Baby Born with Two Penis: ಎರಡು ಲಿಂಗಗಳೊಂದಿಗೆ ಜನಿಸಿದ ಮಗು, ಫೋಟೋ ವೈರಲ್!
Baby Born with Two Penis: ಮಾನವ ಇತಿಹಾಸದಲ್ಲಿ ಈ ರೀತಿಯ ಪ್ರಕರಣಗಳು ಅಪರೂಪವಾಗಿ ನಡೆಯುತ್ತದೆ. 2 ಲಿಂಗಗಳೊಂದಿಗೆ ಮಗು ಜನಿಸಿದ (Baby Born with Two Penis) ಘಟನೆಯು ಪಾಕಿಸ್ತಾನದಲ್ಲಿ ಮುನ್ನೆಲೆಗೆ ಬಂದಿದೆ. ಇಸ್ಲಾಮಾಬಾದ್‌ನ ಶಸ್ತ್ರಚಿಕಿತ್ಸಕರು ಇಲ್ಲಿ ಎರಡು ಲಿಂಗಗಳನ್ನು ಹೊಂದಿರುವ ಮಗು ಜನಿಸಿದ್ದು, ಆಶ್ಚರ್ಯಕರವಾಗಿ ಎರಡೂ ಲಿಂಗಗಳು ಮೂತ್ರ ವಿಸರ್ಜನೆ ಮಾಡುವ ಸಾಮರ್ಥ್ಯವನ್ನು ಹೊಂದಿವೆ ಎಂದು ಹೇಳಲಾಗಿದೆ. ಮಗುವಿನ ಮೊದಲ ಶಿಶ್ನವು ಎರಡನೆಯದಕ್ಕಿಂತ 1 ಸೆಂ.ಮೀ ಉದ್ದವಾಗಿದೆ.
ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಸರ್ಜರಿ ಕೇಸ್‌ ಈ ಪ್ರಕರಣದ ಬಗ್ಗೆ ಹೇಳುತ್ತಾ, “ಈ ಪ್ರಕರಣವು ತುಂಬಾ ಅಸಾಮಾನ್ಯವಾಗಿದೆ ಎಂದು ಹೇಳಲಾಗಿದೆ. ಇಂತಹ ಪ್ರಕರಣವನ್ನು ಡೆಫಾಲಿಯಾ ಎಂದು ಕರೆಯಲಾಗುತ್ತದೆ. ಇಡೀ ಮಾನವ ಇತಿಹಾಸದಲ್ಲಿ ಇಲ್ಲಿಯವರೆಗೆ ಕೇವಲ 100 ಪ್ರಕರಣಗಳು ವರದಿಯಾಗಿವೆ. ಈ ಸಂದರ್ಭದಲ್ಲಿ, ಜನಿಸಿದ ಮಕ್ಕಳ ಗುದದ್ವಾರ ಅಥವಾ ಗುದನಾಳವು ಪರಿಣಾಮ ಬೀರುತ್ತದೆ. ಆದರೆ ಈ ಮಗು ಸಂಪೂರ್ಣ ಆರೋಗ್ಯವಾಗಿದೆ” ಎಂದು ಹೇಳಿದ್ದಾರೆ.
36 ವಾರಗಳ ಕಾಲ ಗರ್ಭದಲ್ಲಿದ್ದ ನಂತರ ಈ ಮಗು ಜನಿಸಿತು. ಈ ಮಗುವಿನ ಪೋಷಕರಿಗೆ 2 ಲಿಂಗಗಳ ಬಗ್ಗೆ ತಿಳಿದ ತಕ್ಷಣ, ಅವರು ಈ ಮಗುವನ್ನು ಪಾಕಿಸ್ತಾನ ವೈದ್ಯಕೀಯ ವಿಜ್ಞಾನ ಸಂಸ್ಥೆಗೆ ದಾಖಲಿಸಿದ್ದಾರೆ. ಮಗುವಿನ ಕುಟುಂಬದಲ್ಲಿ ಈ ರೀತಿ ನಡೆದ ಇತಿಹಾಸವಿಲ್ಲ. ವೈದ್ಯಕೀಯ ಪರೀಕ್ಷೆಯಲ್ಲಿ ಮಗು ಆರೋಗ್ಯವಾಗಿರುವುದು ಕಂಡುಬಂದಿದೆ. ಮಗುವಿನ ಇತರ ಭಾಗದಲ್ಲಿ ಯಾವುದೇ ಸಮಸ್ಯೆ ಕಂಡುಬಂದಿಲ್ಲ. ಮಗುವಿಗೆ ಎರಡು ಶಿಶ್ನಗಳಿವೆ ಮತ್ತು ಮೊದಲನೆಯದು ಇನ್ನೊಂದಕ್ಕಿಂತ 1 ಸೆಂ.ಮೀ ಉದ್ದವಾಗಿದೆ. ಮೊದಲ ಶಿಶ್ನದ ಉದ್ದ 2.5 ಸೆಂ ಮತ್ತು ಎರಡನೆಯದು 1.5 ಸೆಂ.ಮೀ. ಉದ್ದವಿದೆ.
ಸ್ಕ್ಯಾನಿಂಗ್ ಮಾಡಿದಾಗ, ಮಗು ಎರಡು ಮೂತ್ರನಾಳಗಳಿಗೆ ಒಂದೇ ಮೂತ್ರಕೋಶವನ್ನು ಹೊಂದಿದ್ದಾಗಿ ಕಂಡುಬಂದಿದೆ. ಇದರರ್ಥ ಮಗು ಎರಡು ಲಿಂಗಗಳಿಂದ ಮೂತ್ರ ವಿಸರ್ಜಿಸಬಹುದು. ಶಸ್ತ್ರಚಿಕಿತ್ಸಕರು ಮಗುವಿನ ಕರುಳಿನ ಒಂದು ತುದಿಯನ್ನು ಹೊಟ್ಟೆಯ ಕೆಳಗಿನ ಎಡಭಾಗದಲ್ಲಿರುವ ರಂಧ್ರದ ಮೂಲಕ ತಿರುಗಿಸಿದ್ದಾರೆ. ಈ ಮೂಲಕ ಮಲವಿಸರ್ಜನೆ ಮಾಡಬಹುದು ಎಂದು ಹೇಳಿದ್ದಾರೆ.
ಈ ಶಸ್ತ್ರಚಿಕಿತ್ಸೆಯ ನಂತರ, ವೈದ್ಯರು ಮಗುವನ್ನು ಎರಡು ದಿನಗಳ ಕಾಲ ನಿಗಾದಲ್ಲಿಟ್ಟರು. ಬಳಿಕ ಮಗುವನ್ನು ಡಿಸ್ಚಾರ್ಜ್ ಮಾಡಲಾಗಿದೆ ಎಂದು ವರದಿಯಾಗಿದೆ.
