Pune: ‘ಮಹಿಳೆಯನ್ನು ಪ್ರಗ್ನೆಂಟ್ ಮಾಡಿದ್ರೆ 25 ಲಕ್ಷ’ ಆಫರ್ – ಅಡ್ವಟೈಸ್ ನಂಬಿ 11 ಲಕ್ಷ ನಾಮ ಹಾಕಿಸಿಕೊಂಡ ವ್ಯಕ್ತಿ !!

Pune: ಸೈಬರ್ ಕ್ರೈಂ ಹಾಗೂ ವಂಚನೆಯ ಜಾಲಗಳು ದಿನದಿಂದ ದಿನಕ್ಕೆ ದೊಡ್ಡದಾಗುತ್ತಿದ್ದು, ವಂಚಕರು ಹೊಸ ಹೊಸ ಮಾರ್ಗಗಳನ್ನು ಕಂಡುಕೊಂಡು ಜನರಿಂದ ಸುಲಿಗೆ ಮಾಡುತ್ತಿದ್ದಾರೆ. ಅಂತಯೇ ಇದೀಗ ಮಹಿಳೆಯನ್ನು ಪ್ರಗ್ನೆಂಟ್ ಮಾಡಿದರೆ 25 ಲಕ್ಷ ರೂ ಸಿಗುತ್ತದೆ ಎಂಬ ಜಾಹೀರಾತನ್ನು ನೋಡಿ ವ್ಯಕ್ತಿ ಒಬ್ಬ ೧೧ ಲಕ್ಷ ನಾಮ ಹಾಕಿಸಿಕೊಂಡಿದ್ದಾನೆ.

ಹೌದು, ಪುಣೆಯ 44 ವರ್ಷದ ಗುತ್ತಿಗೆದಾರನೊಬ್ಬ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಜಾಹೀರಾತಿನ ವಿಡಿಯೋ ಒಂದನ್ನು ನೋಡಿ ನಂಬಿ ಮೋಸ ಹೋಗಿ ಹಣ ಕಳೆದುಕೊಂಡಿದ್ದಾನೆ. ವೀಡಿಯೊದಲ್ಲಿ, ಒಬ್ಬ ಮಹಿಳೆ ಆಳವಾದ ಧ್ವನಿಯಲ್ಲಿ, ‘ನನ್ನನ್ನು ಗರ್ಭಿಣಿ ಮಾಡುವ ವ್ಯಕ್ತಿ ಬೇಕು. ನಾನು ಅವನಿಗೆ 2.5 ಮಿಲಿಯನ್ ರೂಪಾಯಿಗಳನ್ನು (25 ಲಕ್ಷ ರೂ.) ನೀಡುತ್ತೇನೆ. ಅವನು ಯಾವುದೇ ಜಾತಿ ಆಗಿಲಿ, ಓದಿರದೆ ಇದ್ದರೂ ತೊಂದರೆ ಇಲ್ಲ, ಹೇಗೆ ಬೇಕಾದರೂ ಇದ್ದರು ನಡೆಯುತ್ತದೆ ಎಂದು ಹೇಳಿದ್ದಾಳೆ.

25 ಲಕ್ಷ ರೂ.ಗಳ ಕೊಡುಗೆಯಿಂದ ಆಕರ್ಷಿತನಾದ ಗುತ್ತಿಗೆದಾರ ತಕ್ಷಣ ವೀಡಿಯೊದಲ್ಲಿ ನೀಡಲಾದ ಸಂಖ್ಯೆಗೆ ಕರೆ ಮಾಡಿದ್ದಾನೆ. ಫೋನ್ ತೆಗೆದುಕೊಂಡ ಇನ್ನೊಬ್ಬ ವ್ಯಕ್ತಿ “ಗರ್ಭಿಣಿ ಉದ್ಯೋಗ” ಎಂಬ ಕಂಪನಿಯ ಸಹಾಯಕ ಎಂದು ಪರಿಚಯಿಸಿಕೊಂಡನು. ಮೊದಲು ಈ ಕೆಲಸಕ್ಕಾಗಿ ಕಂಪನಿಯಲ್ಲಿ ನೋಂದಾಯಿಸಿಕೊಳ್ಳುವುದಾಗಿ ಮತ್ತು ನಂತರ ತನ್ನ ಗುರುತಿನ ಚೀಟಿ ಮತ್ತು ಇತರ ಅಗತ್ಯ ದಾಖಲೆಗಳನ್ನು ನೀಡುವುದಾಗಿ ಗುತ್ತಿಗೆದಾರನಿಗೆ ಹೇಳಿದ್ದಾನೆ.

 ಆರಂಭದಲ್ಲಿ ರಿಜಿಸ್ಟ್ರೇಷನ್ ಫೀಸ್, ಪರಿಶೀಲನೆ ಫೀಸ್, ಗುರುತಿನ ಚೀಟಿಯ ಫೀಸ್ ಎಂದು ಹೇಳುತ್ತಾ ಗುತ್ತಿಗೆದಾರನ ಬಳಿ ವಂಚಕ ಸಾಕಷ್ಟು ಹಣವನ್ನು ದೋಚ್ಚಿದ್ದಾನೆ. ಹೀಗೆ ಗುತ್ತಿಗೆದಾರ ಸೆಪ್ಟೆಂಬರ್ ಮೊದಲ ವಾರದಿಂದ ಅಕ್ಟೋಬರ್ 23 ರವರೆಗೆ 100 ಕ್ಕೂ ಹೆಚ್ಚು ಆನ್ಲೈನ್ ವರ್ಗಾವಣೆಗಳನ್ನು ಮಾಡಿದ್ದಾನೆ. ಕೆಲವೊಮ್ಮೆ ಅವರು UPI ಮೂಲಕ ಮತ್ತು ಕೆಲವೊಮ್ಮೆ IMPS ಮೂಲಕ ಒಟ್ಟು ಸುಮಾರು 11 ಲಕ್ಷ ರೂ.ಗಳನ್ನು ಕಳುಹಿಸಿದ್ದಾರೆ.

ನಂತರ ಮಹಿಳೆಯನ್ನು ಕರೆತಂದು ಶೀಘ್ರದಲ್ಲೇ ತನ್ನ ಬಳಿಗೆ ಬರುವುದಾಗಿ ಭರವಸೆ ನೀಡಿದ್ದ. ನಂತರ ಅನುಮಾನಗೊಂಡ ಗುತ್ತಿಗೆದಾರ ಹಲವು ಪ್ರಶ್ನೆಗಳನ್ನು ಕೇಳಲು ಪ್ರಾರಂಭಿಸಿದನು. ಇನ್ನೊಬ್ಬ ವ್ಯಕ್ತಿಯಿಂದ ಪಡೆದ ಉತ್ತರಗಳ ಆಧಾರದ ಮೇಲೆ ತಾನು ಮೋಸ ಹೋಗಿದ್ದೇನೆ ಎಂದು ಅರಿತುಕೊಂಡ ಗುತ್ತಿಗೆದಾರ ಬನೇರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾನೆ.