Aeolus Satellite : ಮನುಕುಲಕ್ಕೆ ಹೊಸ ಕಂಟಕ: ಇನ್ನು ಕೆಲವೇ ವಾರಗಳಲ್ಲಿ ಭೂಮಿಗೆ ಅಪ್ಪಳಿಸಲಿದೆ ಭಾರೀ ಗಾತ್ರದ ಉಪಗ್ರಹ !
Latest news Aeolus Satellite huge satellite will come to earth in a few weeks
![Aeolus Satellite](https://hosakannada.com/wp-content/uploads/2023/07/WhatsApp-Image-2023-07-15-at-4.17.08-PM.jpeg)
Aeolus Satellite : ಮನುಕುಲಕ್ಕೆ ಹೊಸ ಕಂಟಕವೊಂದು ಬಂದೊದಗಿದೆ. ಇನ್ನು ಕೆಲವೇ ವಾರಗಳಲ್ಲಿ ಕಾರಿನ ಗಾತ್ರದ ಉಪಗ್ರಹ ಭೂಮಿಗೆ ಅಪ್ಪಳಿಸಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಈ ಹಿನ್ನೆಲೆ ಜನರ ಜೀವ, ಮೂಲಸೌಕರ್ಯಕ್ಕೂ ಅಪಾಯ ಉಂಟಾಗುವ ಸಾಧ್ಯತೆ ಇದೆ.
![](https://hosakannada.com/wp-content/uploads/2024/07/First.jpeg)
ಅಯೋಲಸ್ ಉಪಗ್ರಹ (Aeolus Satellite) 1.3 ಟನ್ ತೂಕದ ಇಂಧನ ಹೊಂದಿದ್ದು, ಸದ್ಯ ಇದು ಖಾಲಿಯಾಗುತ್ತಿದೆ. ಹಾಗಾಗಿ ನಿಷ್ಕ್ರಿಯಗೊಂಡ ಬಾಹ್ಯಾಕಾಶ ನೌಕೆ ಅಯೋಲಸ್ ಕೆಲವೇ ವಾರಗಳಲ್ಲಿ ಭೂಮಿಗೆ ಅಪ್ಪಳಿಸಲಿದೆ. ಅಲ್ಲದೆ, ಈ ಉಪಗ್ರಹ ದಿನಕ್ಕೆ 1 ಕಿಮೀ ನಷ್ಟು ವೇಗದಲ್ಲಿ ಭೂಮಿಯ ಕಡೆಗೆ ಬೀಳುತ್ತಿದೆ ಎಂದು ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆ (ESA) ತಿಳಿಸಿದೆ.
![](https://hosakannada.com/wp-content/uploads/2024/07/Middle.jpeg)
ಹೆಚ್ಚಿನ ಅಯೋಲಸ್ ಉಪಗ್ರಹದ ಭಾಗಗಳು ವಾತಾವರಣದಲ್ಲಿ ಸುಟ್ಟುಹೋಗುತ್ತದೆ. ಆದರೆ ಕೆಲವು ಅವಶೇಷಗಳು ಜುಲೈ ಅಂತ್ಯದಲ್ಲಿ ಅಥವಾ ಆಗಸ್ಟ್ ಆರಂಭದಲ್ಲಿ ಭೂಮಿಯ ಮೇಲ್ಮೈಯನ್ನು ತಲುಪಬಹುದು ESA ಹೇಳಿದೆ. ಈ ಹಿನ್ನೆಲೆ ಮೊದಲ ಬಾರಿಗೆ ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆ ಬಾಹ್ಯಾಕಾಶ ನೌಕೆಯನ್ನು ಅದರ ಉಪಗ್ರಹದಲ್ಲಿ ಉಳಿದಿರುವ ಇಂಧನವನ್ನು ಬಳಸಿಕೊಂಡು ಅದನ್ನು ದೂರದ ಪ್ರದೇಶದ ಕಡೆಗೆ ಕೊಂಡೊಯ್ಯುವ ಪ್ರಯತ್ನ ಮಾಡುತ್ತಿದೆ ಎಂದು ವರದಿ ತಿಳಿಸಿದೆ.
ಉಪಗ್ರಹ ಅಯೋಲಸ್ 5 ವರ್ಷಗಳ ಕಾಲ 320 ಕಿಮೀ ಎತ್ತರದಲ್ಲಿ ಭೂಮಿಯ ಕಕ್ಷೆಯಲ್ಲಿ ಸುತ್ತಿದೆ. ಹವಾಮಾನ ಮುನ್ಸೂಚನೆಗಳನ್ನು ಸುಧಾರಿಸಲು ಅಯೋಲಸ್ ವಾತಾವರಣದಲ್ಲಿ ಗಾಳಿಯನ್ನು ಅಳೆಯುತ್ತಿತ್ತು. ಭೂಮಿಯ ಗುರುತ್ವಾಕರ್ಷಣೆ ಹಾಗೂ ಸೌರ ಚಟುವಟಿಕೆಯ ಕಾರಣದಿಂದಾಗಿ ಭೂಮಿಯ ವಾತಾವರಣವು ಬಾಹ್ಯಾಕಾಶ ನೌಕೆಯನ್ನು ಕೆಳಕ್ಕೆ ಎಳೆಯುತ್ತಿದೆ ಎನ್ನಲಾಗಿದೆ. ಆದರೆ, ಈ ಬಾಹ್ಯಾಕಾಶ ನೌಕೆ ಭೂಮಿಗೆ ಬೀಳುವ ನಿರ್ದಿಷ್ಟ ಸಮಯವನ್ನು ಹೇಳಲು ಸಾಧ್ಯವಿಲ್ಲ ಎಂದು ESA ಎಚ್ಚರಿಕೆಯ ಕರೆ ನೀಡಿದೆ.
ಇದನ್ನು ಓದಿ: Gaming Laptop: ಈ ಗೇಮಿಂಗ್ ಲ್ಯಾಪ್ಟಾಪ್ ನಿಮಗಾಗಿ, ಆಫರ್ ಅನ್ನು ಮಿಸ್ ಮಾಡಿಕೊಳ್ಳಬೇಡಿ!