Hot Water Effect: ಬಿಸಿ ನೀರಿನ ಸೇವನೆ ಕೊಬ್ಬಿನ ನಿಕ್ಷೇಪಗಳನ್ನು ಒಡೆಯಲು, ಸ್ನಾಯುಗಳನ್ನು ವಿಶ್ರಾಂತಿ ಮಾಡಲು ಮತ್ತು ರಕ್ತದ ಹರಿವನ್ನು ಹೆಚ್ಚಿಸಲು ದೇಹಕ್ಕೆ ಸಹಾಯ ಮಾಡುತ್ತದೆ. ಜೊತೆಗೆ, ರಕ್ತ ಪರಿಚಲನೆಯಲ್ಲಿನ ಹೆಚ್ಚಳವು ಚರ್ಮದ ಕೋಶಗಳನ್ನು ಸಂಪೂರ್ಣವಾಗಿ ಪೋಷಿಸುವಾಗ ಅವುಗಳನ್ನು ಪುನರುಜ್ಜೀವನಗೊಳಿಸಲು ಸಹಾಯ ಮಾಡುತ್ತದೆ. ಹಾಗೂ ಮೃದುವಾದ ಪಚನ, ಹೊಳೆಯುವ ಚರ್ಮ ಮತ್ತು ಆರೋಗ್ಯಕರ ಮೂತ್ರಪಿಂಡ ಸೇರಿದಂತೆ ಹಲವಾರು ಪ್ರಯೋಜನಗಳಿವೆ.
ಆದರೆ ಮಳೆಗಾಲ ಹಾಗೂ ಚಳಿಗಾಲದಲ್ಲಿ ಶರೀರ ಬೆಚ್ಚಗಾಗುತ್ತೆ ಅನ್ನೋ ಕಾರಣದಿಂದ ಬಿಸಿನೀರಿಗೆ ಆದ್ಯತೆ ನೀಡಲಾಗುತ್ತದೆ. ಇದರ ಹೊರತು ಬಿಸಿನೀರು ಕುಡಿಯುವ ಮುನ್ನ ಅದರಿಂದ ಆಗುವ ದುಷ್ಪರಿಣಾಮಗಳನ್ನೂ (hot water effect )ಪರಿಗಣಿಸಬೇಕು ಅನ್ನೋದು ತಜ್ಞರ ಅಭಿಪ್ರಾಯ. ಹೌದು, ಬಿಸಿನೀರು ಸೇವಿಸುವುದರಿಂದ ನಾನಾ ಪ್ರಯೋಜಗಳಿದೆಯಾದರೂ, ಅದನ್ನೇ ಹೆಚ್ಚು ಕುಡಿಯುತ್ತಿದ್ದರೆ ಹಲವು ನಕಾರತ್ಮಕ ಪರಿಣಾಮಗಳು ಉಂಟಾಗುವ ಸಾಧ್ಯತೆ ಇದೆ ಎಂದು ತಜ್ಞರು ಹೇಳಿದ್ದಾರೆ.
ಮೂತ್ರಪಿಂಡ ಹಾನಿ:
ಹೆಚ್ಚು ಬಿಸಿ ನೀರನ್ನ ಕುಡಿಯುವುದು ಮೂತ್ರಪಿಂಡಗಳ ಮೇಲೆ ಅನಗತ್ಯ ಒತ್ತಡವನ್ನು ಉಂಟುಮಾಡುತ್ತದೆ, ಅವುಗಳ ಕಾರ್ಯನಿರ್ವಹಣೆಗೆ ಅಡ್ಡಿಪಡಿಸುತ್ತದೆ. ಆದ್ದರಿಂದ ಬಿಸಿನೀರಿನ ಬದಲು ಸಾಮಾನ್ಯ ನೀರು ಕುಡಿಯುವುದೆ ಉತ್ತಮ.
ರಕ್ತದೊತ್ತಡದ ಮೇಲೆ ಪರಿಣಾಮ:
ಬಿಸಿನೀರು, ದೇಹದ ರಕ್ತದ ಪ್ರಮಾಣದಲ್ಲಿ ಹೆಚ್ಚಳಕ್ಕೆ ಕಾರಣವಾಗಬಹುದು. ಬಿಸಿನೀರು, ರಕ್ತ ಪರಿಚಲನೆ ಮತ್ತು ಒತ್ತಡವನ್ನು ವೇಗವಾಗಿ ವರ್ಧಿಸುತ್ತದೆ.
ಜೀರ್ಣಕ್ರಿಯೆ ತೊಂದರೆಗಳು:
ಹೊಟ್ಟೆ ಬೆಚ್ಚಗಾಗಬಾರದು ಎಂದು ನೀವು ಆಗಾಗ್ಗೆ ಕೇಳಿರಬಹುದು. ಬಿಸಿನೀರನ್ನು ಹೇರಳವಾಗಿ ಕುಡಿಯುವವರಲ್ಲಿ ಆಗಾಗ ಜೀರ್ಣಕ್ರಿಯೆ ತೊಂದರೆಗಳು ಕಾಣಿಸಿಕೊಳ್ಳುತ್ತವೆ. ಬಿಸಿ ನೀರು, ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ. ಅದರಲ್ಲು ಖಾಲಿ ಹೊಟ್ಟೆಯಲ್ಲಿ ಬಿಸಿನೀರು ತೆಗೆದುಕೊಂಡರೆ ಜಠರದುರಿ ತೊಂದರೆಗಳಿಗೆ ಕಾರಣವಾಗುತ್ತದೆ.
ನಿದ್ರೆಯಲ್ಲಿ ಅಸಮತೋಲನ:
ಬಿಸಿನೀರಿನ ಅತಿಯಾದ ಸೇವನೆಯು ನಿಮ್ಮ ನಿದ್ರೆಯಲ್ಲಿ ಅಸಮತೋಲನವನ್ನು ಉಂಟುಮಾಡುತ್ತದೆ. ಮಲಗುವ ಮುನ್ನ ಬಿಸಿನೀರು ಕುಡಿಯುವುದನ್ನು ತಪ್ಪಿಸಿ ಏಕೆಂದರೆ ಇದು ಆಗಾಗ್ಗೆ ಮೂತ್ರ ವಿಸರ್ಜನೆಯೊಂದಿಗೆ ನಿಮ್ಮ ನಿದ್ರೆಗೆ ಅಡ್ಡಿಪಡಿಸುತ್ತದೆ.
ಹೆಚ್ಚು ಮಾಲಿನ್ಯಕಾರಕಗಳನ್ನು ಹೊಂದಿರಬಹುದು:
ಬಿಸಿ ನೀರು ಕಲ್ಮಶಗಳನ್ನು ಹೊಂದಿರಬಹುದು. ಬಾಯ್ಲರ್ ಗಳಂತಹ ಬಿಸಿನೀರಿನ ವ್ಯವಸ್ಥೆಗಳು ಲೋಹದ ಭಾಗಗಳನ್ನು ಹೊಂದಿರುತ್ತವೆ. ಇವು ತಮ್ಮಲ್ಲಿರುವ ನೀರನ್ನು ತುಕ್ಕು ಮಾಡಿ ಕಲುಷಿತಗೊಳಿಸಬಹುದು.
ಧ್ವನಿ ಪೆಟ್ಟಿಗೆಗೆ ಹಾನಿ:
ಬಿಸಿನೀರು ಸೇರಿದಂತೆ ಅತಿಯಾದ ಬಿಸಿ ಆಹಾರಗಳ ಸೇವನೆಯಿಂದ ಲಾರಿಂಜಿಯಲ್ ಬರ್ನಿಂಗ್ ಇಂಜುರೀಸ್ ಅಥವಾ ಧ್ವನಿಪೆಟ್ಟಿಗೆಗಳಿಗೆ ಹಾನಿಯಾಗಬಹುದು.
ಇದನ್ನು ಓದಿ: Good News For Farmers: ಪಂಚ ರಾಜ್ಯ ಚುನಾವಣೆ ಎಫೆಕ್ಟ್, ರೈತರಿಗೆ ಸಿಗಲಿದೆ ಈ ಬಂಪರ್ ಗಿಫ್ಟ್