Dangerous Tribe: ಭಾರತದಲ್ಲಿದೆ ಜಗತ್ತಲ್ಲೇ ಅತ್ಯಂತ ಡೇಂಜರಸ್ ಬುಡಕಟ್ಟು ಜಗನಾಂಗ !! ಇವ್ರನ್ನ ಸಂಪರ್ಕಿಸೋದನ್ನು ಭಾರತ ಸರ್ಕಾರವೇ ಕಾನೂನು ಬದ್ಧ ನಿಷೇಧಿಸಿದೆ!!
Dangerous Tribe: ಇಡೀ ಪ್ರಪಂಚದಲ್ಲಿ ಜೊತೆಗೆ ಅನೇಕ ಜನಾಂಗಗಳು, ಸಮುದಾಯಗಳು ವಾಸಿಸುತ್ತಿವೆ. ಇವುಗಳಲ್ಲಿ ಹಲವಾರು ರೀತಿಯ ಸಂಸ್ಕೃತಿ, ಆಚರಣೆಗಳು ಇವ. ಆದರೆ ಜಗತ್ತು ಇಂದು ಇಷ್ಟೊಂದು ಮುಂದುವರೆದರು ಕೂಡ ಇನ್ನು ಕೆಲವು ಸಮುದಾಯಗಳು ಆದಿಮಾನವರಂತೆಯೇ ಕಾಡಿನಲ್ಲಿ ಬದುಕುತ್ತಿವೆ. ಬುಡಕಟ್ಟು ಎಂಬ ನಾಮವನ್ನು ಬಿಟ್ಟು ಅವರಿನ್ನೂ ಆಧುನಿಕತೆಗೆ ಒಗ್ಗಿಕೊಂಡಿಲ್ಲ. ಈ ರೀತಿ ಅನೇಕ ಬುಡಕಟ್ಟುಗಳನ್ನು ಕಾಣಬಹುದು. ಆದರೆ ನಿಮಗೆ ಜಗತ್ತಿನಲ್ಲಿಯೇ ಅತ್ಯಂತ ಭಯಾನಕವಾದ ಬುಡಕಟ್ಟು ಜನಾಂಗ ಯಾವುದು ಗೊತ್ತಾ? ಇವರ ಹತ್ತಿರ ಹೋಗುವುದು ಬಿಡಿ ಜನ ದೂರದಿಂದಲೂ ಇವರನ್ನು ನೋಡಲು ಹೆದರುತ್ತಾರೆ.
ಸೆಂಟಿನೆಲೀಸ್ ಬುಡಕಟ್ಟು ಜನಾಂಗವನ್ನು ಜಗತ್ತಿನ ಅತ್ಯಂತ ಭಯಾನಕ ಬುಡಕಟ್ಟು ಎಂದು ಕರೆಯಲಾಗುತ್ತದೆ. ಇವರು ನಮ್ಮ ಭಾರತದಲ್ಲಿರುವ ಅಂಡಮಾನ್ ದ್ವೀಪ ಸಮೂಹದಲ್ಲಿ ವಾಸವಾಗಿದ್ದಾರೆ. ಸೆಂಟಿನೆಲೀಸ್ ಜನಾಂಗವು ಉತ್ತರ ಸೆಂಟಿನೆಲ್ ದ್ವೀಪದಲ್ಲಿ ವಾಸವಾಗಿದ್ದು, ಇಂದಿಗೂ ಹೊರಗಿನ ಜಗತ್ತಿನ ಸಂಪರ್ಕದಿಂದ ಸಂಪೂರ್ಣವಾಗಿ ದೂರ ಉಳಿದಿದೆ. ಹೊರಗಿನವರು ದ್ವೀಪದತ್ತ ಹೋದರೆ, ಅವರು ಬಿಲ್ಲು ಬಾಣಗಳಿಂದ ದಾಳಿ ಮಾಡುವ ಘಟನೆಗಳು ಹಲವು ಬಾರಿ ನಡೆದಿದೆ.
ಇವರು ಎಷ್ಟು ಡೇಂಜರಸ್ ಅಂದರೆ ಈ ಜನಾಂಗವನ್ನು ಸಂಪರ್ಕಿಸಲು ಅಥವಾ ಅವರ ಹತ್ತಿರ ಹೋಗಲು ಭಾರತ ಸರ್ಕಾರ ಕಾನೂನುಬದ್ಧವಾಗಿ ನಿಷೇಧ ವಿಧಿಸಿದೆ. ಜೊತೆಗೆ ಉತ್ತರ ಸೆಂಟಿನೆಲ್ ದ್ವೀಪವನ್ನು ನಿರ್ಬಂಧಿತ ಪ್ರದೇಶವೆಂದು ಘೋಷಿಸಿದೆ ಮತ್ತು ಅದರ ಸುತ್ತಲಿನ 3 ಮೈಲುಗಳಷ್ಟು ಪ್ರದೇಶದಲ್ಲಿ ಸಂಚರಿಸುವುದನ್ನು ನಿಷೇಧಿಸಿದೆ.
2006ರಲ್ಲಿ ಇಬ್ಬರು ಮೀನುಗಾರರು ಆ ದ್ವೀಪದ ಬಳಿ ಹೋದಾಗ, ಸೆಂಟಿನೆಲೀಸ್ ಜನಾಂಗದವರಿಂದ ಕೊಲ್ಲಲ್ಪಟ್ಟ ಘಟನೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸುದ್ದಿಯಾಗಿತ್ತು. ಇದರ ಜೊತೆಗೆ 2018ರಲ್ಲಿ, ಅಮೇರಿಕನ್ ಕ್ರಿಶ್ಚಿಯನ್ ಮಿಷನರಿ ಜಾನ್ ಅಲೆನ್ ಚೌ ಅವರು ಧರ್ಮ ಪ್ರಚಾರದ ಉದ್ದೇಶದಿಂದ ದ್ವೀಪಕ್ಕೆ ಅಕ್ರಮವಾಗಿ ಪ್ರವೇಶಿಸಿ ಸೆಂಟಿನೆಲೀಸ್ ನಿಂದ ಹತರಾಗಿದ್ದರು.
ಇನ್ನು ಅವರ ಬಗ್ಗೆ ನಿಖರವಾದ ಮಾಹಿತಿ ಬಹಳ ಕಡಿಮೆ. ಏಕೆಂದರೆ ಯಾರೇ ಹೋದರೂ ಹಿಂತಿರುಗಿ ಬರುವ ಅವಕಾಶವಿಲ್ಲದಷ್ಟು ಅಪಾಯಕರವಾಗಿದೆ. ಅವರು ಇನ್ನೂ ಶಿಲಾಯುಗದ ಜೀವನ ಶೈಲಿಯನ್ನು ಮುಂದುವರಿಸಿಕೊಂಡಿದ್ದಾರೆ. ಬೇಟೆ, ಮೀನುಗಾರಿಕೆ ಹಾಗೂ ಕಾಡಿನ ಫಲಗಳಿಂದ ಬದುಕು ನಡೆಸುತ್ತಿದ್ದಾರೆ ಎಂದು ಸಂಶೋಧಕರು ಅಂದಾಜು ಮಾಡಿದ್ದಾರೆ. ಒಟ್ಟಿನಲ್ಲಿ, ಸೆಂಟಿನೆಲೀಸ್ ಬುಡಕಟ್ಟು ಜನಾಂಗವನ್ನು ಜಗತ್ತಿನ ಅತ್ಯಂತ ಭಯಾನಕ ಹಾಗೂ ಅಪಾಯಕರ ಜನಾಂಗವೆಂದು ಪರಿಗಣಿಸಲಾಗುತ್ತದೆ.
Comments are closed.