Lips Care Tips: ಮುಖದಲ್ಲಿ ತುಟಿಗಳಿಗೆ ಮುಖ್ಯ ಪ್ರಾಧಾನ್ಯತೆಯಿದೆ. ತುಟಿಗಳು ಮೃದು ಮತ್ತು ಗುಲಾಬಿ ಬಣ್ಣದಿಂದ ಕೂಡಿದ್ದರೆ ಮುಖವು ಹೆಚ್ಚು ಆಕರ್ಷಕವಾಗಿರುತ್ತದೆ. ಅಲ್ಲದೆ ತುಟಿಗಳು ನಿಮ್ಮ ನಗುವನ್ನು ಮತ್ತು ಸೌಂದರ್ಯವನ್ನು ಹೆಚ್ಚಿಸುತ್ತವೆ.
ಆದರೆ ಕೆಟ್ಟ ಜೀವನಶೈಲಿ, ಆಹಾರ ಪದ್ಧತಿಯಿಂದ ಹಿಡಿದು ಇನ್ನೂ
ಹಲವು ಕಾರಣಗಳಿಂದ ತುಟಿಗಳಲ್ಲಿ ಕಪ್ಪು ಮತ್ತು ಬಿರುಕು ಸಮಸ್ಯೆ ಉಂಟಾಗುತ್ತದೆ. ತುಟಿಗಳಲ್ಲಿ ಉಂಟಾಗುವ ಸಮಸ್ಯೆಯು ನಿಮ್ಮನ್ನು ಮುಜುಗರಕ್ಕೀಡು ಮಾಡುತ್ತದೆ. ಆದರೆ ನೀವು ಈ ತುಟಿಗಳ ಕಪ್ಪಾಗುವಿಕೆ ಮತ್ತು ಬಿರುಕು ಬಿಡುವಿಕೆ ಸಮಸ್ಯೆ ನಿವಾರಣೆಗೆ ಕೆಲವು ನೈಸರ್ಗಿಕ ಟಿಪ್ಸ್ (Lips Care Tips) ಅನುಸರಿಸುವುದು ಉತ್ತಮ.
ಧೂಮಪಾನ, ಬಿಸಿಲು ಮತ್ತು ಮಾಲಿನ್ಯ ಹಾಗೂ ಹೊಟ್ಟೆ ಸಂಬಂಧಿ ಅಸ್ವಸ್ಥತೆಗಳು ತುಟಿಗಳ ಸಮಸ್ಯೆಗೆ ಕಾರಣವಾಗುತ್ತವೆ. ಹೀಗಾಗಿ ತುಟಿಗಳು ಕಪ್ಪು ಬಣ್ಣಕ್ಕೆ ತಿರುಗಲು ಪ್ರಾರಂಭಿಸುತ್ತವೆ. ತುಟಿಗಳ ಬಣ್ಣ ಕಪ್ಪಾಗಲು ಧೂಮಪಾನ, ತಂಬಾಕು ಅಥವಾ ಔಷಧದ ಹೊರತಾಗಿ, ಇತರೆ ಕಾರಣಗಳು ತುಟಿಗಳ ಬಣ್ಣದಲ್ಲಿ ಬದಲಾವಣೆ ಉಂಟಾಗಲು ಕಾರಣವಾಗುತ್ತವೆ. ಹಾಗಾಗಿ ಇದನ್ನು ತಡೆಯಲು ಮೊದಲು ಜೀವನಶೈಲಿಯಲ್ಲಿ ಉತ್ತಮ ಬದಲಾವಣೆ ತನ್ನಿ. ಕೆಟ್ಟ ಅಭ್ಯಾಸಗಳನ್ನು ತ್ಯಜಿಸಬೇಕು.
ಮುಖ್ಯವಾಗಿ ಸೂರ್ಯನ ಬೆಳಕು, ಧೂಮಪಾನ ಮತ್ತು ಮದ್ಯಪಾನವು ತುಟಿಗಳ ಮೇಲೆ ಪಿಗ್ಮೆಂಟೇಶನ್ ಅನ್ನು ಉಂಟುಮಾಡುತ್ತದೆ, ಇದು ತುಟಿಗಳ ಮೇಲೆ ವರ್ಣದ್ರವ್ಯ ಕಡಿಮೆ ಮಾಡುತ್ತದೆ. ಹಾಗಾಗಿ ತುಟಿಗಳಿಗೆ ಹೆಚ್ಚುವರಿ ಕಾಳಜಿ ಬೇಕು. ಕೆಲವು ಮನೆಮದ್ದುಗಳು ತುಟಿಗಳಲ್ಲಿ ವಿಭಿನ್ನ ಹೊಳಪನ್ನು ತರಲು ಸಹಾಯ ಮಾಡುತ್ತವೆ.
ತುಟಿಗಳನ್ನು ಗುಲಾಬಿ ಮಾಡಲು ತೆಂಗಿನ ಎಣ್ಣೆ ಬಳಸಿ. ತೆಂಗಿನ ಎಣ್ಣೆಯು ತುಟಿಗಳನ್ನು ಮೃದುಗೊಳಿಸುತ್ತದೆ. ಇದು ತುಟಿಗಳನ್ನು ಆರೋಗ್ಯಕರವಾಗಿ ಮತ್ತು ಹೈಡ್ರೀಕರಿಸುತ್ತದೆ. ನಿರಂತರ ಬಳಕೆಯು ತುಟಿಗಳು ಗುಲಾಬಿಯಾಗಿ ಉಳಿಯುತ್ತವೆ ಮತ್ತು ಶುಷ್ಕತೆ ಇರುವುದಿಲ್ಲ. ಅಪಾಯಕಾರಿ ಸೂರ್ಯನ ಬೆಳಕಿನ ಪ್ರಭಾವದಿಂದ ಇದನ್ನು ಉಳಿಸಬಹುದು.
ಕಪ್ಪು ತುಟಿಗಳನ್ನು ಸರಿಪಡಿಸಲು ಎಫ್ಫೋಲಿಯೇಟಿಂಗ್ ಮಾಡಿ. ತುಟಿಗಳನ್ನು ಸ್ವಚ್ಛಗೊಳಿಸಿ. ಲಿಪ್ ಕೇರ್ ಅನ್ನು ಬಳಸಿ. ದಾಲ್ಚಿನ್ನಿ ಪುಡಿಯನ್ನು ಸಕ್ಕರೆಯೊಂದಿಗೆ ಮಿಶ್ರಣ ಮಾಡಿ. ತುಟಿಗಳಿಗೆ ಹಚ್ಚಿ. ಸ್ವಲ್ಪ ಸಮಯದ ನಂತರ ಟಿಶ್ಯೂ ಅಥವಾ ತಣ್ಣೀರಿನಿಂದ ಸ್ವಚ್ಛಗೊಳಿಸಿ. ಪೇಸ್ಟ್ ಅನ್ನು ಅನ್ವಯಿಸುವಾಗ ತುಂಬಾ ವೇಗವಾಗಿ ಉಜ್ಜಬೇಡಿ.
ಆಲಿವ್ ಆಯಿಲ್ ಗೆ ಸ್ವಲ್ಪ ವ್ಯಾಸಲಿನ್ ಮಿಕ್ಸ್ ಮಾಡಿ. ಇದನ್ನು ರಾತ್ರಿ ಮಲಗುವ ಮೊದಲು ತುಟಿಗಳಿಗೆ ಹಚ್ಚಿಕೊಳ್ಳಿ. ಕೆಲವೇ ದಿನಗಳಲ್ಲಿ ಕಪ್ಪು ತುಟಿ ಮಾಯವಾಗುತ್ತದೆ.
ಗುಲಾಬಿಯಂತ ತುಟಿ ಪಡೆಯಲು ಈ ಉಪಾಯ ಬಹಳ ಒಳ್ಳೆಯದು. ಗುಲಾಬಿ ಎಸಳನ್ನು ತೆಗೆದು ಅದಕ್ಕೆ ಗ್ಲಿಸರಿನ್ ಮಿಕ್ಸ್ ಮಾಡಿ. ಪ್ರತಿ ರಾತ್ರಿ ಮಲಗುವ ಮೊದಲು ಇದನ್ನು ತುಟಿಗಳಿಗೆ ಸವರಿ, ಗುಲಾಬಿ ಎಸಳುಗಳನ್ನು ತುಟಿಗಳಿಗೆ ರಬ್ ಮಾಡುವುದರಿಂದಲೂ ಕಪ್ಪು ಬಣ್ಣ ಮಾಯವಾಗುತ್ತದೆ.
ಹಾಲಿಗೆ ಕೇಸರಿಯನ್ನು ಸೇರಿಸಿ ಪೇಸ್ಟ್ ತುಟಿಗಳಿಗೆ ಹಚ್ಚಿಕೊಳ್ಳುವುದರಿಂದಲೂ ತುಟಿಗಳು ಹೊಳಪು ಪಡೆಯುತ್ತವೆ
ಇನ್ನು ನಿಂಬೆ ರಸ ಮುಖದ ಮೊಡವೆ ತೆಗೆದು ಹಾಕುತ್ತದೆ. ವಾರಕ್ಕೆ 4 ರಿಂದ 5 ಬಾರಿ ನಿಂಬೆ ರಸ ತುಟಿಗಳಿಗೆ ಹಚ್ಚಬೇಕು. ಐದು ನಿಮಿಷದ ನಂತರ ತಣ್ಣೀರಿನಿಂದ ತೊಳೆಯಿರಿ. ನಂತರ ಮಾಯಿಶ್ಚರೈಸರ್ ಅನ್ನು ಅನ್ವಯಿಸಿ. ಇದರಿಂದ ತುಟಿಗಳು ಒಣಗುವುದಿಲ್ಲ.
ಇದನ್ನು ಓದಿ: Healthy Pregnancy: ಆರೋಗ್ಯಕರ ಗರ್ಭಧಾರಣೆ ಬೇಕೇ? ಗರ್ಭಕೋಶ ಹೆಲ್ತಿಯಾಗಿರಲು ಈ ಚಹಾ ಕುಡಿಯಿರಿ
