ್ಕಾಗಿ ದಿನದಿಂದ ದಿನಕ್ಕೆ ಮೆಟ್ರೋ ಪ್ರಯಾಣಿಕರ ಸಂಖ್ಯೆ ಹೆಚ್ಚಳವಾಗುತ್ತದೆ. ಈ ಹಿನ್ನಲೆಯಲ್ಲಿ ಮೆಟ್ರೋ (Metro) ಮಾರ್ಗ ಹೆಚ್ಚಿಸುವ ಯೋಜನೆ ಭರದಿಂದ ಸಾಗಿದೆ, ಈ ಬೆಳವಣಿಗೆಗಳ ನಡುವೆ ಮೆಟ್ರೋ ಪ್ರಯಾಣಿಕರಿಗೆ (Passengers) ಒಂದು ಗುಡ್ ನ್ಯೂಸ್ ಕೂಡ ಇದೆ.
ಯಸ್, ಮೆಟ್ರೋ ಮಾರ್ಗಗಳಲ್ಲಿ ಜನ ದಟ್ಟಣೆಗೆ ಅನುಗುಣವಾಗಿ ಉತ್ತಮ ಸೇವೆ ನೀಡಲು ಬಿಎಂಆರ್ಸಿಎಲ್ ಮೆಟ್ರೋ ರೈಲುಗಳ ಸಂಖ್ಯೆ ಹೆಚ್ಚಿಸಲು ಕ್ರಮ ತೆಗೆದುಕೊಂಡಿದೆ. ಶೀಘ್ರದಲ್ಲೇ ನಮ್ಮ ಮೆಟ್ರೋದ 2 ಮಾರ್ಗಗಳಿಗೆ 3 ಹೊಸ ರೈಲುಗಳು ಸೇರಲಿದೆ.
ನೇರಳೆ ಹಾಗೂ ಹಸಿರು ಮಾರ್ಗಕ್ಕೆ ಹೊಸ ಮೆಟ್ರೋ ರೈಲುಗಳು ಬರಲಿದೆ. ಜೂನ್ ಅಂತ್ಯದೊಳಗೆ 3 ಹೊಸ ಮೆಟ್ರೋ ರೈಲು ಬರುವ ಸಾಧ್ಯತೆ ಇದೆ ಎನ್ನಲಾಗ್ತಿದೆ. 3 ಹೊಸ ರೈಲು ಬರೋದ್ರಿಂದ ಈ ಭಾಗದ ಪ್ರಯಾಣಿಕರಿಗೆ ಪ್ರಯಾಣ ಮತ್ತಷ್ಟು ಸುಲಭವಾಗಲಿದೆ.