Viral Video : ಮದುವೆ ನಡೆಯುವ ಸಂದರ್ಭದಲ್ಲಿ ಹುಡುಗ ಅಥವಾ ಹುಡುಗಿ ಯಾರಾದರೂ ದಿಢೀರ್ ಎಂದು ಮದುವೆ ಮನೆಗೆ ಎಂಟ್ರಿಕೊಟ್ಟು, ನವದುಗಳಲ್ಲಿ ನಾನು ನಿಮ್ಮ ಮಾಜಿ ಪ್ರಿಯತಮ ಅಥವಾ ಪ್ರಿಯತಮೆ ಎಂದು ಹೇಳಿದರೆ ಹೇಗಾಗಬಹುದು ಹೇಳಿ? ಇದೀಗ ಅಂತದ್ದೇ ಒಂದು ಘಟನೆ ನಡೆದಿದೆ. ಆದರೆ ಇಲ್ಲಿ ಮಾತಿನಲ್ಲಿ ವ್ಯವಹಾರ ನಡೆದಿಲ್ಲ ಮುತ್ತಿನ ಮೂಲಕ ಎಲ್ಲವೂ ನಡೆದಿದೆ. ಕೊನೆಗೆ ಅದು ನಗುವಿನಲ್ಲಿ ಅಂತ್ಯವಾಗಿದೆ.
ಹೌದು, ಮದುವೆ ಮನೆಗೆ ಮುಸ್ಲಿಂ ಮಹಿಳೆ ಒಬ್ಬಳು ಎಂಟ್ರಿಕೊಟ್ಟು ವರನನ್ನು ತಬ್ಬು ಹಿಡಿದು ಮುತ್ತಿನ ಸುರಿಮಳೆಗೈದಿದ್ದಾಳೆ. ಆರಂಭದಲ್ಲಿ ಇದನ್ನು ಕಂಡು ಎಲ್ಲರೂ ಕೊಂಚ ವಿಚಲಿತರಾಗಿದ್ದಾರೆ. ಇದನ್ನು ನೋಡಿ ವಧು ಕಕ್ಕಾಬಿಕ್ಕಿಯಾಗಿ ಹೋದಳು. ವರನಿಗೂ ಶಾಕ್ ಆಯಿತು. ಯಾರು ಈ ಮುಸ್ಲಿಮ್ ಮಹಿಳೆ ಎಂದು. ತನ್ನ ಲವರ್ ಯಾರೂ ಮುಸ್ಲಿಂ ಲೇಡಿ ಇಲ್ವಲ್ಲಾ ಎಂದು ಎನ್ನಿಸಿದರೂ ವರನಿಗೆ ಯಾರು ಇರಬಹುದು ಎಂದು ಡೌಟ್ ಬರಲು ಶುರುವಾಯಿತು. ಎಲ್ಲರ ಎದುರೇ ವೇದಿಕೆ ಮೇಲೆ ಹೀಗೆ ಮಾಡಿದ್ರೆ ಪಾಪ ಏನಾಗಬೇಡ ಆತನ ಸ್ಥಿತಿ?
ಕೊನೆಗೆ ವರ ಆ ಬುರ್ಖಾದಾರಿ ಮಹಿಳೆಯ ಮಸುಕನ್ನು ತೆಗೆಯಲು ಎಷ್ಟೇ ಪ್ರಯತ್ನಿಸಿದರು ಕೂಡ ಅವರು ಬಿಡಲಿಲ್ಲ. ಕೊನೆಗೆ ವರ ಕಷ್ಟಪಟ್ಟು ಮುಸುಕನ್ನು ತೆಗೆದಾಗ ಅದು ವರನ ಸ್ನೇಹಿತನೇ ಆಗಿದ್ದರು. ಅಂದರೆ ಬುರ್ಖಾ ಧರಿಸಿ ಬಂದು ಪಾಪ ಸ್ನೇಹಿತನನ್ನು ಪೇಚಿಗೆ ಸಿಲುಕಿಸಿದ್ದ ಈ ಗೆಳೆಯ. ಅದು ಹುಡುಗಿ ಅಲ್ಲ ಹುಡುಗ ಎಂದು ತಿಳಿಯುತ್ತಲೇ ವಧು ಅಬ್ಬಾ ಎಂದು ದೀರ್ಘ ಉಸಿರು ಬಿಟ್ಟಳು.