India’s jersey: ಪಾಕಿಸ್ತಾನದ ಲಾಹೋರ್ನ ಬೀದಿಗಳಲ್ಲಿ ಭಾರತೀಯ ಕ್ರಿಕೆಟ್ ತಂಡದ ಜೆರ್ಸಿಯನ್ನು ಧರಿಸಿ ನಡೆಯುವ ವೀಡಿಯೊವನ್ನು ಬ್ರಿಟಿಷ್ ಕಂಟೆಂಟ್ ಸೃಷ್ಟಿಕರ್ತರೊಬ್ಬರು ಪೋಸ್ಟ್ ಮಾಡಿದ ನಂತರ ಸಾಮಾಜಿಕ ಮಾಧ್ಯಮದಲ್ಲಿ ಕುತೂಹಲ ಹುಟ್ಟುಹಾಕಿದೆ. ಅಲೆಕ್ಸ್ ವಾಂಡರ್ಸ್ ಎಂದು ಗುರುತಿಸಲ್ಪಟ್ಟ ವ್ಯಕ್ತಿ ತನ್ನ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ಕ್ಲಿಪ್ ಅನ್ನು ಹಂಚಿಕೊಂಡಿದ್ದು, ಟೀಮ್ ಇಂಡಿಯಾದ ನೀಲಿ ಡ್ರೀಮ್ 11 ಜೆರ್ಸಿಯನ್ನು ಧರಿಸಿ ವ್ಯಕ್ತಿ ಆತ ಓಡಾಡಿದ್ದಾನೆ. ಆಗ ಪಾಕಿಸ್ತಾನದ ಸ್ಥಳೀಯ ವ್ಯಕ್ತಿಗಳು ನೀಡಿದ ಪ್ರಾಮಾಣಿಕ ಪ್ರತಿಕ್ರಿಯೆಗಳನ್ನು ಅವರು ಸೆರೆಹಿಡಿದಿದ್ದಾರೆ.
ಜನರ ಪ್ರತಿಕ್ರಿಯೆಯನ್ನು ತಿಳಿಯಲು ಮಾಡಿದ ಈ ವಿಡಿಯೋದಲ್ಲಿ, ಕೆಲವರು ಅವರನ್ನು ದಿಟ್ಟಿಸುತ್ತಿದ್ದರೆ, ಕೆಲವರು ಕೈ ಕುಲುಕುತ್ತಿರುವುದು ಕಂಡುಬಂದಿದೆ. 2.5 ಮಿಲಿಯನ್ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿರುವ ಈ ವೀಡಿಯೊದಲ್ಲಿ, ವಾಂಡರ್ಸ್ ಲಾಹೋರ್ನ ವಿವಿಧ ಪ್ರದೇಶಗಳಲ್ಲಿ ಅಡ್ಡಾಡುತ್ತಾ ಸ್ಥಳೀಯರನ್ನು ನಗುತ್ತಾ ಮತ್ತು ಕೈಗಳನ್ನು ಜೋಡಿಸಿ ಸ್ವಾಗತಿಸುತ್ತಿರುವುದು ಕಂಡುಬರುತ್ತದೆ. ಕ್ಲಿಪ್ನ ಆರಂಭದಲ್ಲಿ ಅವರು “ಕೆಲವು ವಿಚಿತ್ರ ನೋಟಗಳನ್ನು ಎದುರಿಸಿದ್ದಾರೆ” ಎಂದು ಹೇಳುವುದನ್ನು ಕೇಳಬಹುದು, ಆದರೆ ಪಾಕ್ ಜನರು ಶಾಂತ ವಿಶ್ವಾಸದಿಂದ ನಡೆದುಕೊಂಡಿದ್ದಾರೆ.
ವೀಡಿಯೊ ಮುಂದುವರೆದಂತೆ ಆಶ್ಚರ್ಯವನ್ನು ವ್ಯಕ್ತಪಡಿಸುತ್ತಾರೆ, “ಇಲ್ಲಿಯವರೆಗೆ ಒಳ್ಳೆಯದು, ಏನೂ ಆಗಲಿಲ್ಲ.” ಕೊನೆಯಲ್ಲಿ, ಅವರು ಅನುಭವವನ್ನು ಹೀಗೆ ಹೇಳುತ್ತಾರೆ, ಪಾಕಿಸ್ತಾನದಲ್ಲಿ ಭಾರತೀಯ ಟಿ-ಶರ್ಟ್ ಧರಿಸಿ ತಿರುಗಾಡಿದರೂ ಏನೂ ಆಗುವುದಿಲ್ಲ ಎಂದು ಆ ವ್ಯಕ್ತಿ ಹೇಳಿದ್ದಾರೆ. ಒಟ್ಟಿನಲ್ಲಿ ಸಾಂಪ್ರದಾಯಿಕ ವಿರೋಧಿಗಳಾದ ಭಾರತ ಮತ್ತು ಪಾಕಿಸ್ತಾನದ ಮಧ್ಯೆ ಬದ್ದ ದೇಶ ಇದೆ. ಆದರೆ, ಆಶ್ಚರ್ಯ ಎಂಬಂತೆ ಪಾಕಿ ಜನರು ಈ ವಿದೇಶಿ ವ್ಯಕ್ತಿಯನ್ನು ಭಾರತ ಕ್ರಿಕೆಟ್ ಟೀಮಿನ ಜೆರ್ಸಿ ಹಾಕಿದ ಕಾರಣಕ್ಕೆ ಕೋಪಗೊಂಡಿಲ್ಲ. ಒಂದುವೇಳೆ, ಭಾರತೀಯ ವ್ಯಕ್ತಿಯೊಬ್ಬ ಪಾಕಿಸ್ತಾನಕ್ಕೆ ಹೋಗಿ ಅಲ್ಲಿ ಭಾರತದ ಜೆರ್ಸಿ ಹಾಕಿ ಓಡಾಡಿದ್ದರೆ ಏನಾಗುತ್ತಿತ್ತು? ಅದೇ, ಒಂದುವೇಳೆ ನಮ್ಮಲ್ಲಿ ಯಾರಾದರೂ ಪಾಕ್ ಕ್ರಿಕೆಟ್ ತಂಡದ ಜೆರ್ಸಿ ಹಾಕಿಕೊಂಡು ರಸ್ತೆಗಿಳಿದರೆ ಏನಾಗುತ್ತಿತ್ತು ಅಂತ ನಮಗೆ ಗೊತ್ತೇ ಇದೆ!
