Kerala: ಕಳ್ಳಿಯೊಬ್ಬಳು ಮಗುವಿನ ಕುತ್ತಿಗೆಯಿಂದ ಚೈನ್ ಕದ್ದು ಅದನ್ನು ನುಂಗಿ, ಈಗ ಆಸ್ಪತ್ರೆ ಸೇರಿರುವ ಘಟನೆ ಒಂದು ಕೇರಳದ ನಿಲಂಬೂರ್ನಲ್ಲಿ ನಡೆದಿದೆ.
ಹೌದು, ನಿಲಂಬೂರ್ನ ಕ್ಲಿನಿಕ್ ಒಂದರಲ್ಲಿ ವೈದ್ಯರನ್ನು ನೋಡಲು ಬಂದಿದ್ದ ಮಗುವಿನ 3.5 ಗ್ರಾಂ ತೂಕದ ಚಿನ್ನದ ಸರವನ್ನು ಪಾಲೆಮಾಡ್ ಕಲ್ಲನ್ಕುನ್ನನ್ ನಿವಾಸಿ ಸಮೀನಾ (35) ಎನ್ನುವ ಮಹಿಳೆ ಕಿತ್ತು ನುಂಗಿದ್ದಾಳೆ. ಘಟನೆ ಬಳಿಕ ಪೊಲೀಸರು ಆಕೆಯನ್ನು ವಶಕ್ಕೆ ಪಡೆಡಿದ್ದಾರೆ.
ಇದೀಗ ನಿಲಂಬೂರ್ ಜಿಲ್ಲಾ ಆಸ್ಪತ್ರೆಗೆ ಕರೆದೊಯ್ದಿದ್ದು, ಅಲ್ಲಿ ಎಕ್ಸ್ರೇ ತೆಗೆದಾಗ, ಮಹಿಳೆಯ ಹೊಟ್ಟೆಯಲ್ಲಿ ಸರ ಇರುವುದು ಪತ್ತೆಯಾಗಿದೆ. ಸಧ್ಯ ಮಹಿಳೆ ಕೋಯಿಕ್ಕೋಡ್ ಮೆಡಿಕಲ್ ಕಾಲೇಜು ಆಸ್ಪತ್ರೆಯಲ್ಲಿ ನಿಗಾದಲ್ಲಿದ್ದಾಳೆ. ಆಕೆಯ ಹೊಟ್ಟೆಯಿಂದ ಸರವನ್ನು ಹೊರತೆಗೆಯಲು ಪೊಲೀಸರು ಹರಸಾಹಸ ಪಡುತ್ತಿದ್ದಾರೆ.
ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿ, ಕಸ್ಟಡಿಗೆ ಪಡೆದ ಪೊಲೀಸರು ಮತ್ತೊಮ್ಮೆ ಎನಿಮಾ ಕೊಡಿಸಿದರೂ ಸರ ಹೊರಬರಲಿಲ್ಲ. ಹೀಗಾಗಿ, ಮೊದಲು ಮಂಜೇರಿ ಮೆಡಿಕಲ್ ಕಾಲೇಜಿಗೆ, ನಂತರ ಗುರುವಾರ ಕೋಯಿಕ್ಕೋಡ್ ಮೆಡಿಕಲ್ ಕಾಲೇಜಿನ ಸರ್ಜರಿ ವಾರ್ಡ್ಗೆ ಆಕೆಯನ್ನು ಶಿಫ್ಟ್ ಮಾಡಲಾಗಿದೆ.
