Toilet: ಟಾಯ್ಲೆಟ್ ಮೇಲೆ ಹೆಚ್ಚು ಹೊತ್ತು ಕುಳಿತರೆ ಏನಾಗುತ್ತದೆ ಗೊತ್ತಾ? : ಖಂಡಿತ ಈ ರೋಗಗಳು ಬರುತ್ತವೆ

Toilet: ಹಲವರಿಗೆ ಮೊಬೈಲ್ ಹಿಡಿದುಕೊಂಡು ಶೌಚಾಲಯಕ್ಕೆ ಹೋಗುವ ಅಭ್ಯಾಸವಿದೆ. ಇನ್ನು ಕೆಲವರು ಸಮಯ ಉಳಿಸಲು ಟಾಯ್ಲೆಟ್ ಸೀಟ್ ಮೇಲೆ ಕುಳಿತು ದಿನಪತ್ರಿಕೆ ಓದುತ್ತಾರೆ. ಅನೇಕರಿಗೆ ಇದರಿಂದಾಗಿ ಶೌಚಾಲಯದಲ್ಲಿ ಎಷ್ಟು ಹೊತ್ತು ಇದ್ದೇವೆ ಎಂಬುದೇ ತಿಳಿಯುವುದಿಲ್ಲ. ಆದರೆ ಟಾಯ್ಲೆಟ್ ಅಥವಾ ವಾಶ್ ರೂಂನಲ್ಲಿ ಹೆಚ್ಚು ಹೊತ್ತು ಕುಳಿತುಕೊಳ್ಳುವುದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಇದನ್ನೂ ಓದಿ: Dubai Rain: ವರುಣನ ಆರ್ಭಟಕ್ಕೆ ದುಬೈ ಒದ್ದಾಟ; ವಿಮಾನ ನಿಲ್ದಾಣ ಜಲಾವೃತ; ಶಾಲೆಗಳಿಗೆ ರಜೆ, ಜನಜೀವನ ಅಸ್ತವ್ಯಸ್ಥ

ಆರೋಗ್ಯ ತಜ್ಞರ ಪ್ರಕಾರ, ಟಾಯ್ಲೆಟ್ ಸೀಟ್ ಮೇಲೆ 10 ನಿಮಿಷಗಳಿಗಿಂತ ಹೆಚ್ಚು ಕಾಲ ಕುಳಿತುಕೊಳ್ಳುವುದು ಆರೋಗ್ಯಕ್ಕೆ ತುಂಬಾ ಅಪಾಯಕಾರಿ. ಟಾಯ್ಲೆಟ್ ಸೀಟ್ ಮೇಲೆ ದೀರ್ಘಕಾಲ ಕುಳಿತುಕೊಳ್ಳುವುದು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಇದು ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ.

ಇದನ್ನೂ ಓದಿ: Ayodhya: ಬಾಲ ರಾಮನಿಗೆ ಇಂದು ಸೂರ್ಯ ತಿಲಕ

ಈ ಅಭ್ಯಾಸವು ಕೆಳಗಿನ ಸಮಸ್ಯೆಗಳಿಗೆ ಕಾರಣವಾಗುತ್ತದೆ :

ಮೂಲವ್ಯಾಧಿ ಸಮಸ್ಯೆ : ಟಾಯ್ಲೆಟ್ ಸೀಟ್ ಮೇಲೆ ಹೆಚ್ಚು ಹೊತ್ತು ಕುಳಿತರೆ ಮೂಲವ್ಯಾಧಿ ಬರಬಹುದು ಎನ್ನುತ್ತಾರೆ ಆರೋಗ್ಯ ತಜ್ಞರು. ಟಾಯ್ಲೆಟ್ ಸೀಟ್ ಮೇಲೆ ಕುಳಿತುಕೊಳ್ಳುವುದರಿಂದ ಗುದದ್ವಾರದ ಮೇಲೆ ಹೆಚ್ಚಿನ ಒತ್ತಡ ಬೀಳುತ್ತದೆ. ಇದು ಊತ ಮತ್ತು ಉಂಡೆಗಳನ್ನೂ ಉಂಟುಮಾಡುತ್ತದೆ. ಈ ಗಡ್ಡೆಗಳು ಮೂಲವ್ಯಾಧಿಯಾಗಿ ಬದಲಾಗುತ್ತವೆ. ಆದ್ದರಿಂದ ಈ ಅಭ್ಯಾಸವನ್ನು ತ್ಯಜಿಸುವುದು ಉತ್ತಮ.

ಸೋಂಕಿನ ಅಪಾಯ : ಶೌಚಾಲಯದ ಒಳಗೆ, ಆಸನದ ಮೇಲೆ ಅನೇಕ ರೀತಿಯ ಅಪಾಯಕಾರಿ ಬ್ಯಾಕ್ಟಿರಿಯಾಗಳಿವೆ. ಇವುಗಳು ಸಾಂಕ್ರಾಮಿಕ ರೋಗಗಳ ಅಪಾಯವನ್ನುಂಟುಮಾಡುತ್ತವೆ. ಅದರಲ್ಲೂ ಮೊಬೈಲ್ ಅಥವಾ ನ್ಯೂಸ್ ಪೇಪರ್ ಹಿಡಿದು ಕುಳಿತಾಗ ಈ ಬ್ಯಾಕ್ಟಿರಿಯಾ ಮೊಬೈಲ್ ಮತ್ತು ಪೇಪರ್ ಗೆ ಅಂಟಿಕೊಳ್ಳುತ್ತದೆ. ನಾವೇ ಮೊಬೈಲ್ ಕ್ಲೀನ್ ಮಾಡುವುದಿಲ್ಲ. ಇದರಿಂದ ಸೋಂಕು ಹರಡುವ ಅಪಾಯವಿದೆ. ಅದಕ್ಕಾಗಿಯೇ ನಿಮ್ಮ ಮೊಬೈಲ್ ಅನ್ನು ಶೌಚಾಲಯಕ್ಕೆ ತೆಗೆದುಕೊಳ್ಳಬೇಡಿ.

ಜೀರ್ಣಕ್ರಿಯೆಯಲ್ಲಿ ತೊಂದರೆಗಳು : ಹೊಟ್ಟೆ ಶುಚಿ ಮಾಡಿಕೊಳ್ಳಲು ಶೌಚಾಲಯದಲ್ಲಿ ಹೆಚ್ಚು ಹೊತ್ತು ಕುಳಿತರೆ ತೊಂದರೆಯಾಗುತ್ತದೆ. ವಾಸ್ತವವಾಗಿ, ಟಾಯ್ಲೆಟ್ ಸೀಟ್ ಮೇಲೆ ದೀರ್ಘಕಾಲ ಅದೇ ಭಂಗಿಯಲ್ಲಿ ಕುಳಿತುಕೊಳ್ಳುವುದು ನಿಮ್ಮ ಹೊಟ್ಟೆಯ ಮೇಲೆ ಹೆಚ್ಚಿನ ಒತ್ತಡವನ್ನು ಉಂಟುಮಾಡುತ್ತದೆ. ಇದರಿಂದ ಹೊಟ್ಟೆನೋವು ಮತ್ತು ಮಲಬದ್ಧತೆಯಂತಹ ಸಮಸ್ಯೆಗಳು ಉಂಟಾಗುತ್ತವೆ.

ಬೆನ್ನು ನೋವು : ಟಾಯ್ಲೆಟ್ ಸೀಟ್ ಮೇಲೆ ದೀರ್ಘಕಾಲ ಕುಳಿತುಕೊಳ್ಳುವುದರಿಂದ ಬೆನ್ನು ಮತ್ತು ಸೊಂಟದ ಸ್ನಾಯುಗಳ ಮೇಲೆ ಹೆಚ್ಚಿನ ಒತ್ತಡ ಬೀಳುತ್ತದೆ. ಇದು ಸ್ನಾಯುಗಳಲ್ಲಿ ಊತ ಮತ್ತು ಸೆಳೆತವನ್ನು ಉಂಟುಮಾಡುತ್ತದೆ. ಲಘುವಾಗಿ ತೆಗೆದುಕೊಂಡರೆ, ಈ ಸಮಸ್ಯೆ ಹೆಚ್ಚಾಗುತ್ತದೆ.

ನರಗಳ ಒತ್ತಡ : ಟಾಯ್ಲೆಟ್ ಸೀಟಿನ ಮೇಲೆ ಒಂದು ಭಂಗಿಯಲ್ಲಿ ದೀರ್ಘಕಾಲ ಕುಳಿತುಕೊಳ್ಳುವುದರಿಂದ ನರಗಳ ಮೇಲೆ ಒತ್ತಡ ಉಂಟಾಗುತ್ತದೆ. ಇದು ಪಾದಗಳಲ್ಲಿ ಮಾತ್ರವಲ್ಲದೆ ತೋಳುಗಳು ಮತ್ತು ಕತ್ತಿನ ನರಗಳಲ್ಲಿಯೂ ಕಂಡುಬರುತ್ತದೆ. ಅದಕ್ಕಾಗಿಯೇ ನರಗಳ ಸಮಸ್ಯೆ ಇರುವವರು ಶೌಚಾಲಯದಲ್ಲಿ ಹೆಚ್ಚು ಹೊತ್ತು ಕುಳಿತುಕೊಳ್ಳಬಾರದು.