Private Bus: ದೀಪಾವಳಿ ಹಬ್ಬಕ್ಕೆಂದು ರಾಜ್ಯದ ವಿವಿಧತೆಗಳಲ್ಲಿ ನೆಲೆಸಿರುವ ಜನರು ತಮ್ಮ ಮೂಲ ಊರುಗಳಿಗೆ ತೆರಳುತ್ತಿದ್ದಾರೆ. ದೀಪಾವಳಿ ಹಬ್ಬಕ್ಕೆ ಸಾಲು ಸಾಲು ರಜೆ ಇರುವ ಕಾರಣ ಜನರಾದ ಟಣೆ ಹೆಚ್ಚಾಗುತ್ತದೆ ಎಂದು ಅರಿತಿರುವ ಕೆ ಎಸ್ ಆರ್ ಟಿ ಸಿ ಸಂಸ್ಥೆಯು ಇದೀಗ ಹೆಚ್ಚುವರಿ ಬಸ್ ಗಳ ವ್ಯವಸ್ಥೆಯನ್ನು ಮಾಡಿದೆ. ಆದರೆ ಇದರ ಬೆನ್ನಲ್ಲೇ ಖಾಸಗಿ ಬಸ್ ಗಳು ತಮ್ಮ ಟಿಕೆಟ್ ದರವನ್ನು ದುಪ್ಪಟ್ಟು ಏರಿಕೆ ಮಾಡಿ ದೀಪಾವಳಿಗೆ ಮನೆಗೆ ಹೊರಟವರಿಗೆ ಶಾಕ್ ನೀಡಿದೆ.
ಹೌದು, ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಊರಿಗೆ ಹೊರಟ ಪ್ರಯಾಣಿಕರಿಗೆ ಖಾಸಗಿ ಬಸ್ ಮಾಲೀಕರು ಶಾಕ್ ನೀಡಿದ್ದು, ಇದೇ ಶುಕ್ರವಾರ ಬೆಂಗಳೂರಿನಿಂದ ಕರ್ನಾಟಕದ ವಿವಿಧ ಊರುಗಳಿಗೆ ಹೋಗುವ ಖಾಸಗಿ ಬಸ್ಗಳು ಟಿಕೆಟ್ ದರವನ್ನು ದುಪ್ಪಟು ಮಾಡಿವೆ. ಇನ್ನೂ ಕೆಲ ಬಸ್ಗಳು 50% ಟಿಕೆಟ್ ದರ ಏರಿಕೆ ಮಾಡಿವೆ ಎಂದು ಹೇಳಲಾಗುತ್ತಿದೆ.
ಟಿಕೆಟ್ ದರ ಎಷ್ಟು ಏರಿಕೆ?
* ಬೆಂಗಳೂರು-ಹುಬ್ಬಳ್ಳಿ ಪ್ರಸ್ತುತ ದರ 900-1,000 ರೂ. ಇದ್ದದ್ದು 2,500-3,000 ರೂ.ಗೆ ಏರಿಕೆ ಆಗಿದೆ.
* ಬೆಂಗಳೂರು -ಬೆಳಗಾವಿ 1,500-1,600ರೂ. ಇದ್ದದ್ದು, 2,600-4,000ರೂ. ಆಗಿದೆ.
* ಬೆಂಗಳೂರು-ಗದಗ ಹಳೆ ದರ: 1,100-1,200ರೂ. ಹೊಸ ದರ: 1,800-2,000ರೂ.
* ಬೆಂಗಳೂರು-ಮಂಗಳೂರು ಹಳೆ ದರ: 1,300-1,400ರೂ. ಹೊಸ ದರ: 2,300-2,700ರೂ.ಗೆ ಏರಿಕೆಯಾಗಿದೆ.
* ಬೆಂಗಳೂರು-ಬೀದರ್ 2,500 ರೂ.ನಿಂದ 3,500 ರೂ.ಬೆಂಗಳೂರು-ರಾಯಚೂರು 1,900-2,700ರೂ.ವರೆಗೆ ಏರಿಕೆಯಾಗಿದೆ.
* ಬೆಂಗಳೂರು-ಕಲಬುರಗಿ 2,500-2,600ರೂ.ವರೆಗೆ ಏರಿಕೆಯಾಗಿದೆ.
