Maternal mortality: ತೆಲಂಗಾಣ, ಆಂಧ್ರಪ್ರದೇಶಗಳಲ್ಲಿ ತಾಯಂದಿರ ಮರಣ ಅನುಪಾತ ಏರಿಕೆ – ಹಾಗಾದರೆ ಕರ್ನಾಟಕದಲ್ಲಿ ಹೇಗಿದೆ?

Maternal mortality: 2019-21 ಮತ್ತು 2020-22ರ ನಡುವೆ ತೆಲಂಗಾಣ ಮತ್ತು ಆಂಧ್ರಪ್ರದೇಶದಲ್ಲಿ ತಾಯಂದಿರ ಮರಣ ಪ್ರಮಾಣ ಏರಿಕೆಯಾಗಿದ್ದು, ಇದು ತಾಯಿಯ ಆರೋಗ್ಯ ರಕ್ಷಣೆಯಲ್ಲಿ ಹಿನ್ನಡೆಯನ್ನು ಸೂಚಿಸಿದೆ. ತೆಲಂಗಾಣವು ತನ್ನ ತಾಯಂದಿರ ಮರಣ ಅನುಪಾತದಲ್ಲಿ (MMR) ಶೇಕಡಾ 11.1ರಷ್ಟು ಹೆಚ್ಚಳವನ್ನು ಕಂಡರೆ, ಆಂಧ್ರಪ್ರದೇಶವು MMR ನಲ್ಲಿ 46 ರಿಂದ 47ಕ್ಕೆ ಏರಿಕೆಯನ್ನು ದಾಖಲಿಸಿದ್ದು, ಇದು ಶೇಕಡಾ 2.2ರಷ್ಟು ಏರಿಕೆಯಾಗಿದೆ.

ಇದು ತೆಲಂಗಾಣದಲ್ಲಿ 2019–21ರಲ್ಲಿ 1,00,000 ಜೀವಂತ ಜನನಗಳಿಗೆ 45 ಸಾವುಗಳಿಂದ 2020–22ರಲ್ಲಿ 50 ಕ್ಕೆ ಏರಿದೆ. ಇದಕ್ಕೆ COVID-19 ಸಾಂಕ್ರಾಮಿಕ ರೋಗ ಈ ಹೆಚ್ಚಳಕ್ಕೆ ಒಂದು ಕಾರಣ ಎಂಬುದು ಹೇಳಲಾಗುತ್ತಿದೆ.

ಎರಡು ತೆಲುಗು ರಾಜ್ಯಗಳಲ್ಲಿನ ಹಿನ್ನಡೆಗಳ ಹೊರತಾಗಿಯೂ, ದಕ್ಷಿಣ ಭಾರತವು ದೇಶದಲ್ಲೇ ಅತ್ಯಂತ ಕಡಿಮೆ MMR ಅನ್ನು ವರದಿ ಮಾಡುತ್ತಲೇ ಇದೆ – 2020–22ರಲ್ಲಿ 1,00,000 ಜೀವಂತ ಜನನಗಳಿಗೆ 42 ಸಾವುಗಳು – ಇದು ರಾಷ್ಟ್ರೀಯ ಸರಾಸರಿ 88 ಕ್ಕಿಂತ ಕಡಿಮೆ.

ತಮಿಳುನಾಡು MMR ನಲ್ಲಿ 22.4 ಪ್ರತಿಶತದಷ್ಟು ಕಡಿತವನ್ನು ಸಾಧಿಸಿದೆ – 1,00,000 ಜೀವಂತ ಜನನಗಳಿಗೆ 49 ರಿಂದ 38 ಸಾವುಗಳು ಕಂಡು ಬಂದಿದೆ. ಕೇರಳವು ಅತ್ಯುತ್ತಮ ಪ್ರದರ್ಶನ ನೀಡುವ ರಾಜ್ಯವಾಗಿ ತನ್ನ ಸ್ಥಾನವನ್ನು ಉಳಿಸಿಕೊಂಡಿದೆ, ಅದರ MMR 20 ರಿಂದ 18 ಕ್ಕೆ ಇಳಿದಿದೆ, ಇದು ಶೇಕಡಾ 10 ರಷ್ಟು ಸುಧಾರಣೆಯಾಗಿದೆ. ನಿರಂತರ ಆರೋಗ್ಯ ರಕ್ಷಣೆ ಪ್ರಯತ್ನಗಳ ಮೂಲಕ ಏಕ-ಅಂಕಿಯ ತಾಯಂದಿರ ಮರಣವನ್ನು ಸಾಧಿಸಬಹುದು ಎಂದು ರಾಜ್ಯವು ತೋರಿಸುತ್ತಲೇ ಇದೆ.

ಕರ್ನಾಟಕ ಕೂಡ ಸ್ಥಿರವಾದ ಪ್ರಗತಿಯನ್ನು ತೋರಿಸಿದೆ, MMR 63 ರಿಂದ 58 ಕ್ಕೆ ಇಳಿದಿದೆ – ಇದು ಶೇಕಡ 7.9 ರಷ್ಟು ಸುಧಾರಣೆಯಾಗಿದ್ದು, ಇದು ತಾಯಂದಿರ ಮರಣದಲ್ಲಿ ಇಳಿಮುಖ ಪ್ರವೃತ್ತಿಯನ್ನು ಮುಂದುವರೆಸಿದೆ.

ಇದನ್ನೂ ಓದಿ: Sensex: ವಹಿವಾಟಿನ ಆರಂಭದಲ್ಲಿ ಸೆನ್ಸೆಕ್ಸ್ 700 ಅಂಕಗಳ ಕುಸಿತ – 25,000ಕ್ಕಿಂತ ಕೆಳಕ್ಕಿಳಿದ ನಿಫ್ಟಿ