UPI: ಫೆಬ್ರವರಿ ತಿಂಗಳಿನಿಂದ ಯುಪಿಐ ವಹಿವಾಟಿನಲ್ಲಿ ಮಹತ್ವದ ಬದಲಾವಣೆಯಾಗಲಿದ್ದು, ಫೋನ್ ಪೇ ಮತ್ತು ಗೂಗಲ್ ಪೇ ಮುಖಾಂತರ ಹಣ ಕಳಿಸಲು ಹೊಸ ರೂಲ್ಸ್ ಒಂದು ಜಾರಿಯಾಗಲಿದೆ. ಇವುಗಳನ್ನು ಬಳಸುವವರು ಈ ನಿಯಮಗಳ ಬಗ್ಗೆ ತಿಳಿದುಕೊಳ್ಳುವುದು ತುಂಬಾ ಮುಖ್ಯ.
ಯಸ್, 2026ರ ಫೆಬ್ರವರಿಯಿಂದ ಯುಪಿಐ ಹಣ ವರ್ಗಾವಣೆ ವ್ಯವಸ್ಥೆಯಲ್ಲಿ ಪ್ರಮುಖ ಹೊಸ ನಿಯಮಗಳು ಜಾರಿಗೆ ಬರಲಿವೆ. . ಈ ಬದಲಾವಣೆಗಳು ಗೂಗಲ್ ಪೇ (Google Pay), ಫೋನ್ಪೇ (PhonePe), ಪೇಟಿಎಂ (Paytm), ಮತ್ತು ಭೀಮ್ (BHIM) ಸೇರಿದಂತೆ ಎಲ್ಲಾ ಯುಪಿಐ ಆಯಪ್ಗಳಿಗೂ ಅನ್ವಯಿಸುತ್ತವೆ.
ಹೊಸ ನಿಯಮಗಳ ಪ್ರಕಾರ ಇನ್ಮುಂದೆ ಯುಪಿಐ ವಹಿವಾಟುಗಳು ಗರಿಷ್ಠ 10 ಸೆಕೆಂಡುಗಳಲ್ಲಿ ಪೂರ್ಣಗೊಳ್ಳಬೇಕು. ಮೊದಲು ಈ ಸಮಯದ ಮಿತಿ 30 ಸೆಕೆಂಡುಗಳಾಗಿದ್ದರಿಂದ, ಕೆಲವೊಮ್ಮೆ ಹಣ ಕಳುಹಿಸಲು ತಡವಾಗುತ್ತಿತ್ತು. ಯುಪಿಐ ಆಯಪ್ ಮತ್ತು ಬ್ಯಾಂಕ್ ನಡುವಿನ ಸಂಪರ್ಕವನ್ನು ಸುಧಾರಿಸುವ API ಕಾರ್ಯಗಳನ್ನು ಸಹ ವೇಗಗೊಳಿಸಲಾಗಿದೆ. ಇದರಿಂದಾಗಿ, ಹೆಚ್ಚು ಟ್ರಾಫಿಕ್ ಇರುವ ಸಮಯದಲ್ಲೂ ಹಣ ವರ್ಗಾವಣೆ ಸರಾಗವಾಗಿ ನಡೆಯುತ್ತದೆ.
ದೇಶದಲ್ಲಿ ಡಿಜಿಟಲ್ ವಹಿವಾಟುಗಳು ಹೆಚ್ಚಾಗುತ್ತಿರುವುದರಿಂದ, ಯುಪಿಐ ವ್ಯವಸ್ಥೆಯ ಮೇಲಿನ ಹೊರೆಯೂ ಹೆಚ್ಚಾಗಿದೆ. ಇದನ್ನು ನಿಭಾಯಿಸಲು ಈ ಹೊಸ ನಿಯಮಗಳನ್ನು ತರಲಾಗಿದೆ. ಹೆಚ್ಚು ಬಳಕೆದಾರರು ಇರುವಾಗ ಸಂಭವಿಸುವ ವಹಿವಾಟು ವೈಫಲ್ಯಗಳು ಕಡಿಮೆಯಾಗುವ ನಿರೀಕ್ಷೆಯಿದೆ.
