Sambhav Mobile : ಪೆಹಲ್ಗಾಮ್ ದಾಳಿ ಬಳಿಕ ಭಾರತೀಯ ಸೇನೆ ಪಾಕಿಸ್ತಾನದ ಮೇಲೆ ನಡೆಸಿದ ಆಪರೇಷನ್ ಸಿಂದೂರ್ ಇಡೀ ವಿಶ್ವದ ಗಮನ ಸೆಳೆದಿತ್ತು. ಈ ಆಪರೇಷನ್ ಕಾರ್ಯಾಚರಣೆ ಕುರಿತು ಇದೀಗ ಭಾರತೀಯ ಸೇನೆ ಆಗಾಗ ಕೆಲವೊಂದು ವಿಶೇಷ ಸುದ್ದಿಗಳನ್ನು ಹಂಚಿಕೊಳ್ಳುತಿದೆ. ಅಂತೆ ಇದೀಗ ಈ ಕಾರ್ಯಾಚರಣೆ ವೇಳೆ ಭಾರತೀಯ ಸೇನೆ ಬಳಸಿದ ಫೋನ್ ಬಗ್ಗೆ ಮಾಹಿತಿ ರಿವಿಲ್ ಆಗಿದೆ.
ಹೌದು, ಈಗ ಭಾರತದ ಸೇನಾ ಮುಖ್ಯಸ್ಥ ಉಪೇಂದ್ರ ದ್ವಿವೇದಿ ಅವರು ಕಾರ್ಯಾಚರಣೆಯ ಸಮಯದಲ್ಲಿ ಭಾರತವು ಮೇಡ್-ಇನ್-ಇಂಡಿಯನ್ ಮೊಬೈಲ್ ಪರಿಸರ ವ್ಯವಸ್ಥೆಯಾದ ಸಂಭವ್ ಅನ್ನು ಬಳಸಿದೆ ಎಂದು ಬಹಿರಂಗಪಡಿಸಿದ್ದಾರೆ. ಇದು ಸಾಮಾನ್ಯ ಫೋನಿಗಿಂತಲೂ ಬಹಳ ವಿಶಿಷ್ಟವಾದ ಹಾಗೂ ವಿಭಿನ್ನವಾದ ಮೊಬೈಲ್ ಆಗಿದ್ದು ಇದರ ವಿಶೇಷತೆ ಬಗ್ಗೆ ತಿಳಿಯೋಣ ಬನ್ನಿ.
ಅಗತ್ಯ ಕಾರ್ಯಾಚರಣೆಗಳಲ್ಲಿ ಸೈನ್ಯವು ಇಂತಹ ಫೋನ್ ಅನ್ನು ಸೇನೆ ಬಳಸುತ್ತದೆ, ಇದು ಭದ್ರತೆಯ ವಿಷಯದಲ್ಲಿ ಅತ್ಯುತ್ತಮವಾಗಿದೆ. ಸಂಭವ್ ಮೊಬೈಲ್ನ ಪೂರ್ಣ ಹೆಸರು ಸೆಕ್ಯೂರ್ ಆರ್ಮಿ ಮೊಬೈಲ್ ಭಾರತ್ ಆವೃತ್ತಿ. ಈ ಫೋನ್ ಅನ್ನು ‘ಎಂಡ್-ಟು-ಎಂಡ್’ ಸುರಕ್ಷಿತ ಸಂವಹನ ಇರುವ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಇದರರ್ಥ ಸಂಭಾಷಣೆಯ ಆರಂಭದಿಂದ ಕೊನೆಯವರೆಗೆ ಯಾವುದೇ ಮಾಹಿತಿಯನ್ನು ಸೋರಿಕೆ ಮಾಡಲಾಗುವುದಿಲ್ಲ.
ಕಾರ್ಯಾಚರಣೆಯ ಸಮಯದಲ್ಲಿ ಸೇನೆಯು ವಾಟ್ಸ್ಆ್ಯಪ್ ಅನ್ನು ಬಳಸುವುದಿಲ್ಲ, ಆದರೆ ಈ ಫೋನ್ನಲ್ಲಿ ವಾಟ್ಸ್ಆ್ಯಪ್ ನಂತೆಯೇ ಕಾರ್ಯನಿರ್ವಹಿಸುವ ಎಂ-ಸಿಗ್ಮಾದಂತಹ ಅಪ್ಲಿಕೇಶನ್ಗಳಿವೆ. ಈ ವಿಶೇಷ ಅಪ್ಲಿಕೇಶನ್ಗಳ ಮೂಲಕ, ಸೇನಾ ಅಧಿಕಾರಿಗಳು ಸಂದೇಶಗಳು, ದಾಖಲೆಗಳು, ಫೋಟೋಗಳು ಮತ್ತು ವಿಡಿಯೋಗಳನ್ನು ಹಂಚಿಕೊಳ್ಳಬಹುದು. ಈ ಅಪ್ಲಿಕೇಶನ್ಗಳು ಸುರಕ್ಷಿತವಾಗಿವೆ ಮತ್ತು ಅವುಗಳ ಮಾಹಿತಿ ಸೋರಿಕೆಯಾಗುವುದಿಲ್ಲ. ಸಂಭವ್ ಫೋನ್ ಸಾಮಾನ್ಯ ಸ್ಮಾರ್ಟ್ಫೋನ್ಗಳಿಗಿಂತ ಭಿನ್ನವಾಗಿರಲು ಇದುವೇ ಕಾರಣ.
ಇನ್ನು ಈ ಫೋನ್ಗಳ ಮತ್ತೊಂದು ವಿಶೇಷವೆಂದರೆ ಅಧಿಕಾರಿಗಳ ಸಂಖ್ಯೆಗಳನ್ನು ಪ್ರತ್ಯೇಕವಾಗಿ ಸೇವ್ ಮಾಡಬೇಕಿಲ್ಲ, ಅವುಗಳನ್ನು ಮೊದಲೇ ಅದರಲ್ಲಿ ಉಳಿಸಲಾಗಿರುತ್ತದೆ. ಫೋನ್ ಸಂಪೂರ್ಣವಾಗಿ ಎನ್ಕ್ರಿಪ್ಟ್ ಮಾಡಲಾಗಿದೆ, ಆದ್ದರಿಂದ ಯಾರೂ ಕಾಂಟೆಕ್ಟ್ ಮಾಹಿತಿಯನ್ನು ಹ್ಯಾಕ್ ಮಾಡಲು ಸಾಧ್ಯವಿಲ್ಲ. ಸಂಭವ್ ಸ್ಮಾರ್ಟ್ಫೋನ್ಗಳು 5G ತಂತ್ರಜ್ಞಾನದಲ್ಲಿ ಕಾರ್ಯನಿರ್ವಹಿಸುತ್ತವೆ. ಆದಾಗ್ಯೂ, ಅವುಗಳಿಗೆ ಯಾವುದೇ ಪ್ರತ್ಯೇಕ ನೆಟ್ವರ್ಕ್ ಅಗತ್ಯವೂ ಇಲ್ಲ ಎನ್ನಲಾಗಿದೆ.
