ಅಲ್ಬೇನಿಯಾ: ಭ್ರಷ್ಟಾಚಾರ ನಿಗ್ರಹಕ್ಕೆ ಬಂದಿದ್ದಾಳೆ ವಿಶ್ವದ ಮೊದಲ AI ಸಚಿವೆ ಡಿಯೆಲ್ಲಾ!

ಅಲ್ಬೇನಿಯಾ: ಮನುಷ್ಯರು ಆಮಿಷಗಳಿಗೆ ಬಲಿಯಾಗೋದು ಸುಲಭ. ಅದೂ ಸಚಿವರಾದ ಮೇಲೆ ಭ್ರಷ್ಟರಾಗದೆ ಉಳಿಯೋದು ಕಷ್ಟ. ಈಗ ಓರ್ವ ನಿಯತ್ತಿನ ಅಕ್ಕ ಬಂದಿದ್ದಾಳೆ. ಯಾರಿಗೂ ಯಾವ ಅಮಿಷಕ್ಕೂ ಕೈಯೊಡ್ಡದ ಮಹಿಳೆಯೀಕೆ. ಆಲ್ವೇರಿಯಾದ ಸರ್ಕಾರ ಸರ್ಕಾರದಲ್ಲಿನ ಭ್ರಷ್ಟಾಚಾರವನ್ನು ನಿಗ್ರಹಿಸುವ ಕಾರ್ಯದಲ್ಲಿ ಜಗತ್ತಿನಲ್ಲೇ ಮೊದ್ಲ ಬಾರಿಗೆ AI ಸಚಿವೆ ಒಬ್ಬರನ್ನು ನೇಮಿಸಿದೆ. ವಿಶ್ವದ ಮೊದಲ AI-ನಿರ್ಮಿತ ‘ಸಚಿವ’ ಡಿಯೆಲ್ಲಾರನ್ನು ಮೊದಲು ಜನವರಿಯಲ್ಲಿ ಇ-ಅಲ್ಬೇನಿಯಾ ವೇದಿಕೆಯಲ್ಲಿ AI-ಚಾಲಿತ ವರ್ಚುವಲ್ ಸಹಾಯಕರಾಗಿ ನೇಮಕ ಮಾಡಲಾಯಿತು. ಈಕೆ ಇಲ್ಲಿಯವರೆಗೆ 36,600 ಡಿಜಿಟಲ್ ದಾಖಲೆಗಳನ್ನು ಬಿಡುಗಡೆ ಮಾಡಲು ಸಹಾಯ ಮಾಡಿದ್ದಾರೆ ಎಂದು ವರದಿಯಾಗಿದೆ. ಭ್ರಷ್ಟಾಚಾರ ರೈತ ನಡೆಸಲು ಈ ಸಚಿವೆ ಸೆರಗು ಬಿಗಿದು ನಿಂತಿದ್ದಾಳೆ!!

ಸಾರ್ವಜನಿಕ ಟೆಂಡರ್‌ಗಳಲ್ಲಿ ಭ್ರಷ್ಟಾಚಾರವನ್ನು ನಿಭಾಯಿಸಲು ಅಲ್ಬೇನಿಯಾ ವಿಶ್ವದ ಮೊದಲ AI-ರಚಿತ ಸಚಿವೆ ಡಿಯೆಲ್ಲಾ ಅವರನ್ನು ನೇಮಿಸಿದೆ ಅಲ್ಲಿನ ಸರ್ಕಾರ.100% ಭ್ರಷ್ಟಾಚಾರ-ಮುಕ್ತ ಮತ್ತು ಪಾರದರ್ಶಕ ಪ್ರಕ್ರಿಯೆಗಳನ್ನು ಗುರಿಯಾಗಿಟ್ಟುಕೊಂಡು ಡಿಯೆಲ್ಲಾ ಎಲ್ಲಾ ಸಾರ್ವಜನಿಕ ಟೆಂಡರ್ ನಿರ್ಧಾರಗಳನ್ನು ಮೇಲ್ವಿಚಾರಣೆ ಮಾಡುತ್ತಾರೆ.
ಅಲ್ಬೇನಿಯಾ ‘AI ಮಂತ್ರಿ’ಯನ್ನು ನೇಮಿಸಿದ ವಿಶ್ವದ ಮೊದಲ ದೇಶವಾಗಿದೆ. ಅಲ್ಲಿ ಕೃತಕ ಬುದ್ಧಿಮತ್ತೆಯ ಬೆಳವಣಿಗೆಯು ನೈತಿಕ ಬಳಕೆಯನ್ನು ಮೇಲ್ವಿಚಾರಣೆ ಮಾಡುವ ಮನುಷ್ಯ ವ್ಯಕ್ತಿಯಲ್ಲ. ಆದರೆ ಆಕೆ ಪಿಕ್ಸೆಲ್‌ಗಳು ಮತ್ತು ಕೋಡ್‌ನಿಂದ ಮಾಡಲ್ಪಟ್ಟ ವರ್ಚುವಲ್ ಸರ್ಕಾರಿ ಸದಸ್ಯಲಾಗಿದ್ದು ಆಕೆ ಭ್ರಷ್ಟಾಚಾರ ಮುಕ್ತ ಮನಸ್ಸಿನ ಹೆಂಗಸು!!

ಈ AI ಸಚಿವರನ್ನು ಡೈಯೆಲ್ಲಾ ಎಂದು ಹೆಸರಿಸಲಾಗಿದ್ದು, ಅಲ್ಬೇನಿಯನ್ ಭಾಷೆಯಲ್ಲಿ ‘ಸೂರ್ಯ’ ಎಂದರ್ಥ – ಮತ್ತು ಭ್ರಷ್ಟಾಚಾರವನ್ನು ನಿಭಾಯಿಸುವ ಕಾರ್ಯವನ್ನು ಅವರಿಗೆ ವಹಿಸಲಾಗಿದೆ ಎಂದು ಅಲ್ಬೇನಿಯನ್ ಪ್ರಧಾನಿ ಎಡಿ ರಾಮಾ ಹೇಳಿದ್ದಾರೆ.

ಕಳೆದ ಮೇ ತಿಂಗಳಿನಲ್ಲಿ ನಡೆದ ಚುನಾವಣಾ ಗೆಲುವಿನ ನಂತರ ತಮ್ಮ ಸಮಾಜವಾದಿ ಪಕ್ಷದ ಸಭೆಯಲ್ಲಿ ತಮ್ಮ ಹೊಸ ಸಂಪುಟವನ್ನು ಪ್ರಸ್ತುತಪಡಿಸಿದ ರಾಮ, ಡೈಯೆಲ್ಲಾ ಸಾರ್ವಜನಿಕ ಟೆಂಡರ್‌ಗಳನ್ನು ಮೇಲ್ವಿಚಾರಣೆ ಮಾಡಲಿದ್ದಾರೆ ಎಂದು ಹೇಳಿದರು. ಆಕೆಯ ಕೃತಕ ಬುದ್ಧಿಮತ್ತೆಯು ತಮ್ಮ ಸರ್ಕಾರವನ್ನು “ಭ್ರಷ್ಟಾಚಾರ ಮುಕ್ತ”ಗೊಳಿಸುತ್ತದೆ ಎಂದು ಭರವಸೆ ನೀಡಿದರು.

ಇದನ್ನೂ ಓದಿ:ವಿಚಿತ್ರ ಡಬ್ಬಲ್ ವೀಕ್ನೆಸ್ ಮರ್ಡರ್: ಮದ್ಯಕ್ಕಾಗಿ ಬೇಡಿಕೆ ಇಟ್ಟ ಪ್ರಿಯತಮೆಯನ್ನು ಕೊಚ್ಚಿ ಕೊಂದ ಪ್ರಿಯಕರ

ಅಲ್ಬೇನಿಯಾದ ಭ್ರಷ್ಟಾಚಾರ ಸಮಸ್ಯೆ
ಸಾರ್ವಜನಿಕ ಟೆಂಡರ್‌ಗಳನ್ನು ನೀಡುವುದು ಅಲ್ಬೇನಿಯಾದಲ್ಲಿ ಭ್ರಷ್ಟಾಚಾರ ಹಗರಣಗಳಿಗೆ ಬಹಳ ಹಿಂದಿನಿಂದಲೂ ಒಂದು ಮೂಲವಾಗಿದೆ. 2.8 ಮಿಲಿಯನ್ ಜನರಿರುವ ಬಾಲ್ಕನ್ ರಾಷ್ಟ್ರವಾದ ಅಲ್ಬೇನಿಯಾದಲ್ಲಿ ಪ್ರಪಂಚದಾದ್ಯಂತ ಮಾದಕವಸ್ತು ಮತ್ತು ಶಸ್ತ್ರಾಸ್ತ್ರಗಳ ಕಳ್ಳಸಾಗಣೆಯಿಂದ ತಮ್ಮ ಹಣವನ್ನು ಅಕ್ರಮವಾಗಿ ವರ್ಗಾಯಿಸಲು ಪ್ರಯತ್ನಿಸುವ ಗ್ಯಾಂಗ್‌ಗಳ ಕೇಂದ್ರವಾಗಿದೆ ಎಂದು ತಜ್ಞರು ಹೇಳುತ್ತಾರೆ.