Mount fuji: ಜಪಾನ್ನ ಟೋಕಿಯೊ ಮೆಟ್ರೋಪಾಲಿಟನ್ ಸರ್ಕಾರವು ದೇಶದ ಅತ್ಯುನ್ನತ ಶಿಖರವಾದ ಮೌಂಟ್ ಫ್ಯೂಜಿ ಸ್ಫೋಟಗೊಂಡರೆ ಏನಾಗಬಹುದು ಎಂಬುದನ್ನು ವಿವರಿಸಲು ಜಪಾನ್ ಸರ್ಕಾರ ಇತ್ತೀಚೆಗೆ ಕೃತಕ ಬುದ್ಧಿಮತ್ತೆ (AI) ರಚಿಸಿದ ವೀಡಿಯೊವನ್ನು ಬಿಡುಗಡೆ ಮಾಡಿತು . “ಯಾವುದೇ ಮುನ್ನೆಚ್ಚರಿಕೆ ಇಲ್ಲದೆ ಆ ಕ್ಷಣ ಬರಬಹುದು” ಎಂದು ವೀಡಿಯೊ ನಿರೂಪಕ ಹೇಳಿದ್ದಾರೆ.
ಮೌಂಟ್ ಪ್ಯೂಜಿಯ ಸಂಭಾವ್ಯ ಸ್ಫೋಟವನ್ನು ತೋರಿಸುವ Al- ರಚಿತ ಸಿಮ್ಯುಲೇಶನ್ ಅನ್ನು ಬಿಡುಗಡೆ ಮಾಡಿದೆ. ಜ್ವಾಲಾಮುಖಿ ಬೂದಿ 1-2 ಗಂಟೆಗಳಲ್ಲಿ ಟೋಕಿಯೊವನ್ನು ತಲುಪಬಹುದು ಎಂದು ವಿಡಿಯೋ ಎಚ್ಚರಿಸಿದೆ. ಕನಿಷ್ಠ ಬೂದಿ ಸಂಗ್ರಹವಾದರೂ ರನ್ವೇಗಳು ಮತ್ತು ಹಳಿಗಳನ್ನು ನಿಷ್ಟ್ರಯೋಜಕವಾಗಿಸಬಹುದು ಎಂದು ಸಿಮ್ಯುಲೇಶನ್ ಹೇಳುತ್ತದೆ. 2-10 ಸೆಂ.ಮೀ. ಬೂದಿ ಸಂಗ್ರಹವಾಗುವ ನಿರೀಕ್ಷೆಯಿದೆ ಮತ್ತು ರಾಜಧಾನಿ ನಗರದ ಪಶ್ಚಿಮ ಭಾಗದಲ್ಲಿ 30 ಸೆಂ.ಮೀ. ವರೆಗೆ ಬೂದಿ ಕಾಣಿಸಬಹುದು ಎಂದು ವೀಡಿಯೊ ಹೇಳುತ್ತದೆ.
ಟೋಕಿಯೊ ಮಹಾನಗರ ಸರ್ಕಾರ ಬಿಡುಗಡೆ ಮಾಡಿದ ಈ ವೀಡಿಯೊ ಜಾಗೃತಿ ಮೂಡಿಸಲು ಮತ್ತು ಈ ದುರಂತವನ್ನು ತಡೆಗಟ್ಟುವ ಕ್ರಮಗಳ ಅಗತ್ಯವನ್ನು ಎತ್ತಿ ತೋರಿಸುತ್ತದೆ. ಹಾಗಂತ, ಮೌಂಟ್ ಫ್ಯೂಜಿ ಶೀಘ್ರದಲ್ಲೇ ಸ್ಫೋಟಗೊಳ್ಳುವುದಿಲ್ಲ. ವೀಡಿಯೊದ ಪ್ರಕಾರ, ರೈಲು ಹಳಿಗಳು ಮತ್ತು ರನ್ವೇಗಳಲ್ಲಿ ಬೂದಿ ಬಿದ್ದರೆ ರೈಲುಗಳು ಮತ್ತು ವಿಮಾನಗಳು ನಿಲ್ಲುತ್ತವೆ. ಗೋಚರತೆ ಕಡಿಮೆಯಾಗುವುದು ಮತ್ತು ಜಾರುವ ರಸ್ತೆಗಳಿಂದಾಗಿ ವಾಹನಗಳ ಚಾಲನೆ ಅಪಾಯಕಾರಿಯಾಗುತ್ತದೆ. ಒದ್ದೆಯಾದ ಬೂದಿಯಿಂದಾಗಿ ವಿದ್ಯುತ್ ಮಾರ್ಗಗಳು ಅಡ್ಡಿಪಡಿಸಲ್ಪಡುತ್ತವೆ, ಇದು ವ್ಯಾಪಕ ವಿದ್ಯುತ್ ಕಡಿತಕ್ಕೆ ಕಾರಣವಾಗುತ್ತದೆ. ಫೋನ್ ಮತ್ತು ಇಂಟರ್ನೆಟ್ ಸೇವೆಗಳು ಸಹ ಅಡ್ಡಿಪಡಿಸಲ್ಪಡುತ್ತವೆ.
ಜ್ವಾಲಾಮುಖಿ ಬೂದಿ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ಜನರು ಕಿರಿಕಿರಿ ಮತ್ತು ಉಸಿರಾಟದ ತೊಂದರೆಗಳಿಂದ ಬಳಲಬಹುದು, ವಿಶೇಷವಾಗಿ ಆಸ್ತಮಾದಂತಹ ಸಮಸ್ಯೆ ಇರುವ ಜನರು ಮತ್ತಷ್ಟು ಬಳಲಬಹುದು. ಅಂಗಡಿಗಳಲ್ಲಿ ಆಹಾರ ಮತ್ತು ಸರಬರಾಜುಗಳು ಬೇಗನೆ ಖಾಲಿಯಾಗುತ್ತವೆ ಮತ್ತು ಅಧಿಕಾರಿಗಳು ಜನರಿಗೆ ಕನಿಷ್ಠ ಮೂರು ದಿನಗಳವರೆಗೆ ಅಗತ್ಯ ವಸ್ತುಗಳನ್ನು ಸಂಗ್ರಹಿಸಿಟ್ಟುಕೊಳ್ಳಲು ಸಲಹೆ ನೀಡಬಹುದು ಎಂದು ಇದು ವಿವರಿಸಿದೆ.
 ರಚಿಸಿದ ವೀಡಿಯೊವನ್ನು ಬಿಡುಗಡೆ ಮಾಡಿತು){kind=link}