Accident: ವಲಸಿಗರನ್ನು ಹೊತ್ತೊಯ್ಯುತ್ತಿದ್ದ ಹಡಗು ಸಮುದ್ರದಲ್ಲಿ ಮುಳುಗಿದ ಪರಿಣಾಮ 68 ಮಂದಿ ಸಾವನ್ನಪ್ಪಿ, 74 ಮಂದಿ ಕಾಣೆಯಾಗಿರುವ ಆಘಾತಕಾರಿ ಘಟನೆ ಯೆಮೆನ್ ಕರಾವಳಿಯಲ್ಲಿ ನಡೆದಿದೆ.
ಹಡಗು ಮುಳುಗಿ 68 ಆಫ್ರಿಕನ್ ವಲಸಿಗರು ಸಾವನ್ನಪ್ಪಿದ್ದಾರೆ ಮತ್ತು 74 ಜನರು ಕಾಣೆಯಾಗಿದ್ದಾರೆ ಎಂದು ವಿಶ್ವಸಂಸ್ಥೆಯ ವಲಸೆ ಸಂಸ್ಥೆ ತಿಳಿಸಿದೆ.
154 ಇಥಿಯೋಪಿಯನ್ ವಲಸಿಗರನ್ನು ಹೊತ್ತೊಯ್ಯುತ್ತಿದ್ದ ಹಡಗು ಭಾನುವಾರ ಮುಂಜಾನೆ ದಕ್ಷಿಣ ಯೆಮೆನ್ ಪ್ರಾಂತ್ಯದ ಅಬ್ಯಾನ್ನ ಅಡೆನ್ ಕೊಲ್ಲಿಯಲ್ಲಿ ಮುಳುಗಿತು ಎಂದು ಯೆಮೆನ್ನಲ್ಲಿನ ಅಂತರರಾಷ್ಟ್ರೀಯ ವಲಸೆ ಸಂಸ್ಥೆಯ ಮುಖ್ಯಸ್ಥ ಅಬ್ದುಸತ್ತರ್ ಎಸೋವ್ ಅಸೋಸಿಯೇಟೆಡ್ ಪ್ರೆಸ್ಗೆ ತಿಳಿಸಿದ್ದಾರೆ.
ಖಾನ್ಸರ್ ಜಿಲ್ಲೆಯಲ್ಲಿ 54 ವಲಸಿಗರ ಶವಗಳು ತೀರಕ್ಕೆ ಬಂದಿವೆ ಮತ್ತು ಇತರ 14 ಮಂದಿ ಶವಗಳು ಪತ್ತೆಯಾಗಿದ್ದು, ಯೆಮನ್ನ ದಕ್ಷಿಣ ಕರಾವಳಿಯ ಅಬ್ಯಾನ್ನ ಪ್ರಾಂತೀಯ ರಾಜಧಾನಿ ಜಿಂಜಿಬಾರ್ನಲ್ಲಿರುವ ಆಸ್ಪತ್ರೆಯ ಶವಾಗಾರಕ್ಕೆ ಕರೆದೊಯ್ಯಲಾಗಿದೆ ಎಂದು ಹೇಳಿದರು. ಈ ಹಡಗು ದುರಂತದಲ್ಲಿ ಕೇವಲ 12 ವಲಸಿಗರು ಬದುಕುಳಿದಿದ್ದಾರೆ ಮತ್ತು ಉಳಿದವರು ಕಾಣೆಯಾಗಿದ್ದಾರೆ ಅಥವಾ ಸತ್ತಿದ್ದಾರೆಂದು ಭಾವಿಸಲಾಗಿದೆ ಎಂದು ಎಸೋವ್ ಹೇಳಿದರು.
ಇದನ್ನು ಓದಿ: Chethan Ahimsa: “ಟಿಪ್ಪು ಸುಲ್ತಾನ್ KRSಗೆ ‘ಆಧಾರ ಶಿಲೆ’ ಎನ್ನಬಹುದು”: ಚೇತನ್ ಅಹಿಂಸಾ
