ಹಣಕ್ಕೆ ಹೂಡಿಕೆ ಮಾಡುವಾಗ ಸುರಕ್ಷಿತ ಆಯ್ಕೆಯನ್ನು ಆರಿಸಿಕೊಳ್ಳುವುದು ಅವಶ್ಯ. ಬ್ಯಾಂಕ್ ಹಾಗೆಯೇ ಪೋಸ್ಟ್ ಆಫೀಸ್ ತಮ್ಮ ಯೋಜನೆಯ ಮೂಲಕ ಆರ್ಥಿಕ ಭದ್ರತೆ ಜೊತೆಗೆ ಹಣ ರವಾನಿಸುವ ಪಡೆಯುವ ಅವಕಾಶವನ್ನು ಕಲ್ಪಿಸಿದೆ. ಜನರಿಗೆ ನೆರವಾಗಲು ಹಲವಾರು ಕ್ರಮಗಳನ್ನು ಕೈಗೊಂಡಿದ್ದು ಮಾಹಿತಿ ಕಲೆ ಹಾಕಿ ಹೂಡಿಕೆ ಮಾಡುವುದು ಉತ್ತಮ.
ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ(ಪೋಸ್ಟ್ ಆಫೀಸ್ MIS), ಈ ಸಣ್ಣ ಉಳಿತಾಯ ಯೋಜನೆಯಲ್ಲಿ, ಒಮ್ಮೆ ಮಾತ್ರ ಹಣವನ್ನು ಠೇವಣಿ ಮಾಡಬೇಕು. ಈ ಖಾತೆಯ ಮುಕ್ತಾಯ ಅವಧಿಯು 5 ವರ್ಷವಾಗಿದೆ. ಐದು ವರ್ಷಗಳ ನಂತರ ಹೂಡಿಕೆದಾರರು ಖಾತರಿಯ ಮಾಸಿಕ ಆದಾಯವನ್ನು ಪಡೆಯಬಹುದು.
ಪೋಸ್ಟ್ ಆಫೀಸ್ ಎಂಐಎಸ್ ಯೋಜನೆಯಲ್ಲಿ, ಇಬ್ಬರು ಅಥವಾ ಮೂರು ಜನರು ಒಟ್ಟಾಗಿ ಜಂಟಿ ಖಾತೆಯನ್ನು ತೆರೆಯಬಹುದು. ಇದರಲ್ಲಿ ಕನಿಷ್ಠ 1,000 ರೂಪಾಯಿ ಹೂಡಿಕೆಯೊಂದಿಗೆ ಖಾತೆ ತೆರೆಯಬಹುದು. ಒಂದೇ ಖಾತೆಯಲ್ಲಿ ಗರಿಷ್ಠ 4.5 ಲಕ್ಷ ರೂಪಾಯಿ ಹೂಡಿಕೆ ಮಾಡಬಹುದು. ಅದೇ ಸಮಯದಲ್ಲಿ, ಜಂಟಿ ಖಾತೆಯಲ್ಲಿ ಹೂಡಿಕೆ ಮಿತಿ 9 ಲಕ್ಷ ಹೂಡಿಕೆ ಮಾಡಬಹುದಾಗಿದೆ.
ಈ ಯೋಜನೆಯಡಿಯಲ್ಲಿ, ಬ್ಯಾಂಕ್ ಎಫ್‌ಡಿಗೆ ಹೋಲಿಸಿದರೆ ಹೆಚ್ಚಿನ ಆದಾಯವನ್ನು ಪಡೆಯಬಹುದಾಗಿದೆ. ಪೋಸ್ಟ್ ಆಫೀಸ್‌ನ ಮಾಸಿಕ ಆದಾಯ ಯೋಜನೆಯಲ್ಲಿ(POMIS) ವಾರ್ಷಿಕ ಬಡ್ಡಿ ದರವು 6.7 ಪ್ರತಿಶತ ದಷ್ಟು ಇದ್ದು, ಇದರಲ್ಲಿ ಜೀವಮಾನದ ಮಾಸಿಕ ಆದಾಯದ ಲಾಭವನ್ನು ಪಡೆಯಬಹುದು. 18 ವರ್ಷ ವಯಸ್ಸಿನಲ್ಲೇ ಈ ಯೋಜನೆಗೆ ಅರ್ಜಿ ಸಲ್ಲಿಸಿದರೆ, ಪ್ರತಿ ತಿಂಗಳು 2500 ರೂಪಾಯಿಗಳನ್ನು ಪಡೆಯಬಹುದಾಗಿದೆ. ಆದರೆ, ಈ ಪೋಸ್ಟ್ ಆಫೀಸ್ ಯೋಜನೆಯಲ್ಲಿ 5 ವರ್ಷಗಳವರೆಗೆ ಹೂಡಿಕೆ ಮಾಡಬೇಕು. 5 ವರ್ಷಗಳ ನಂತರ, ಹೊಸ ಬಡ್ಡಿದರದ ಪ್ರಕಾರ ಅದನ್ನು ಮತ್ತಷ್ಟು ವಿಸ್ತರಿಸಬಹುದು.
ಈ ಯೋಜನೆಯಲ್ಲಿ ರೂ 4,50,000 ಲಕ್ಷವನ್ನು ಠೇವಣಿ ಮಾಡಿದರೆ, ಒಂದು ವರ್ಷದ ಒಟ್ಟು ಬಡ್ಡಿಯು ವಾರ್ಷಿಕ 6.7 ಶೇಕಡಾ ದರದಲ್ಲಿ ರೂ 30,916 ಆಗಿರುತ್ತದೆ, ನಂತರ ಮಾಸಿಕ ಬಡ್ಡಿ ರೂ 2576 ಆಗಿರುತ್ತದೆ. ಇದರಲ್ಲಿ ಜಂಟಿ ಖಾತೆಯನ್ನು ತೆರೆಯುವ ಮೂಲಕ 9 ಲಕ್ಷ ರೂ. ಈ ರೀತಿಯಾಗಿ ವಾರ್ಷಿಕ 61832 ರೂ ಬಡ್ಡಿಯನ್ನು ಪಡೆಯಬಹುದಾಗಿದೆ.ಈ ಮೊತ್ತವನ್ನು 12 ತಿಂಗಳುಗಳಲ್ಲಿ ಭಾಗಿಸಿದರೆ, ಈ ರೀತಿಯಲ್ಲಿ ಪ್ರತಿ ತಿಂಗಳ ಬಡ್ಡಿಯು ಸುಮಾರು 5152 ರೂ. ಬರುತ್ತದೆ.
MIS ಖಾತೆಯನ್ನು ತೆರೆಯಲು, ಅಂಚೆ ಕಛೇರಿಯಲ್ಲಿ ಉಳಿತಾಯ ಖಾತೆಯನ್ನು ಹೊಂದಿರಬೇಕಾಗಿದೆ. ಜೊತೆಗೆ ಖಾತೆ ತೆರೆಯಲು ಕೆಲವು ದಾಖಲೆಗಳು ಅವಶ್ಯವಾಗಿದ್ದು, ಐಡಿ ಪುರಾವೆಗಾಗಿ ಆಧಾರ್ ಕಾರ್ಡ್ ಅಥವಾ ಪಾಸ್‌ಪೋರ್ಟ್ ಅಥವಾ ಮತದಾರರ ಕಾರ್ಡ್ ಅಥವಾ ಡ್ರೈವಿಂಗ್ ಲೈಸೆನ್ಸ್ ಇತ್ಯಾದಿಗಳನ್ನು ಹೊಂದಿರಬೇಕು. ಇದಕ್ಕಾಗಿ 2 ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರಗಳನ್ನು ಒದಗಿಸಬೇಕು ಅಲ್ಲದೇ, ವಿಳಾಸ ಪುರಾವೆಗಾಗಿ, ಸರ್ಕಾರವು ನೀಡಿದ ಗುರುತಿನ ಚೀಟಿ ಅಥವಾ ಯುಟಿಲಿಟಿ ಬಿಲ್ ಮಾನ್ಯವಾಗಿರುತ್ತದೆ.
ಈ ಡಾಕ್ಯುಮೆಂಟ್ ಅನ್ನು ಹತ್ತಿರದ ಅಂಚೆ ಕಚೇರಿಯಲ್ಲಿ ಸಲ್ಲಿಸಿ, ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆಯ ಫಾರ್ಮ್ ಅನ್ನು ಭರ್ತಿ ಮಾಡಬಹುದು. ಇದಲ್ಲದೆ, ಆನ್‌ಲೈನ್‌ನಲ್ಲಿಯೂ ಅರ್ಜಿಯನ್ನು ಡೌನ್‌ಲೋಡ್ ಮಾಡಬಹುದಾಗಿದೆ. ಫಾರ್ಮ್ ಅನ್ನು ಭರ್ತಿ ಮಾಡಿ ಮತ್ತು ಅದರಲ್ಲಿ ನಾಮಿನಿಯ ಹೆಸರನ್ನು ನೀಡಬೇಕು. ಈ ಖಾತೆಯನ್ನು ತೆರೆಯಲು, ಆರಂಭದಲ್ಲಿ 1000 ರೂಪಾಯಿಗಳನ್ನು ನಗದು ಅಥವಾ ಚೆಕ್ ಮೂಲಕ ಠೇವಣಿ ಮಾಡಬೇಕು. ಮೇಲೆ ತಿಳಿಸಿದ ಸರಳ ವಿಧಾನಗಳನ್ನು ಅನುಸರಿಸಿ ಹೂಡಿಕೆ ಮಾಡಿ ಯೋಜನೆಯ ಲಾಭ ಪಡೆಯಬಹುದಾಗಿದೆ.
