ಲಂಡನ್ ಮಾ.19: ರಸ್ತೆಯಲ್ಲಿ ಪಾನ್ ಉಗುಳಿದ ಪ್ರಕರಣದಲ್ಲಿ ಭಾರತ ಮೂಲದ ಇಬ್ಬರು ವ್ಯಕ್ತಿಗಳಿಗೆ ಭಾರೀ ದಂಡ ವಿಧಿಸಿರುವ ಘಟನೆ ನಡೆದಿದೆ. ಎಡ್ಗ್ವೇರ್ ನಿವಾಸಿ ಅಕ್ಷಿತ್ ಕುಮಾರ್ ಮತ್ತು ಹಿತೇಶ್ ಪಟೇಲ್ ಜೂನ್ 11,2025 ರಂದು ಕಿಂಗ್ಸ್ಬರಿ ರಸ್ತೆಯಲ್ಲಿ ಪಾನ್ ಉಗುಳಿದ್ದು, ಮೊದಲಿಗೆ ಇವರಿಗೆ 100 ಯುರೋ ದಂಡ ವಿಧಿಸಲಾಗಿತ್ತು. ಆದರೆ ದಂಡ ಪಾವತಿಸದೆ ನ್ಯಾಯಾಲಯಕ್ಕೆ ಹಾಜರಾಗದ ಕಾರಣ, ನಂತರ ದಂಡನವನ್ನು 1,391 ಯುರೋಗೆ ಏರಿಕೆ ಮಾಡಲಾಯಿತು.
ಈ ರೀತಿಯ ಇನ್ನೊಂದು ಪ್ರಕರಣದಲ್ಲಿ ರುಯಿಪ್ಲಸ್ ನಿವಾಸಿ ಹಿತೇಶ್ ಪಟೇಲ್ ಜೂನ್ 12 ರಂದು ವೆಂಬ್ಲಿ ಹಿಲ್ ರಸ್ತೆಯಲ್ಲಿ ಪಾನ್ ಉಗುಳಿದ ಹಿನ್ನೆಲೆಯಲ್ಲಿ ಶಿಕ್ಷೆಗೆ ಗುರಿಯಾಗಿದ್ದು, ವಿಚಾರಣೆಗೆ ಹಾಜರಾಗದ ಕಾರನ ನ್ಯಾಯಾಲಯವು ಅವರಿಗೂ 1,391 ಯುರೋ ದಂಡ ವಿಧಿಸಿದೆ.
ಪಾನ್ ಉಗುಳುವುದರಿಂದ ರಸ್ತೆಯಲ್ಲಿ ಉಂಟಾಗುವ ಕಲೆ ನಿವಾರಿಸಲು ವರ್ಷಕ್ಕೆ ಸಾವಿರಾರು ಯುರೋ ವೆಚ್ಚವಾಗುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದು, ಯಂತ್ರಗಳ ಮೂಲಕ ಕಲೆಗಳನ್ನು ಸಂಪೂರ್ಣವಾಗಿ ತೆಗೆದುಹಾಕುವುದು ಕಷ್ಟ ಎಂದಿದ್ದಾರೆ.
