Tirupati Road: ತಿರುಪತಿಗೆ ರಸ್ತೆ ನಿರ್ಮಿಸಿದ್ದು ಕನ್ನಡಿಗರ ಎಂಬುದು ನಿಮಗೆ ಗೊತ್ತೇ? ಯಾರೆಂದು ಗೊತ್ತಾದ್ರೆ ನಿಜಕ್ಕೂ ಹೆಮ್ಮೆ ಎನಿಸುತ್ತೆ!!

Tirupati Road: ಹಿಂದೂಗಳ ಅತಿ ಪವಿತ್ರ ಸ್ಥಳ ಹಾಗೂ ವಿಶ್ವವಿಖ್ಯಾತಿ ಪಡೆದಿರುವ ತಿರುಪತಿ ತಿಮ್ಮಪ್ಪನ ಮಹಿಮೆ ಎಲ್ಲರಿಗೂ ತಿಳಿದಿದೆ. ಇಲ್ಲಿಗೆ ದಿನನಿತ್ಯವೂ ಲಕ್ಷಾಂತರ ಭಕ್ತರು ಆಗಮಿಸಿ ಶ್ರೀವಾರಿಯ ಕೃಪೆಗೆ ಪಾತ್ರರಾಗುತ್ತಾರೆ. ಅಂದ ಹಾಗೆ ತಿರುಮಲೇಶ್ವರನು ನೆಲೆಸಿರುವುದು ತಿರುಮಲ ಬೆಟ್ಟದಲ್ಲಿ. ಇಲ್ಲಿಗೆ ಹೋಗಲು ಮೆಟ್ಟಿಲುಗಳ ವ್ಯವಸ್ಥೆ ಇದೆ. ಅಲ್ಲದೆ ಬಸ್ಸು ಅಥವಾ ವಾಹನಗಳ ಮೂಲಕ ಹೋಗಲು ರಸ್ತೆ ವ್ಯವಸ್ಥೆ ಕೂಡ ಇದೆ. ಆದರೆ ಈ ರಸ್ತೆ ಹೇಗೆ ಅಸ್ತಿತ್ವಕ್ಕೆ ಬಂದಿತು? ಇದನ್ನು ನಿರ್ಮಿಸಿದ್ದು ಒಬ್ಬರು ಕನ್ನಡಿಗರು ಎಂಬುದು ನಿಮಗೆ ಗೊತ್ತಾ?

ಹೌದು, ತಿರುಮಲ ಬೆಟ್ಟವನ್ನು ಏರಲು ಕಡಿದಾದ ಬೆಟ್ಟವನ್ನು ಕೊರೆದು ಬೃಹತ್ ರಸ್ತೆಯನ್ನು ನಿರ್ಮಿಸಲಾಗಿದೆ ಈ ಬೃಹತ್ ರಸ್ತೆಯ ನಿರ್ಮಾಣ ಯೋಜನೆಯನ್ನು 1943-44 ರಲ್ಲಿ ಪ್ರಾರಂಭಿಸಲಾಯಿತು. ಈ ರಸ್ತೆಯನ್ನು ವಿನ್ಯಾಸಗೊಳಿಸುವ ಮೊದಲು ಅರಣ್ಯವನ್ನು ತೆರವುಗೊಳಿಸುವುದು, ನಕ್ಷೆ ತಯಾರಿಸುವುದು ಮತ್ತು ವಿನ್ಯಾಸಗೊಳಿಸುವುದು ಮುಂತಾದ ಹಲವು ಸವಾಲುಗಳನ್ನು ಎದುರಿಸಬೇಕಾಯಿತು.

ಅಂದಹಾಗೆ ಈ ರಸ್ತೆ ನಿರ್ಮಾಣಕ್ಕೆ ಮ್ಯಾಪ್ ಸಿದ್ದಪಡಿಸಿದವರು ಬೇರೆ ಯಾರೂ ಅಲ್ಲ, ಕರ್ನಾಟಕದ ಪ್ರಸಿದ್ಧ ವಿಜ್ಞಾನಿ ಭಾರತ ರತ್ನ ಮೋಕ್ಷಗುಂಡಂ ವಿಶ್ವೇಶ್ವರಯ್ಯನವರು. ಆರಂಭದಲ್ಲಿ, ಘಾಟ್ ರಸ್ತೆಯನ್ನು ಅಂದಿನ ಮದ್ರಾಸ್ ಗವರ್ನರ್ ಆರ್ಥರ್ ಹೋಪ್ ಉದ್ಘಾಟಿಸಿದರು. ಅವರ ನೇತೃತ್ವದಲ್ಲಿ, ಸಾಕಷ್ಟು ಪ್ರಯತ್ನದ ಬಳಿಕ ಆರ್ಥಿಕ ವೆಚ್ಚ ಮತ್ತು ಸಹಾಯಕ ಸಿಬ್ಬಂದಿಯ ಸಹಾಯದಿಂದ ಈ ಘಾಟ್ ರಸ್ತೆ 1945 ರ ವೇಳೆಗೆ ಪೂರ್ಣಗೊಂಡಿತು.

ನಂತರ ಅಸ್ತಿತ್ವದಲ್ಲಿರುವ ಘಾಟ್ ರಸ್ತೆಯನ್ನು ಗಮನದಲ್ಲಿಟ್ಟುಕೊಂಡು, ಭಕ್ತರ ಸಂಖ್ಯೆ ಹೆಚ್ಚಾದಂತೆ ಕಾಲಾನಂತರದಲ್ಲಿ ಮತ್ತೊಂದು ಘಾಟ್ ರಸ್ತೆಯನ್ನು ನಿರ್ಮಿಸಲಾಯಿತು. ಪ್ರಸ್ತುತ, ಎರಡು ಘಾಟ್ ರಸ್ತೆಗಳಿವೆ. ಅಪ್ ಘಾಟ್ ರಸ್ತೆ, ಇದು ತಿರುಪತಿಯಿಂದ ತಿರುಮಲಕ್ಕೆ ಹೋಗುವ ರಸ್ತೆ. ಡೌನ್ ಘಾಟ್ ರಸ್ತೆ, ಇದು ತಿರುಮಲದಿಂದ ತಿರುಪತಿಗೆ ಹೋಗುವ ರಸ್ತೆ. ಈ ರಸ್ತೆಗಳು ಕೇವಲ ಪ್ರಯಾಣ ಮಾರ್ಗ ಮಾತ್ರವಾಗಿಲ್ಲ, ಬದಲಾಗಿ ಇದು ಪ್ರಕೃತಿಯ ಸೌಂದರ್ಯವನ್ನು ಆನಂದಿಸುತ್ತಾ ಭಕ್ತರು ಭಕ್ತಿಯನ್ನು ಪಡೆಯಲು ಪ್ರಯಾಣಿಸುವ ಮಾರ್ಗವಾಗಿದೆ. ಘಾಟ್ ರಸ್ತೆಗಳನ್ನು ಮೊದಲು ತಿರುಮಲದಿಂದ ತಿರುಪತಿಗೆ ಮತ್ತು ನಂತರ ತಿರುಪತಿಯಿಂದ ತಿರುಮಲಕ್ಕೆ ನಿರ್ಮಿಸಲಾಯಿತು.

ಇದನ್ನೂ ಓದಿ: Chakravarthi Sulibele: ಖರ್ಗೆ ವಿರುದ್ಧ ಅವಹೇಳನಕಾರಿ ಹೇಳಿಕೆ: ಸೂಲಿಬೆಲೆ ವಿರುದ್ಧ ದಾಖಲಾದ ಕೇಸ್‌ ರದ್ದು