Lottary Ticket: ಅದೃಷ್ಟ ಅಂದರೆ ಇದು ನೋಡಿ! ₹6ಗೆ ಖರೀದಿಸಿದ ಲಾಟರಿ ಟಿಕೆಟ್ನಿಂದ ₹1 ಕೋಟಿ ಗೆದ್ದ ಪಂಜಾಬ್ನ ಕೂಲಿ ಕಾರ್ಮಿಕ
Lottery Ticket: ಪಂಜಾಬ್ನ ಮೋಗಾ ಜಿಲ್ಲೆಯ ದಿನಗೂಲಿ ಕೂಲಿ ಕಾರ್ಮಿಕ ಜಸ್ಟ್ರೇಲ್ ಸಿಂಗ್, ₹6ಗೆ ಲಾಟರಿ ಟಿಕೆಟ್ ಖರೀದಿಸಿ ₹1 ಕೋಟಿ ಗೆದ್ದು, ರಾತ್ರೋ ರಾತ್ರಿ ಕೋಟ್ಯಾಧಿಪತಿ ಆಗಿದ್ದಾರೆ. ದೇವಸ್ಥಾನದಿಂದ ಹಿಂತಿರುಗುವಾಗ ಜಸ್ಟ್ರೇಲ್ ಟಿಕೆಟ್ ಖರೀದಿಸಿದ್ದು, ಕೆಲವು ಗಂಟೆಗಳ ನಂತರ, ಸಂಘಟಕರು ಕರೆ ಮಾಡಿ ಅವರು ಲಾಟರಿ ಗೆದ್ದಿದ್ದಾರೆ ಎಂದು ಹೇಳಿದ್ದರು.
‘ನಿಮ್ಮ ಸಂಖ್ಯೆಯನ್ನು ಪರಿಶೀಲಿಸಿ, ನೀವು ₹1 ಕೋಟಿ ಗೆದ್ದಿದ್ದೀರಿ’ ಎಂದು ಕರೆ ಮಾಡಿ ಹೇಳಿದರು. ನನಗೆ ನಂಬಲು ಸಾಧ್ಯವಾಗಲಿಲ್ಲ,” ಎಂದು ಜೀವನವನ್ನು ಬದಲಾಯಿಸುವ ಸುದ್ದಿಯಿಂದ ಇನ್ನೂ ಅಪನಂಬಿಕೆಯಲ್ಲಿರುವ ಜಸ್ಟ್ರೇಲ್ ಹೇಳಿದರು. ಅವರ 50E42140 ಸಂಖ್ಯೆಯ ವಿಜೇತ ಟಿಕೆಟ್ ಅನ್ನು ಈ ವಾರದ ಆರಂಭದಲ್ಲಿ ಡ್ರಾ ಮಾಡಲಾಯಿತು, ಮಧ್ಯಾಹ್ನ 1 ಗಂಟೆಯ ಸುಮಾರಿಗೆ ಫಲಿತಾಂಶವನ್ನು ಘೋಷಿಸಲಾಯಿತು.
ಅವರ ಹಳ್ಳಿಯಲ್ಲಿ, ಈ ಸಂಭ್ರಮವನ್ನು ಜನರೆಲ್ಲಾ ಹಬ್ಬದ ರೀತಿಯಲ್ಲಿ ಆಚರಣೆ ಮಾಡುತ್ತಿದ್ದಾರೆ. ಜಸ್ಟ್ರೇಲ್ ಮತ್ತು ಅವರ ಕುಟುಂಬವು ಸಿಹಿತಿಂಡಿಗಳನ್ನು ವಿತರಿಸುತ್ತಾ, ಡೋಲ್ ಬಾರಿಸುತ್ತಾ ಮತ್ತು ಬೀದಿಗಳಲ್ಲಿ ನೃತ್ಯ ಮಾಡುತ್ತಿದ್ದಂತೆ ಸ್ಥಳೀಯರು ಸೇರಿಕೊಂಡಿದ್ದಾರೆ. ಈ ಹಣವನ್ನು ತನ್ನ ₹25 ಲಕ್ಷ ಸಾಲ ತೀರಿಸಲು ಮತ್ತು ಉಳಿದ ಹಣವನ್ನು ತನ್ನ ಮಕ್ಕಳ ಭವಿಷ್ಯಕ್ಕಾಗಿ ಉಳಿಸಲು ಹಣವನ್ನು ಬಳಸುವುದಾಗಿ ಮೂರು ಮಕ್ಕಳ ತಂದೆಯಾಗಿರುವ ಜಸ್ಟ್ರೇಲ್ ಹೇಳಿದರು.
ಅವರ ಪತ್ನಿ ವೀರ್ಪಾಲ್ ಕೌರ್ ಕೂಡ ಇದೇ ರೀತಿಯ ಭಾವನೆಯನ್ನು ವ್ಯಕ್ತಪಡಿಸಿದರು: “ನಾವು ಈ ದಿನವನ್ನು ಎಂದಿಗೂ ಊಹಿಸಿರಲಿಲ್ಲ. ನಾವು ತುಂಬಾ ಸಂತೋಷವಾಗಿದ್ದೇವೆ. ಈಗ ನಾವು ಅಂತಿಮವಾಗಿ ನಮ್ಮ ಮಕ್ಕಳಿಗೆ ಅವರಿಗೆ ಬೇಕಾದಂತ ಜೀವನವನ್ನು ಒದಗಿಸಬಹುದು.
ಸ್ಥಳೀಯ ಅಂಗಡಿಯವರ ಮಾಹಿತಿ ಪ್ರಕಾರ, ಈ ಗೆಲುವು ಫಿರೋಜ್ಪುರ ಜಿಲ್ಲೆಯಲ್ಲಿ ಈವರೆಗೆ ನಾಲಕು ಮಂದಿ ರಾಜ್ಯ ಲಾಟರಿಯ ಗೆಲ್ಲುವ ಮೂಲಕ ಕೋಟ್ಯಾಧಿಪತಿಯಾಗಿದ್ದಾರೆ. ಜಿರಾ ಮೂಲದ ಲಾಟರಿ ಏಜೆಂಟ್ ಪರ್ವಿಂದರ್ ಪಾಲ್ ಸಿಂಗ್ ಅವರ ಅಂಗಡಿಯಲ್ಲಿ ವಿಜೇತ ಈ ಟಿಕೆಟ್ ಮಾರಾಟ ಮಾಡಲಾಗಿದೆ ಎಂದು ಹೇಳಿದರು.
Comments are closed.