Cigarette : ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ 2026-27ನೇ ಸಾಲಿನ ಬಜೆಟ್ ಮಂಡನೆಯಾಗಿದ್ದು, ಹಣಕಾಸು ನಿರ್ಮಲಾ ಸೀತಾರಾಮನ್ ಅವರು ಸತತ 9 ನೇ ಬಾರಿಗೆ ಬಜೆಟ್ ಮಂಡಿಸಿದ್ದಾರೆ. ಈ ಬಜೆಟ್ ನಲ್ಲಿ ಸಿಗರೇಟಿನ ಮೇಲೆ ಹೆಚ್ಚುವರಿ ಅಬಕಾರಿ ಸುಂಕ ಹಾಗೂ ಪಾನ್ ಮಸಾಲಾಗಳ ಮೇಲೆ ವಿಧಿಸಿರುವ ಆರೋಗ್ಯ ಸೆಸ್ ಹಾಗೂ ಶೇ 40ರಷ್ಟು ಹೆಚ್ಚುವರಿ ಜಿಎಸ್ಟಿ ಫೆ. 1ರಿಂದ ಜಾರಿಗೆ ಬರುತ್ತಿದೆ. ಇದರಿಂದ ಈ ಉತ್ಪನ್ನಗಳ ಬೆಲೆ ಹೆಚ್ಚಳವಾಗಲಿದೆ. ಅದರಲ್ಲೂ ಸಿಗರೇಟ್ ಬೆಲೆ ಕೈ ಸುಡುವಂತೆ ಮಾಡಿದೆ. ಆಗಿದ್ರೆ ಯಾವ ಸಿಗರೇಟ್ ಬೆಲೆ ಎಷ್ಟು ಆಗಿದೆ ನೋಡೋಣ.
ಯಾವ ಸಿಗರೇಟ್ಗೆ ಎಷ್ಟು ದರ?:
ಸಿಗರೇಟುಗಳ ಮೇಲೆ ಉದ್ದದ ಆಧಾರದಲ್ಲಿ ಎಕ್ಸೈಸ್ ಸುಂಕ ವಿಧಿಸಲಾಗುತ್ತದೆ. 65 ಮಿ.ಮೀ.ವರೆಗೆ ಇರುವ ಚಿಕ್ಕ ನಾನ್-ಫಿಲ್ಟರ್ ಸಿಗರೇಟುಗಳಿಗೆ ಪ್ರತಿ ಸ್ಟಿಕ್ಗೆ ಸುಮಾರು 2.05 ರೂಪಾಯಿ ಹೆಚ್ಚುವರಿ ಸುಂಕ ವಿಧಿಸಲಾಗುತ್ತದೆ.ಚಿಕ್ಕ ಫಿಲ್ಟರ್ ಸಿಗರೇಟುಗಳಿಗೆ ಸುಮಾರು 2.10 ರೂಪಾಯಿ ಸುಂಕ ಇರಲಿದೆ. 65-70 ಮಿ.ಮೀ. ಉದ್ದದ ಸಿಗರೇಟುಗಳಿಗೆ ಪ್ರತಿ ಸ್ಟಿಕ್ಗೆ 3.6 ರಿಂದ 4 ರೂಪಾಯಿವರೆಗೆ, 70-75 ಮಿ.ಮೀ. ಉದ್ದದ ಸಿಗರೇಟುಗಳಿಗೆ ಸುಮಾರು 5.4 ರೂಪಾಯಿ ಸುಂಕ ವಿಧಿಸಲಾಗುತ್ತದೆ. ವಿಶೇಷ ವಿನ್ಯಾಸದ ಸಿಗರೇಟುಗಳಿಗೆ ಗರಿಷ್ಠ 8.50 ರೂಪಾಯಿ ಪ್ರತಿ ಸ್ಟಿಕ್ಗೆ ಸುಂಕ ವಿಧಿಸಲಾಗಿದೆ.
