Bengaluru Stampede: ಕಾಲ್ತುಳಿತ: ‘ಉಚಿತ ಟಿಕೆಟ್’ ವದಂತಿಯೇ ಈ ಅವ್ಯವಸ್ಥೆಗೆ ಕಾರಣ! ಉಚಿತ ಟಿಕೆಟ್ ಮಾಹಿತಿ ನೀಡಿದ್ದು ಯಾರು ಗೊತ್ತಾ? 

Bengaluru Stampede: ಜನಸಂದಣಿಯ ನಿರ್ವಹಣೆ ನಿರ್ಣಾಯಕ ಪಾತ್ರ ವಹಿಸಿದ್ದರೂ, ತಪ್ಪು ಮಾಹಿತಿಯು ಅಷ್ಟೇ ಮಾರಕವೆಂದು ನಿನ್ನೆ ನಡೆದ ಘಟನೆಯಲ್ಲಿ ಸಾಬೀತಾಗಿದೆ. ಉಚಿತ ಟಿಕೆಟ್ ವಿತರಣೆಯ ವದಂತಿಯು ಅಭಿಮಾನಿಗಳಲ್ಲಿ ಹತಾಶೆಯನ್ನು ಹುಟ್ಟುಹಾಕಿತು. ಸಂಭ್ರಮಾಚರಣೆ ಸುದ್ದಿ ತಿಳಿಯುತ್ತಿದ್ದಂತೆ ಅಭಿಮಾನಿಗಳ ದಂಡು ಚಿನ್ನಸ್ವಾಮಿ ಮೈದಾನದತ್ತ ದಾವಿಸಿದೆ. ಅನೇಕರು ಉರಿಯುತ್ತಿರುವ ಬಿಸಿಲಿನಲ್ಲಿ ಗಂಟೆಗಟ್ಟಲೆ ಕಾದು ಸುಸ್ತಾಗಿದ್ದರು.

ಗೇಟ್ ಸಂಖ್ಯೆ 7 ರಲ್ಲಿ ಏನಾಯಿತು?

ಗೇಟ್ ಸಂಖ್ಯೆ 7 ರಲ್ಲಿ ಅವ್ಯವಸ್ಥೆ ಭುಗಿಲೆದ್ದಿತು – ಇದು ಕ್ರೀಡಾಂಗಣದ ಮುಖ್ಯ ಪ್ರವೇಶದ್ವಾರದ ಬಳಿ ಇದೆ. ಈ ಗೇಟ್ ಸಾವಿನ ಬಲೆಯಾಗಿ ಪರಿಣಮಿಸಿದ್ದು, ಅಲ್ಲಿ ಉಚಿತ ಟಿಕೆಟ್‌ಗಳನ್ನು ವಿತರಿಸಲಾಗುತ್ತಿದೆ ಎಂಬ ವದಂತಿಯಾಗಿದೆ. ಪಿಟಿಐ ಪ್ರಕಾರ, ತಪ್ಪು ಮಾಹಿತಿಯು ತ್ವರಿತವಾಗಿ ನೂರಾರು ಜನರನ್ನು ಆ ಗೇಟ್‌ನತ್ತ ಮುನ್ನುಗ್ಗುವಂತೆ ಮಾಡಿದೆ. ತೀರಾ ಕಡಿಮೆ ಜನರಿಗೆ ವಿನ್ಯಾಸಗೊಳಿಸಲಾದ ಈ ಗೇಟ್ ಕೆಲವೇ ನಿಮಿಷದಲ್ಲಿ ಸಂದಣಿಯಿಂದ ತುಂಬಿ ಹೋಯ್ತು.

“ಜನರು ಸಂಪೂರ್ಣವಾಗಿ ನಿಯಂತ್ರಣ ಕಳೆದುಕೊಂಡರು” ಎಂದು ಅವ್ಯವಸ್ಥೆಯಲ್ಲಿ ಸಿಲುಕಿದ ರಾಜಾಜಿನಗರ ನಿವಾಸಿ ಅಚಿಮಾನ್ಯ ಹೇಳಿದರು. “ಪೊಲೀಸರು ಕಬ್ಬನ್ ಪಾರ್ಕ್ ಮೂಲಕ ಬೇರೆಡೆಗೆ ಹೋಗಲು ನಮ್ಮನ್ನು ಹೇಳಿದರು, ಆದರೆ ಆ ಹೊತ್ತಿಗೆ, ಭಯಭೀತರಾಗಿದ್ದರು. ಜನರು ಎಲ್ಲಾ ದಿಕ್ಕುಗಳಲ್ಲಿಯೂ ಓಡುತ್ತಿದ್ದರು – ರಿಚ್ಮಂಡ್ ವೃತ್ತ, ಅನಿಲ್ ಕುಂಬ್ಳೆ ವೃತ್ತದ ಕಡೆಗೆ ಓಡಿದರು. ಆದರೆ ಅದಷ್ಟರಲ್ಲಾಗಲೇ ಅವಘಡ ಸಂಭವಿಸಿಯಾಗಿತ್ತು.”

ಬೆಳಿಗ್ಗೆ 11:56 ಕ್ಕೆ, ಬೆಂಗಳೂರು ಸಂಚಾರ ಪೊಲೀಸರು ವಿಜಯೋತ್ಸವ ಮೆರವಣಿಗೆ ಇರುವುದಿಲ್ಲ, ಕೇವಲ ಕ್ರೀಡಾಂಗಣದ ಸನ್ಮಾನ ಇರುತ್ತದೆ ಎಂದು ಹೇಳಿದರು. ಆದರೆ ಮಧ್ಯಾಹ್ನ 3:14 ರ ಹೊತ್ತಿಗೆ, ಆರ್‌ಸಿಬಿಯ ಅಧಿಕೃತ ಖಾತೆಯು ಪೋಸ್ಟ್ ಮಾಡಿದೆ: “ವಿಜಯ ಮೆರವಣಿಗೆಯ ನಂತರ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆಚರಣೆಗಳು ನಡೆಯಲಿವೆ… shop.royalchallengers.com ನಲ್ಲಿ ಉಚಿತ ಪಾಸ್‌ಗಳು ಲಭ್ಯವಿದೆ.”

ಈ ಗೊಂದಲವು ಸಾವಿರಾರು ಜನರನ್ನು ಆ ಪ್ರದೇಶದಲ್ಲಿ ಗುಂಪುಗೂಡಿಸಿತು – ಕೆಲವರು ಮಾನ್ಯ ಪಾಸ್‌ಗಳನ್ನು ಹೊಂದಿದ್ದರೆ, ಇನ್ನು ಕೆಲವರು ಉಚಿತ ಪಾಸ್‌ಗಳನ್ನು ಪಡೆಯುವ ಆಶಯದೊಂದಿಗೆ ಬಂದರೆ, ಹಲವರಿಗೆ, ಗೇಟ್ ಸಂಖ್ಯೆ 7 ಅವರ ಪ್ರವೇಶ ಬಿಂದುವಾಯಿತು – ಮತ್ತು ಅಂತಿಮವಾಗಿ, ದುರಂತದ ಕೇಂದ್ರಬಿಂದುವಾಯಿತು.

ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಐತಿಹಾಸಿಕ ಐಪಿಎಲ್ 2025 ಪ್ರಶಸ್ತಿಯ ಸಂಭ್ರಮಾಚರಣೆಯು ಬೆಂಗಳೂರಿನ ಕರಾಳ ಸಂಜೆಗಳಲ್ಲಿ ಒಂದಾಗಿ ಮಾರ್ಪಟ್ಟಿತು. ಬುಧವಾರ ಐಕಾನಿಕ್ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದ ಬಳಿ ಸಂಭವಿಸಿದ ಮಾರಕ ಕಾಲ್ತುಳಿತವು 11 ಜೀವಗಳನ್ನು ಬಲಿ ತೆಗೆದುಕೊಂಡಿತು ಮತ್ತು 40 ಕ್ಕೂ ಹೆಚ್ಚು ಜನರು ಗಾಯಗೊಂಡರು, ಇದು ಜನಸಂದಣಿ ನಿಯಂತ್ರಣ, ಯೋಜನೆ ಮತ್ತು ಸಂವಹನದಲ್ಲಿನ ಆಳವಾದ ವೈಫಲ್ಯಗಳನ್ನು ಬಹಿರಂಗಪಡಿಸಿತು.