ಸಾಮಾಜಿಕ ಜಾಲತಾಣದ ಮೂಲಕ ದೇಶ ಆಧುನಿಕವಾಗಿ ಹೆಚ್ಚು ಮುಂದೆ ಬಂದಿದ್ದು, ಎಲ್ಲೋ ಪಾಶ್ಚತ್ಯ ದೇಶಗಳಲ್ಲಿದ್ದ ಆ ಟ್ರೆಂಡ್ ಇಂದು ಭಾರತದ ಮಡಿಲಿಗೂ ಕಾಲಿರಿಸಿದ್ದು ಇಲ್ಲಿನ ಮಹಿಳೆಯರು ತಮ್ಮ ಆಗುಹೋಗುಗಳನ್ನು, ಸಮಸ್ಯೆಗಳನ್ನು ಯಾವುದೇ ಮುಚ್ಚುಮರೆಯಿಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
ಅಂತೆಯೇ ಇಲ್ಲೊಬ್ಬ ಮಹಿಳೆ ಕೂಡ ತನ್ನ ಮಾಜಿ ಪತಿಯ ಬಗೆಗಿನ ರಹಸ್ಯವೊಂದನ್ನು ಜಾಲತಾಣ ಪ್ರಿಯರ ಮುಂದೆ ಬಿಚ್ಚಿಟ್ಟಿದ್ದು ಸದ್ಯ ಆ ವೀಡಿಯೋ ಭಾರೀ ವೈರಲ್ ಆಗಿದೆ.ಅಮೆರಿಕನ್ ಮೂಲದ ಮಹಿಳೆ ತನ್ನ ಗಂಡನಿಂದ ಮೋಸ ಹೋದ ಸ್ಟೋರಿ ಹೇಳಿದಲ್ಲದೇ, ಸದ್ಯದಲ್ಲಿ ಆ ನಗರವನ್ನು ತೊರೆದು ಬೇರೊಂದು ನಗರಕ್ಕೆ ಎಂಟ್ರಿ ಕೊಡಲಿದ್ದಾರಂತೆ.ನಗರವನ್ನೇ ತೊರೆಯುವಷ್ಟು ಮಟ್ಟಿನ ರಹಸ್ಯವಾದರೂ ಏನು ಎಂಬುವುದು ಎಲ್ಲರ ಕುತೂಹಲಕ್ಕೆ ಕಾರಣವಾಗಿದ್ದಂತೂ ಸುಳ್ಳಲ್ಲ.
ಅಮೆರಿಕನ್ ಮೂಲದ ಆ ಮಹಿಳೆಯ ಮಾಜಿ ಪತಿಗೆ ಬೇರೊಂದು ಅಕ್ರಮ ಸಂಪರ್ಕದ ಮೂಲಕ ಈಗಾಗಲೇ 09 ಜನ ಮಕ್ಕಳಿದ್ದಾರಂತೆ. ಈ ಮಹಿಳೆಗೆ 4 ಜನ ಮಕ್ಕಳಿದ್ದಾರಂತೆ. ಮದುವೆಯಾಗಿಯೂ ಬೇರೆ ಸಂಪರ್ಕ ಬೆಳೆಸಿದ ಆತನನ್ನು ತೊರೆದ ಬಳಿಕ, ತಾನು ಅದೇ ಬಡಾವಣೆಯಲ್ಲಿ ಇದ್ದರೆ ನನ್ನ ಮಕ್ಕಳ ಭವಿಷ್ಯಕ್ಕೆ ಆ 09 ಜನ ಸವತಿ ಮಕ್ಕಳು ಅಡ್ಡಬರಬಹುದೇನೋ ಎಂಬ ಚಿಂತೆಯಿಂದ ನಗರವನ್ನೇ ತ್ಯಜಿಸಲು ಮುಂದಾಗಿದ್ದಾರೆ ಮಹಿಳೆ.
ಒಟ್ಟಿನಲ್ಲಿ ತನ್ನ ಗಂಡನ ಬಗೆಗಿನ ಆ 09 ರ ರಹಸ್ಯ ಬಿಚ್ಚಿಟ್ಟ ಮೇಲೇಯಂತೂ ಆಕೆಯ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಸದ್ದುಮಾಡುತ್ತಿದೆ.
