ಮುಂದಿನ ದಿನದ ಭವಿಷ್ಯದಲ್ಲಿ ಆರ್ಥಿಕ ಸಂಕಷ್ಟ ಎದುರಾಗದಂತೆ ಇಂದೇ ಸರಿಯಾದ ನಿರ್ಧಾರ ಕೈಗೊಳ್ಳಬೇಕು. ಹೌದು ನಮ್ಮ ವೃದ್ಧಾಪ್ಯ ಜೀವನದಲ್ಲಿ ಯಾವುದೇ ಹಣಕಾಸು ತೊಂದರೆ ಉಂಟಾಗಬಾರದಂತೆ ನೋಡಲು ನಾವು ಈಗಲೇ ಉಳಿತಾಯ ಮಾಡುವುದು ಉತ್ತಮ. ಇದೀಗ ಪಿಂಚಣಿ ಒಂದು ಯೋಜನೆಯಲ್ಲಿ ದಿನಕ್ಕೆ ಕೇವಲ 200 ರೂ.ಗಳ ಉಳಿತಾಯವು ತಿಂಗಳಿಗೆ ರೂ.50,000 ಪಿಂಚಣಿ ಪಡೆಯಬಹುದಾಗಿದೆ.
ಈಗಾಗಲೇ ಸರ್ಕಾರದಿಂದ ಅನೇಕ ಪಿಂಚಣಿ ಯೋಜನೆಗಳು ಲಭ್ಯವಿದೆ. ಜನರು ತಮಗೆ ಬೇಕಾದ ಪಿಂಚಣಿ ಯೋಜನೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು ಮತ್ತು ಹಣವನ್ನು ಉಳಿಸಬಹುದು. ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (NPS) ಅಂತಹ ಒಂದು ಪಿಂಚಣಿ ಯೋಜನೆಯಾಗಿದೆ. ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ ಯೋಜನೆಯನ್ನು ಕೇಂದ್ರ ಸರ್ಕಾರವು ಒದಗಿಸುವ ಸಾಮಾಜಿಕ ಭದ್ರತಾ ಹೂಡಿಕೆ ಯೋಜನೆ ಎಂದು ಕರೆಯಲಾಗುತ್ತದೆ.
ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಲ್ಲಿ ದೀರ್ಘಾವಧಿಯ ಉಳಿತಾಯವು ಉತ್ತಮ ಆದಾಯವನ್ನು ನೀಡುತ್ತದೆ. ನಿವೃತ್ತಿಯ ಮೂಲಕ ಸಂಪತ್ತನ್ನು ಸಂಗ್ರಹಿಸಲು ಬಯಸುವವರು, ನಿವೃತ್ತಿಯ ನಂತರದ ಹಣಕಾಸಿನ ಅಗತ್ಯಗಳಿಗಾಗಿ ಅವರು ಈ ಯೋಜನೆಯಲ್ಲಿ ಉಳಿತಾಯ ಮಾಡಿದರೆ ಉತ್ತಮ.
ಹೌದು ನೀವು ಈ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ ಯೋಜನೆಯಲ್ಲಿ ನಿವೃತ್ತಿಯ ಸಮಯದಲ್ಲಿ ಠೇವಣಿ ಮಾಡಿದ ಮೊತ್ತವನ್ನು ಬಡ್ಡಿ ಸೇರಿದಂತೆ ಸುಮಾರು 50 ಲಕ್ಷ ರೂ.ಗಳನ್ನು ಹಿಂಪಡೆಯಬಹುದು. ಅಥವಾ ಪ್ರತಿ ತಿಂಗಳು ಪಿಂಚಣಿ ಬೇಕಾದರೆ 50 ಲಕ್ಷ ರೂ.ಗಳನ್ನು ಎಲ್ಲಿ ಬೇಕಾದರೂ ಹೂಡಿಕೆ ಮಾಡಬಹುದು. 8ರಷ್ಟು ಬಡ್ಡಿ ಲೆಕ್ಕ ಹಾಕಿದರೂ ತಿಂಗಳಿಗೆ ರೂ.50,000 ಪ್ರತಿ ತಿಂಗಳು ಖಾತೆಗೆ ಬರುತ್ತದೆ. ಅಂದರೆ ಪ್ರತಿ ತಿಂಗಳು ರೂ.50,000 ಪಿಂಚಣಿ ಪಡೆಯಬಹುದು.
ಸದ್ಯ ಈ ಯೋಜನೆಯಲ್ಲಿ NPS ಗ್ರಾಹಕರು ಉಳಿಸಿದ ಹಣವು ಭಾಗಶಃ ಸಾಲಕ್ಕೆ ಮತ್ತು ಭಾಗಶಃ ಈಕ್ವಿಟಿಗೆ ಹೋಗುತ್ತದೆ. ಗ್ರಾಹಕರು ತಮ್ಮ ಅಪಾಯದ ಪ್ರೊಫೈಲ್ಗೆ ಅನುಗುಣವಾಗಿ 75:25, 50:50, 40:60 ಸಾಲ ಮತ್ತು ಇಕ್ವಿಟಿ ಆಯ್ಕೆಯ ನಡುವೆ ಆಯ್ಕೆ ಮಾಡಬಹುದು. ಆಯ್ಕೆಮಾಡಿದ ಆಯ್ಕೆಯನ್ನು ಅವಲಂಬಿಸಿ ಆದಾಯವು ಬದಲಾಗುತ್ತದೆ.
ಮುಖ್ಯವಾಗಿ ಗಮನಿಸುವ ವಿಚಾರವೆಂದರೆ ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80CCD (1B) ಪ್ರಕಾರ, ವರ್ಷಕ್ಕೆ ರೂ.50,000 ಕಡಿತಗೊಳಿಸಬಹುದು. ಆದರೆ ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80CCD (1C) ಪ್ರಕಾರ, ಉದ್ಯೋಗದಾತರಿಂದ NPS ಯೋಜನೆಯಲ್ಲಿ ಉಳಿತಾಯ ಮಾಡಿದರೆ ವರ್ಷಕ್ಕೆ ರೂ.50,000 ಹೆಚ್ಚುವರಿ ವಿನಾಯಿತಿಯನ್ನು ಪಡೆಯಬಹುದಾಗಿದೆ. ಇದರ ಪ್ರಯೋಜನ ಸಹ ನಿಮಗೆ ಸಿಗಲಿದೆ.
ಈ ಮೇಲಿನಂತೆ ಈ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ ಯೋಜನೆಯಲ್ಲಿ ದೀರ್ಘಾವಧಿಗೆ ಉಳಿತಾಯ ಮಾಡುವ ಮೂಲಕ ನಿವೃತ್ತಿಯವರೆಗೂ ಸಂಪತ್ತನ್ನು ಸಂಗ್ರಹಿಸಬಹುದು. ಮತ್ತು ನಿವೃತ್ತಿಯ ನಂತರ ನೀವು ಬದುಕುವವರೆಗೂ ದೊಡ್ಡ ಮೊತ್ತದಲ್ಲಿ ಪಿಂಚಣಿ ಪಡೆಯಬಹುದಾಗಿದೆ.
