ಆದಾಯ ತೆರಿಗೆ ಸಲ್ಲಿಕೆಗೆ ಸೆಪ್ಟೆಂಬರ್ 15 ಅಂತಿಮ ಗಡುವು: ಈ ದಿನಾಂಕ ಮುಂದೂಡಲ್ಪಡುತ್ತಾ?

ನವದೆಹಲಿ: ಸರ್ಕಾರ ಐಟಿಆರ್ ಅವೈ 2025-26 ಗಡುವನ್ನು ವಿಸ್ತರಿಸಿದೆ, ಕಾರಣ ಇಲ್ಲಿಯವರೆಗೆ ಕೇವಲ 4.56 ಕೋಟಿ ರಿಟರ್ನ್‌ಗಳನ್ನು ಸಲ್ಲಿಸಲಾಗಿದೆ. ದೇಶದಲ್ಲಿ ಇಲ್ಲಿಯತನಕ 4.56 ಕೋಟಿಗೂ ಹೆಚ್ಚು ಜನರು ಐಟಿಆರ್ ಸಲ್ಲಿಸಿದ್ದಾರೆ. ಅದರಲ್ಲಿ 4.33 ಕೋಟಿಗೂ ಹೆಚ್ಚು ಜನರು ತಮ್ಮ ಐಟಿ ರಿಟರ್ನ್‌ಗಳನ್ನು ಇ-ಪರಿಶೀಲಿಸಿದ್ದಾರೆ. ಅಂದರೆ, ಹೆಚ್ಚಿನ ಸಂಖ್ಯೆಯ ಇಂಕಮ್ ಟ್ಯಾಕ್ಸ್ ದಾತರು ಇನ್ನೂ ತಮ್ಮ ಮರುಪಾವತಿ ಮತ್ತು ಪ್ರಕ್ರಿಯೆಗಾಗಿ ಕಾಯುತ್ತಿದ್ದಾರೆ.

ಇದೀಗ ಸರ್ಕಾರ ITR AY 2025-26 ಗಡುವನ್ನು ವಿಸ್ತರಿಸಿದ್ದು, ಆದಾಯ ತೆರಿಗೆ ಇಲಾಖೆಯು 2024-25ರ ಹಣಕಾಸು ವರ್ಷದ (ಮೌಲ್ಯಮಾಪನ ವರ್ಷ 2025-26) ಆದಾಯ ತೆರಿಗೆ ರಿಟರ್ನ್ (ITR) ಸಲ್ಲಿಸಲು ಕೊನೆಯ ದಿನಾಂಕವನ್ನು ಈ ವರ್ಷದ ಮೇ ತಿಂಗಳಲ್ಲಿ ಸೆಪ್ಟೆಂಬರ್ 15, 2025ಕ್ಕೆ ವಿಸ್ತರಿಸಿದೆ. ತೆರಿಗೆ ರಿಟರ್ನ್ ಸಲ್ಲಿಕೆಯ ವೇಗವು ಆದಾಯ ತೆರಿಗೆ ಇಲಾಖೆ ನಿರೀಕ್ಷಿಸಿದಷ್ಟು ಆಗಿಲ್ಲ ಎಂದು ಅಂಕಿಅಂಶಗಳು ತೋರಿಸುತ್ತಿವೆ.

ಇಲ್ಲಿಯವರೆಗೆ ಎಷ್ಟು ITR ಗಳನ್ನು ಸಲ್ಲಿಕೆ?

ಸೆಪ್ಟೆಂಬರ್ 4, 2025 ರ ಹೊತ್ತಿಗೆ, ಲಭ್ಯವಿರುವ ದತ್ತಾಂಶವು 4.56 ಕೋಟಿಗೂ ಹೆಚ್ಚು ಜನರು ತಮ್ಮ ಐಟಿಆರ್‌ಗಳನ್ನು ಸಲ್ಲಿಸಿದ್ದಾರೆ ಎಂದು ಸೂಚಿಸುತ್ತದೆ. ಅದರಲ್ಲಿ 4.33 ಕೋಟಿಗೂ ಹೆಚ್ಚು ಜನರು ತಮ್ಮ ರಿಟರ್ನ್‌ಗಳನ್ನು ಇ-ಪರಿಶೀಲಿಸಿದ್ದಾರೆ. ಇಲಾಖೆಯು ಇಲ್ಲಿಯವರೆಗೆ ಸುಮಾರು 3.17 ಕೋಟಿ ಐಟಿಆರ್‌ಗಳನ್ನು ಪ್ರಕ್ರಿಯೆಗೊಳಿಸಿದೆ. 3 ಕೋಟಿಗೂ ಹೆಚ್ಚು ಆದಾಯ ತೆರಿಗೆ ರಿಟರ್ನ್ ಫೈಲರ್‌ಗಳು ಉಳಿದ 11 ದಿನಗಳಲ್ಲಿ ತಮ್ಮ ಐಟಿಆರ್ ಅನ್ನು ಸಲ್ಲಿಸಲು ಸಜ್ಜಾಗಬೇಕು.

ಕಳೆದ ವರ್ಷ ಜುಲೈ 31, 2024ರ ಹೊತ್ತಿಗೆ, AY 2024-25 ಗಾಗಿ 7.28 ಕೋಟಿ ಆದಾಯ ತೆರಿಗೆ ರಿಟರ್ನ್‌ಗಳನ್ನು ಸಲ್ಲಿಸಲಾಗಿತ್ತು. ಜುಲೈ 31, 2024 ರಂದು ಒಂದೇ ದಿನದಲ್ಲಿ ಸುಮಾರು 70 ಲಕ್ಷ ಐಟಿಆರ್‌ಗಳನ್ನು ಸಲ್ಲಿಸಲಾಗಿತ್ತು.

ಸೆಪ್ಟೆಂಬರ್ 15 ರೊಳಗೆ ಯಾರೆಲ್ಲ ITRನ್ನು ಸಲ್ಲಿಸಬೇಕು?

2025-26 ನೇ ಸಾಲಿನ ITR ಸಲ್ಲಿಸಬೇಕಾದ ದಿನಾಂಕ ಸೆಪ್ಟೆಂಬರ್ 15,. ಆದರೆ ಈ ದಿನಾoಕವು ಎಲ್ಲರಿಗೂ ಅಲ್ಲ. ಈ ಗಡುವು, ತಮ್ಮ ಖಾತೆಗಳನ್ನು ಲೆಕ್ಕಪರಿಶೋಧನೆಗೆ ಒಳಪಡಿಸದವರಿಗೆ ಮಾತ್ರ. ಹಿಂದಿನ ಹಣಕಾಸು ವರ್ಷದ ಆದಾಯ ರಿಟರ್ನ್‌ಗಳನ್ನು ಸಲ್ಲಿಸಲು ವಿವಿಧ ರೀತಿಯ ಮೌಲ್ಯಮಾಪಕರಿಗೆ ಆದಾಯ ತೆರಿಗೆ ಇಲಾಖೆ ಪ್ರತಿ ವರ್ಷ ವಿಭಿನ್ನ ದಿನಾಂಕಗಳನ್ನು ಬಿಡುಗಡೆ ಮಾಡುತ್ತದೆ.

ತಮ್ಮ ಖಾತೆಗಳನ್ನು ಲೆಕ್ಕಪರಿಶೋಧನೆ ಮಾಡಬೇಕಾದ ತೆರಿಗೆದಾರರು (ವ್ಯವಹಾರಗಳು ಮತ್ತು ವೃತ್ತಿಪರರು) ತಮ್ಮ ತೆರಿಗೆ ರಿಟರ್ನ್ ಸಲ್ಲಿಸಲು ಅಕ್ಟೋಬರ್ 31, 2025 ರವರೆಗೆ ಸಮಯವನ್ನು ಹೊಂದಿರುತ್ತಾರೆ.

ಸಕಾಲಕ್ಕೆ ಐಟಿಆರ್ ಸಲ್ಲಿಕೆ ಏಕೆ ಮುಖ್ಯ?

ನೀವು ಸೆಪ್ಟೆಂಬರ್ 15, 2025 ರೊಳಗೆ ರಿಟರ್ನ್ ಸಲ್ಲಿಸದಿದ್ದರೆ, ವಿಳಂಬ ಶುಲ್ಕ ಮತ್ತು ದಂಡವನ್ನು ಪಾವತಿಸಬೇಕಾಗುತ್ತದೆ. ಲೆಕ್ಕಪರಿಶೋಧನೆ ಮಾಡಬೇಕಾದ ತೆರಿಗೆದಾರರು ಈ ಗಡುವನ್ನು ತಪ್ಪಿಸಿಕೊಂಡರೆ, ಅವರು ಡಿಸೆಂಬರ್ 31, 2025 ರ ಮೊದಲು ವಿಳಂಬಿತ ಆದಾಯ ತೆರಿಗೆ ರಿಟರ್ನ್’ನ್ನು ಸಲ್ಲಿಸಬಹುದು. ಆದರೆ ಅದಕ್ಕಾಗಿ ರೂ. 5,000 ವರೆಗಿನ ದಂಡ ಪಾವತಿ ಮಾಡಬೇಕಿರುತ್ತದೆ. ದಂಡದ ಜೊತೆಗೆ, ಬಾಕಿ ಇರುವ ತೆರಿಗೆಯ ಮೇಲಿನ ಬಡ್ಡಿಯನ್ನು ಸಹ ಪಾವತಿಸಬೇಕಾಗುತ್ತದೆ. ಆದ್ದರಿಂದ ನಿಮ್ಮ ಪ್ರಕರಣದಲ್ಲಿ ತೆರಿಗೆ ಬಾಕಿ ಇದ್ದರೆ, ನೀವು ಪ್ರತಿ ತಿಂಗಳು ಅದರ ಮೇಲೆ 1% ಬಡ್ಡಿಯನ್ನು ಪಾವತಿಸಬೇಕಾಗುತ್ತದೆ.

ಇದನ್ನೂ ಓದಿ:C M Siddaramaiah: ದಸರಾ ಉದ್ಘಾಟನೆ ವಿವಾದ: ಕೋರ್ಟ್‌ನಲ್ಲೇ ಪ್ರತಾಪ್‌ಗೆ ಉತ್ತರ ನೀಡುತ್ತೇವೆ: ಸಿಎಂ

ರಿಟರ್ನ್ ಸಲ್ಲಿಸುವ ಗಡು ಮತ್ತೊಂದು ವಿಸ್ತರಣೆ?

ಸರ್ಕಾರವು ಈ ಹಿಂದೆ ಇದ್ದ ಜುಲೈ 31 ರ ಗಡುವನ್ನು ಸೆಪ್ಟೆಂಬರ್ 15 ತನಕ ಅಂತಿಮ ದಿನಾಂಕವನ್ನು ವಿಸ್ತರಿಸಿದೆ. ಈಗ, ಆದಾಯ ತೆರಿಗೆ ಇಲಾಖೆಯು ದಿನಾಂಕವನ್ನು ಮತ್ತಷ್ಟು ವಿಸ್ತರಿಸಲು ನಿರ್ಧರಿಸುತ್ತದೆಯೇ ಎಂಬುದು ಮುಂದಿನ ಒಂದು ವಾರದಲ್ಲಿ ಐಟಿಆರ್ ಸಲ್ಲಿಸುವ ಅಂಕಿಅಂಶಗಳನ್ನು ಸಂಪೂರ್ಣವಾಗಿ ಅವಲಂಬಿಸಿರುತ್ತದೆ. ಹಾಗಾಗಿ, ಒಟ್ಟು ಐಟಿಆರ್ ಫೈಲಿಂಗ್‌ಗಳು ಕನಿಷ್ಠ ಕಳೆದ ವರ್ಷದ ಸಂಖ್ಯೆಗಳನ್ನು ತಲುಪಿದರೆ, ಅಂತಿಮ ದಿನಾಂಕದ ವಿಸ್ತರಣೆ ಆಗುವುದು ಅನುಮಾನ. ಹಾಗಾಗಿ ಸೆಪ್ಟೆಂಬರ್ 15 ರ ಒಳಗೆ ಐಟಿ ರಿಟರ್ನ್ ಮಾಡಿ ನಿರಾಳರಾಗಿ.