IBM Job Cut: 7,800 ಉದ್ಯೋಗಿಗಳನ್ನು ತೆಗೆಯಲು IBM ನಿರ್ಧಾರ, ಬದಲಿಗೆ ಕೃತಕ ಬುದ್ಧಿಮತ್ತೆಯನ್ನು ಬಳಸಲು ಮುಂದಾದ ಕಂಪನಿ !
IBM Job Cut: IBM ಕಂಪನಿಯು ಪ್ರಸ್ತುತ ಸುಮಾರು 2.6 ಲಕ್ಷ ಕೆಲಸಗಾರರನ್ನು ಹೊಂದಿದ್ದು ಸಾಫ್ಟ್ ವೇರ್ ಅಭಿವೃದ್ದಿ ಮತ್ತು ವ್ಯಾಪಾರಿ ಅಗತ್ಯಗಳಿಗಾಗಿ ತನ್ನ ದೈನಂದಿನ ಅಗತ್ಯಗಳಿಗಾಗಿ ನೇಮಕಾತಿಯನ್ನು ಮುಂದುವರೆಸಿದೆ. ಆದರೆ ಇದೀಗ ತನ್ನ 7,800 ಬ್ಯಾಕ್ ಎಂಡ್ ಸ್ಟಾಫ್ ಅನ್ನು ಹಂತಹಂತವಾಗಿ ತೆಗೆಯಲು(IBM Job Cut) ನಿರ್ಧರಿಸಿದೆ. ಆ ಉದ್ಯೋಗಿಗಳ ಬದಲಿಗೆ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಅನ್ನು ನೇಮಿಸಲು ಕಂಪನಿ ಯೋಜನೆ ಹಾಕಿಕೊಂಡಿದೆ. ಅಂದರೆ ಮನುಷ್ಯರ ಬದಲಿಗೆ ಯಂತ್ರಗಳನ್ನು ಬಳಸುವುದು ಕಂಪನಿಯ ಉದ್ದೇಶ !
ಇಂಟರ್ನ್ಯಾಷನಲ್ ಬಿಸಿನೆಸ್ ಮೆಷಿನ್ಸ್ ಕಾರ್ಪೊರೇಷನ್ (IBM) ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅರವಿಂದ್ ಕೃಷ್ಣ ಮಾತನಾಡಿ, ‘ಮುಂಬರುವ ವರ್ಷಗಳಲ್ಲಿ ಕೃತಕ ಬುದ್ಧಿಮತ್ತೆಯನ್ನು ಮನುಷ್ಯರ ಬದಲಾಗಿ ಬದಲಿಸಬಹುದು ಎಂದು ಕಂಪನಿಯು ನಿರೀಕ್ಷಿಸುತ್ತಿದೆ. ಉದಾಹರಣೆಗೆ ಮಾನವ ಸಂಪನ್ಮೂಲಗಳಂತಹ ಬ್ಯಾಕ್-ಆಫೀಸ್ ಕಾರ್ಯಗಳಲ್ಲಿ ಮುಂದಿನ ನೇಮಕಾತಿಯನ್ನು ಅಮಾನತುಗೊಳಿಸಲಾಗುವುದು ಅಥವಾ ನಿಧಾನಗೊಳಿಸಲಾಗುವುದು’ ಎಂದು ಕೃಷ್ಣ ಸಂದರ್ಶನವೊಂದರಲ್ಲಿ ಹೇಳಿದರು. ‘ಈ ಗ್ರಾಹಕ ಉದ್ದೇಶಿತ ಅಲ್ಲದ ಕೆಲಸಗಾರರು ಸರಿಸುಮಾರು 26,000 ಕೆಲಸಗಾರರನ್ನು ಹೊಂದಿವೆ. ಐದು ವರ್ಷಗಳ ಅವಧಿಯಲ್ಲಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ( AI ) ಬಳಸಿಕೊಂಡು ಈಗಿರುವ 30% ಉದ್ಯೋಗಿಗಳನ್ನು ನಾನು ಸುಲಭವಾಗಿ ಬದಲಾಯಿಸಬಹುದು ‘ಎಂದು ಕೃಷ್ಣ ಹೇಳಿದರು.
ಅಂದರೆ ಸರಿಸುಮಾರು 7,800 ಉದ್ಯೋಗಗಳು ಕಡಿತವಾಗುತ್ತವೆ, ಮತ್ತು ಮುಂದೆ ಕಂಪನಿಯನ್ನು ಯಾರೇ ಬಿಟ್ಟು ಹೋದರೂ ಅಟ್ರಿಷನ್‌ನಿಂದ ಖಾಲಿಯಾದ ಉದ್ಯೋಗಿಗಳನ್ನು ಮರುನೇಮಕ ಮಾಡಲಾಗುವುದಿಲ್ಲ ಎಂದು IBM ವಕ್ತಾರರು ತಿಳಿಸಿದ್ದಾರೆ.
ಇಂದು ಕೃತಕ ಬುದ್ಧಿಮತ್ತೆ ಉಪಕರಣಗಳು ಗ್ರಾಹಕ ಸೇವೆಯನ್ನು ಸ್ವಯಂಚಾಲಿತಗೊಳಿಸುವ, ಪಠ್ಯವನ್ನು ಬರೆಯುವ ಮತ್ತು ಕೋಡ್ ಅನ್ನು ರಚಿಸುವ ಸಾಮರ್ಥ್ಯಕ್ಕಾಗಿ ತಯಾರಾಗಿವೆ. ಕಂಪ್ಯೂಟರ್ ಗಳ ಈ ಸಾಮರ್ಥ್ಯ ಕಾರ್ಮಿಕ ಮಾರುಕಟ್ಟೆಯನ್ನು ಅಡ್ಡಿಪಡಿಸಿ ಉದ್ಯೋಗ. ಕಡಿತ ಮಾಡಬಲ್ಲವು, ಈ ಬಗ್ಗೆ ಕಾರ್ಮಿಕ ಕಲ್ಯಾಣ ಇಲಾಖೆಗಳು ಚಿ0ತಿತರಾಗಿದ್ದಾರೆ. ಈಗ CEO ಕೃಷ್ಣ ಅವರು ಹಾಕಿಕೊಂಡ ಯೋಜನೆಯು ವೇಗವಾಗಿ ಅಭಿವೃದ್ಧಿ ಹೊಂದುತ್ತಿರುವ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ತಂತ್ರಜ್ಞಾನಕ್ಕೆ ಪ್ರತಿಕ್ರಿಯೆಯಾಗಿ ಘೋಷಿಸಲಾದ ಅತಿದೊಡ್ಡ ಕಾರ್ಯತಂತ್ರಗಳಲ್ಲಿ ಒಂದಾಗಿದೆ ಎನ್ನಲಾಗಿದೆ.
IBM ನಲ್ಲಿ ಉದ್ಯೋಗ ದೃಢೀಕರಣ ಪತ್ರಗಳನ್ನು ಒದಗಿಸುವುದು ಅಥವಾ ಇಲಾಖೆಗಳ ನಡುವೆ ನೌಕರರನ್ನು ಸ್ಥಳಾಂತರಿಸುವುದು ಮುಂತಾದ ಹೆಚ್ಚು ದೈನಂದಿನ ಕಾರ್ಯಗಳು ಇನ್ಮುಂದೆ ಸಂಪೂರ್ಣವಾಗಿ ಸ್ವಯಂಚಾಲಿತವಾಗಿರುತ್ತವೆ ಎಂದು ಕೃಷ್ಣ ಹೇಳಿದರು. ಕಾರ್ಯಪಡೆಯ ಸಂಯೋಜನೆ ಮತ್ತು ಉತ್ಪಾದಕತೆಯ ಮೌಲ್ಯಮಾಪನದಂತಹ ಕೆಲವು ಮಾನವ ಸಂಪನ್ಮೂಲ ಕಾರ್ಯಗಳನ್ನು ಬಹುಶಃ ಮುಂದಿನ ದಶಕದಲ್ಲಿ ಬದಲಾಯಿಸಲಾಗುವುದಿಲ್ಲ ಎಂದು ಅವರು ಹೇಳಿದರು.
IBM ಪ್ರಸ್ತುತ ಸುಮಾರು 260,000 ಕೆಲಸಗಾರರನ್ನು ನೇಮಿಸಿಕೊಂಡಿದೆ ಮತ್ತು ಸಾಫ್ಟ್‌ವೇರ್ ಅಭಿವೃದ್ಧಿ ಮತ್ತು ಗ್ರಾಹಕ-ಮುಖಿ ಪಾತ್ರಗಳಿಗಾಗಿ ನೇಮಿಸಿಕೊಳ್ಳುವುದನ್ನು ಮುಂದುವರೆಸಿದೆ. ಹಿಂದಿನ ಕಾಲಕ್ಕಿಂತ ಇಂದು ಪ್ರತಿಭೆಯನ್ನು ಹುಡುಕುವುದು ಸುಲಭವಾಗಿದೆ ಎಂದು ಕೃಷ್ಣ ಅವರು ಹೇಳಿದರು. ಕಂಪನಿಯು ಈ ವರ್ಷದ ಆರಂಭದಲ್ಲಿ ಉದ್ಯೋಗ ಕಡಿತವನ್ನು ಘೋಷಿಸಿತ್ತು IBM. ಇದು ಒಮ್ಮೆ ಪೂರ್ಣಗೊಂಡ ನಂತರ ಸುಮಾರು 5,000 ಕಾರ್ಮಿಕರು ಕಂಪನಿಯಿಂದ ಹೊರ ನಡೆದಂತೆ ಆಗುತ್ತದೆ. ಆದರೆ ಮೊದಲ ತ್ರೈಮಾಸಿಕದಲ್ಲಿ ಸುಮಾರು ಹೊಸ 7,000 ಜನರನ್ನು ಕಂಪನಿಯು ರಿಕ್ರೂಟ್ ಮಾಡಿಕೊಂಡಿದೆ ಎಂದು ಕೃಷ್ಣ ಹೇಳಿದ್ದಾರೆ.
ಐಬಿಎಂ ನಲ್ಲಿ 2020 ರಿಂದ ಸಿಇಒ ಆಗಿರುವ ಕೃಷ್ಣ ಅವರು ಶತಮಾನದಷ್ಟು ಹಳೆಯದಾದ ಕಂಪನಿಯನ್ನು ಸಾಫ್ಟ್‌ವೇರ್ ಮತ್ತು ಹೈಬ್ರಿಡ್ ಕ್ಲೌಡ್‌ನಂತಹ ತಂತ್ರಜ್ಞಾನ ಕೇಂದ್ರಿತ ಸೇವೆಗಳ ಸುತ್ತ ಕೇಂದ್ರೀಕರಿಸಲು ಕೆಲಸ ಮಾಡುತ್ತಿದ್ದಾರೆ.
