ಅನಧಿಕೃತ ಎಂದು ಹೇಳಲಾಗಿರುವ ದೇವಸ್ಥಾನ,ಚರ್ಚ್,ಮಸೀದಿಗಳ ತೆರವಿಗೆ ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ರವಿಕುಮಾರ್ ಅವರೇ ಎಲ್ಲಾ ಜಿಲ್ಲಾಧಿಕಾರಿಗಳಿಗೆ ಆದೇಶ ಹೊರಡಿಸಿದ್ದಾರೆ ಎಂಬ ದಾಖಲೆ ಮಾಧ್ಯಮಗಳಿಗೆ ದೊರೆತಿದೆ.
ಈ ಆದೇಶದ ಪ್ರಕಾರ ತಾಲೂಕಿನಲ್ಲಿ ವಾರಕ್ಕೆ ಕನಿಷ್ಟ 1 ದೇಗುಲ ತೆರವು ಮಾಡಬೇಕು, ನಗರಗಳಲ್ಲಿ ಪ್ರತಿ ವಿಭಾಗಕ್ಕೆ ವಾರಕ್ಕೊಂದು ದೇಗುಲ ತೆರವು ಗೊಳಿಸಬೇಕು ಎಂದು ಆದೇಶಿಲಾಗಿದ್ದು, ಜುಲೈ 15ರಿಂದಲೇ ತೆರವು ಕಾರ್ಯ ಆರಂಭ ಮಾಡಬೇಕು, ಪ್ರತಿ ತಿಂಗಳು ಗೃಹ ಇಲಾಖೆಗೆ ತೆರವಿನ ರಿಪೋರ್ಟ್ ನೀಡಬೇಕು ಎಂದು ಎಲ್ಲಾ ಡಿಸಿಗಳಿಗೆ ಖುದ್ದು ಮುಖ್ಯ ಕಾರ್ಯದರ್ಶಿ ರವಿಕುಮಾರ್ ಆದೇಶಿಸಿದ್ದು, ಪ್ರಕರಣದ ತೀವ್ರತೆ ಬಿಸಿ ಮುಟ್ಟಿಸುತ್ತಿದ್ದಂತೆ ಬಿಜೆಪಿ ಸರ್ಕಾರ ಅಧಿಕಾರಿಗಳ ಮೇಲೆ ಗೂಬೆ ಕೂರಿಸುತ್ತಿದೆ.
