ಇ-ಕಾಮರ್ಸ್‌ ದಿಗ್ಗಜ ಕಂಪನಿಗಳಲ್ಲಿ ಅಮೆಜಾನ್ ಮತ್ತು ಪ್ಲಿಪ್‌ಕಾರ್ಟ್‌ ಕೂಡಾ ಒಂದು. ಅನೇಕ ಗ್ರಾಹಕರು ಈ ಆನ್ಲೈನ್ ಕಂಪನಿಯಿಂದ ಹಲವಾರು ವಸ್ತುಗಳನ್ನು ಖರೀದಿ ಮಾಡುತ್ತಾರೆ. ಆದರೆ ಈಗ ಬಂದಿರೋ ಮಾಹಿತಿ ಪ್ರಕಾರ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್ ಹೆಲ್ತ್ ಪ್ಲಸ್ ಸೇರಿದಂತೆ 20 ಆನ್ಲೈನ್ ಕಂಪನಿಗಳಿಗೆ ಡಿಸಿಜಿಐ ನೋಟಿಸ್ ನೀಡಿದೆ ಎಂದು ವರದಿಯಾಗಿದೆ. ಪರವಾನಗಿ ಇಲ್ಲದೆ ಔಷಧ ಮಾರಾಟ ಮಾಡಿದ ಆರೋಪದ ಮೇಲೆ ಈ ನೋಟಿಸ್ ಜಾರಿ ಮಾಡಲಾಗಿದೆ. ನಿಯಮಗಳ ಉಲ್ಲಂಘನೆಯ ಆರೋಪದ ಮೇಲೆ ಔಷಧಿಗಳ ಆನ್ಲೈನ್ ಮಾರಾಟದ ಕುರಿತು ಈ ಕಂಪನಿಗಳಿಗೆ ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ) ಶೋಕಾಸ್ ನೋಟಿಸ್ ನೀಡಿದೆ. ಫೆಬ್ರವರಿ 8 ರಂದು ಡಿಸಿಜಿಐ ವಿಜಿ ಸೋಮಾನಿ ಅವರು ನೀಡಿದ ಶೋಕಾಸ್ ನೋಟಿಸ್ ದೆಹಲಿ ಹೈಕೋರ್ಟ್ನ ಡಿಸೆಂಬರ್ 12, 2018 ರ ಆದೇಶವನ್ನು ಉಲ್ಲೇಖಿಸಿದೆ, ಇದು ಪರವಾನಗಿ ಇಲ್ಲದ ಔಷಧಿಗಳ ಆನ್ಲೈನ್ ಮಾರಾಟವನ್ನು ನಿಷೇಧಿಸಿದೆ ಎಂದು ಹೇಳಲಾಗಿದೆ.
ಈ ಸೂಚನೆಯ ಪ್ರಕಾರ, “ಈ ಸೂಚನೆಯನ್ನು ನೀಡಿದ ದಿನಾಂಕದಿಂದ 2 ದಿನಗಳಲ್ಲಿ ಕಾರಣವನ್ನು ಕೇಳಿದೆ. ಡ್ರಗ್ಸ್ ಮತ್ತು ಕಾಸ್ಮೆಟಿಕ್ಸ್ ಆಕ್ಟ್ 1940 ಮತ್ತು ಅದರ ಅಡಿಯಲ್ಲಿ ಮಾಡಲಾದ ನಿಯಮಗಳ ನಿಬಂಧನೆಗಳಿಗೆ ವಿರುದ್ಧವಾಗಿ ಔಷಧಿಗಳ ಮಾರಾಟದ ಬಗ್ಗೆ ಹಾಗೂ ಯಾವುದೇ ಪ್ರತಿಕ್ರಿಯೆ ಬರದಿದ್ದರೆ ಕ್ರಮ ಕೈಗೊಳ್ಳಲಾಗುವುದು” ಎಂದು ಹೇಳಲಾಗಿದೆ. ಯಾವುದೇ ಔಷಧವನ್ನು ಮಾರಾಟ ಮಾಡಲು ಅಥವಾ ದಾಸ್ತಾನು ಮಾಡಲು ಅಥವಾ ವಿತರಿಸಲು ಆಯಾ ರಾಜ್ಯ ಪರವಾನಗಿ ಪ್ರಾಧಿಕಾರದಿಂದ ಪರವಾನಗಿ ಅಗತ್ಯವಿದೆ ಮತ್ತು ಪರವಾನಗಿ ಹೊಂದಿರುವವರು ಪರವಾನಗಿ ಷರತ್ತುಗಳನ್ನು ಅನುಸರಿಸಬೇಕಾಗುತ್ತದೆ ಎಂದು ಸೂಚನೆಯು ಹೇಳುತ್ತದೆ. ಯಾವುದೇ ಪ್ರತಿಕ್ರಿಯೆ ನೀಡದಿದ್ದಲ್ಲಿ, ಮುಂದಿನ ಸೂಚನೆ ನೀಡದೆ ಅವರ ವಿರುದ್ಧ ಅಗತ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ಡಿಸಿಜಿಐ ಹೇಳಿದ್ದಾರೆ.
CDSCO (ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್) ನಿಂದ ನಮಗೆ ನೋಟಿಸ್ ಬಂದಿದೆ ಮತ್ತು ನಾವು ಅದಕ್ಕೆ ಉತ್ತರವನ್ನು ನೀಡುತ್ತೇವೆ ಎಂದು ಫ್ಲಿಪ್‌ಕಾರ್ಟ್ ಹೆಲ್ತ್ ಪ್ಲಸ್ ಈ ವಿಷಯದಲ್ಲಿ ತಿಳಿಸಿದೆ. ಫ್ಲಿಪ್‌ಕಾರ್ಟ್ ಹೆಲ್ತ್ ಪ್ಲಸ್ ಸಂಸ್ಥೆಯಾಗಿ, ನಾವು ದೇಶದ ಕಾನೂನುಗಳನ್ನು ಅನುಸರಿಸಲು ಬದ್ಧರಾಗಿದ್ದೇವೆ ಮತ್ತು ಗ್ರಾಹಕರ ನಂಬಿಕೆಯನ್ನು ಹೆಚ್ಚಿಸಲು ಮತ್ತು ಗ್ರಾಹಕರ ಅನುಭವವನ್ನು ಹೆಚ್ಚಿಸಲು, ಸುಧಾರಿಸಲು ನಾವು ಬದ್ಧರಾಗಿದ್ದೇವೆ ಎಂದು ಹೇಳಿದೆ.
